August 17, 2007
Nan dam lio a si lai tiah Pathian ka bochan. Zarh fa tin thawngtha i chimh phuannak um kho seh law ti hi saduh rak thah lengmangmi cu a si. Nain, a tuah ngai in atu tiang kan tuah kho lo. Thil tha tuk le a si fawn. Cu caah, hmailei kan kalnak lamthluan ahhin cun zarhkhat voikhat thawngtha in thazaang i peknak hi um kho seh law ti kha saduh thah a si. Tuzarh thawk cun thawngtha chimnak ngeih peng khawh kan i zuam hna lai. Kan thlacamnak zong ah rak chia cio hna usih.
Tuzarh hi cu a dang caan aa thiah manh lo caah keimah nih ka hun chim rih ko lai. Hmaizarh hi a dang pakhat nih a chim lai. A min belte kan chim rih hna lai lo.
Ni khat cu pastor pakhat nih a Khrihfabu chung i chungkhar pakhat sinah thlacampiak hna dingin a va leng hna. Pastor pa a len hna cu an tha a nuam ngaingai. Pastor pa nih tlawmpal bia a ruah hna hnuah pumhnak le thlacamnak te kan ngei ta hna lai, nan Baibal ca hun chuah uh a ti hna. Cu nih cun an chungkhar ning in buai ko a tuah hna. An nu pa fa rual in an Baibal ca cu an kawl. An hmu lo. An thil vial te an thlok dih cikcek, an kuang zong an kau, kan chiah men lai tiah an ruahnak vialte an kawl i an hmu ti lo. An thlan hripi nih a paih dih hna. Pastor a hmai kan khah tung lai lo an ti. A hnu bik ah a thli te in an fa hniang te kha, inn pa ah va hlan dingin inn hnulei in an kal ter. An fahniang te nih cun Baibal cu an innpa hna sinin a hlan i a rak put. Cun, pastor pa a thutnak innpi ah an lut i Baibal cu pastor pa cu an pek.
Cu zuksuaimi ka zoh i khua tampi a ka ruahter. Baibal chiahnak theih lo. A tlau zong theih ti lo cu dah ngai tiah ka ruat. Cu pah ah ka lung a chuakmi cu kan hawinu pakhat na Baibal rak i put ka rak ti i, "Ka Baibal cu a thar tukmi a si i a thur sual lai tiah ka kuang chungah ka fim" tiah a rak ka leh. Um... Baibal hi kuang chung i chiah ding maw, khoi ka deuh chiah ding dah a si ti, a rak ka ruah ter ngaingai. Cu zong cu ka lung ah a hung chuah than dih.
Nihin cu Bible Sunday a si i kan Baibal kong le kan hmuhning kong ruahthan ding ka hun duh. Kan Baibal hi kan theih dih bantuk in then hnih ah then khawh a si: Biakam Hlun le Biakam Thar tiin. Biakam Hlun ah cun uk 39 a um i Biakam Thar ahcun uk 27 a um. An zapi ah uk 66 an si. Nihin vawleicung i chuahmi cauk pawl bantuk in minung pakhat lawng nih tialmi a si lo. Minung 40 tluk nih kum 1400 tluk a raumi caan chungah an tialmi a si. Cauk tampi cu an tial hna lio caan ca lawngah sullam an ngei. Nain, Baibalca cu an rak tialnak hi kum tamtuk a rau cang nain, nihin ni tiang ah a duai kho lo, sullam a ngei peng. Holh phunphun in lehmi a si. Kannih Lai Baibal Thiang hi tleicia kan pa Rev. Dr. David Van Bik nih a rak kan lehpiakmi a si.
Baibal hi zei he dah a lawh ti ahcun cauk chiahnak caruk (library) he aa lo. Caruk ah na va kal ahcun cauk phunphun na hmuh ko hna lai. A cheu cu vawlei lei kong, a cheu cu sipuazi lei kong, a cheu cu biaknak lei kong, a cheu cu ngakchia kong, a cheu cu chungkhar kong tiin an um. Cu bantuk te cu kan Baibal zong a si ve. Na duhmi kong paoh na hmuh khawh. Thil pakhat theih kan duh tikah caruk ah kan kal i kan va kawl tawn. Khrihfami nih kan philh sual tawnmi cu, kan theih lomi, theih kan i harhmi a um tikah Baibal chungah kawl kha a si.
Baibal hi na nunnak ah zei tluk dah sullam a ngeih? Zei tluk in dah na rel? Zei tluk in dah na sunsak? Hi biahalnak i a phi cu pumpak cio nih kan i ngeih dih ko. Paul nih Timote sinah hi tihin ca a kuat: "Na ngakchiat liote in Ca Thiang kha a hngalmi na si; na hngalh bangin Ca Thiang nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek. Ca Thiang hi a dihlak in Pathian thaw chuah hnawhmi a si i biatak cawnpiaknak caah le palhnak cawnpiaknak alnak caah le palhmi remhnak caah le dingte in nunnak ding cawnpiaknak caah a thahnem mi a si" (1 Tim 2:3:15-16).
Nihin kan umnak vawleicung ah thil a phunphun a cang. Kan nunnak a kan thlengtu, khua a kan ruahter tu thil tampi an um. 1997 September thla ah Princess Diana a thih tikah, mi tampi nihcun Diana a thihnak nih kan nunnak a kan thlen ee an ti. Cun kum 2001 September 11 ah New York i a ummi inn sang bik pahnih vanlawng in mi tha lo pawl nih an pah i mi tampi an thih tikah, mi a cheu nih, cu nih cun kan nunnak a kan thlen ee an ti. Biahal awk a ummi cu: cu thlennak nih cun zei tik tiang a nguh hna lai? Baibal nih cun kan nunnak kha a zungzal ca in thlen ding kha a kan kamhmi a si. "Mi zei hmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang" (2 Korin 5:17).
Bible Sunday kan hman lio ah No Bible Sunday tiin a hmangmi zong an rak um. No Bible Sunday timi ka hmuh ka ahcun ka lau. Hi Sunday cu loh pei a si ko hi ka ti. Nain, an hmanning ka hun zoh tikah, um.. a tha ngai ve ko ka hei ti than. Hi Sunday kong an theih tikah mi tampi nih zei tin dah Baibal lo cun zarhpini cu kan hman khawh lai, an ti. Cucu No Bible Sunday nih langhter a duhmi cu a si. Baibal lo ngaingai cun kan si kho hrim lo ti kha theihter thannak dingah No Bible Sunday cu tuah an thawk. Baibal lo in cun,
1. Pathian biak a har tuk. Zei caah tiah kan sakmi hla hna hi Baibal kha a hram ah chiah in phanmi an si. Cu pinah, Baibal nih cun Pathian cu zei bantuk a si ti kha a kan chimh. Phundang in chim ahcun, Baibal nih Pathian kong a kan chimh.
2. Pathian duhnak hngalh a har. Vawleicung ah cauk thatha tampi a chuak ve ko nain, Baibal tluk in kan nunnak ah bia a chim khomi le Pathian duhnak a kan hmuhsak khomi cauk an um lo.
3. Pathian kong le hi vawleicung ah kan nunnak a ruang le a sullam theih khawh a har. Cu lawng si lo, midang nih Pathian kong an chimmi a hman maw hman lo ti theih nak ding ah Baibal lo cun a si kho hrim lo.
Nihin ni ah mi tampi nih cun Baibal kha rel an duh lo. Baibal an ngei ko, an ngei kho ko; nain rel an i tim lo. Nain, vawleicung ah mi tampi cu Baibal rel kho loin an um. A cheu cu ca an cawn khawh lo ruangah an rel kho lo. A cheu cu biaknak lei hremnak a um ruangah rel kho loin an um. A cheu cu Baibal hmanh an i ngeih kho lo. Cu caah, mi tampi caah cun Zarhpi ni paoh hi No Bible Sunday a si. Cu lak ahcun kannih cu Baibal a ngei kho, a rel kho dir hmun ah kan um hi i lawmhtuk awk a rak si. Cun Baibal hrimhrim zong rel lengmang ding a si.
Baibal ca nih hin:
1. Kan hramthoknak cu Pathian a si ti a kan hmuhsak.
2. Ruahchannak ngeimi kan si zong a kan chimh. Vancung ram kan i ruahchannak zong hi Baibal nih a kan cawnpiakmi a si.
3. Jesuh Khrih nih kan caah a nunnak a peknak kong a kan chimh.
4. Jesuh Khrih zumhnak thawngin khamhnak hmuh khawh a si zong a kan chimh.
5. Pathian dawtnak kong zong a kan chimh.
6. Zeizong vialte cungah nawlngeitu cu Pathian a si i zei zong te hi Pathian kut ah an um kha a ka cawnpiak fawn.
Karl Barth, vawleicung ah theology lei minthang tuk a simi pa, nih Pathian kong, Khrihfabu kong le a dangdang zumhnak kong cauk tampi a tial. Ni khat cu siangngakchia pakhat nih Karl Barth cu hi tihin bia a hal: "Na nun chung na tialmi le theology kong hi biafang tlawmte in fun law na kan chim kho hnga maw?" Mipi nih cun zei tin ko in dah a leh hnga tiah an ngaih ko. Tlawmpal a hun i ruat i panh nawn in, "Kan chimh khawh ko hna lai. Ka nu nih a rak ka sakpiak tawnmi in: Jesuh a ka dawt ka hngalh, Baibalca nih a ka chimh ti hi a si hnga" a ti. Khrihfa Hlabu nan i hunh ahcun ZBC 381 ah "Jesuh a ka dawt ka hngalh, Baibal ca chungah aa tial . . ." ti kha sak pah khawh a si.
Jesuh nih a kan dawt kan hngalhnak cu Baibal in a si hi philh hna hlah usih.
Nan umnak cio ah kan biakmi Khuazing Pathian nih in umpi cio ko hna seh. Amen.
Bibik
Nan dam lio a si lai tiah Pathian ka bochan. Zarh fa tin thawngtha i chimh phuannak um kho seh law ti hi saduh rak thah lengmangmi cu a si. Nain, a tuah ngai in atu tiang kan tuah kho lo. Thil tha tuk le a si fawn. Cu caah, hmailei kan kalnak lamthluan ahhin cun zarhkhat voikhat thawngtha in thazaang i peknak hi um kho seh law ti kha saduh thah a si. Tuzarh thawk cun thawngtha chimnak ngeih peng khawh kan i zuam hna lai. Kan thlacamnak zong ah rak chia cio hna usih.
Tuzarh hi cu a dang caan aa thiah manh lo caah keimah nih ka hun chim rih ko lai. Hmaizarh hi a dang pakhat nih a chim lai. A min belte kan chim rih hna lai lo.
Bible Sunday
Nai te ah ka hawipa nih MBC nih an chuahmi Met-ta-ta-man mekazin a rak i tinpi. Cu mekazin ahcun capar a phunphun aa tel. Cun August 19 cu Bible Sunday a si caah tiin Bible Sunday he aa pehtlaimi capar zong an um. Tuanbia pawl zong an um. Biazai pawl zong an i tel. A hramthawk tein ka rel. Biazai pawl ka hun rel hna. Cun cartoon (zuksuai mi) pawl ka zoh hna. Cu zuk an suaimi lakah pakhat nih ka lung a ka suk ngaingai. Cucu hi tin hin an suai:Ni khat cu pastor pakhat nih a Khrihfabu chung i chungkhar pakhat sinah thlacampiak hna dingin a va leng hna. Pastor pa a len hna cu an tha a nuam ngaingai. Pastor pa nih tlawmpal bia a ruah hna hnuah pumhnak le thlacamnak te kan ngei ta hna lai, nan Baibal ca hun chuah uh a ti hna. Cu nih cun an chungkhar ning in buai ko a tuah hna. An nu pa fa rual in an Baibal ca cu an kawl. An hmu lo. An thil vial te an thlok dih cikcek, an kuang zong an kau, kan chiah men lai tiah an ruahnak vialte an kawl i an hmu ti lo. An thlan hripi nih a paih dih hna. Pastor a hmai kan khah tung lai lo an ti. A hnu bik ah a thli te in an fa hniang te kha, inn pa ah va hlan dingin inn hnulei in an kal ter. An fahniang te nih cun Baibal cu an innpa hna sinin a hlan i a rak put. Cun, pastor pa a thutnak innpi ah an lut i Baibal cu pastor pa cu an pek.
Cu zuksuaimi ka zoh i khua tampi a ka ruahter. Baibal chiahnak theih lo. A tlau zong theih ti lo cu dah ngai tiah ka ruat. Cu pah ah ka lung a chuakmi cu kan hawinu pakhat na Baibal rak i put ka rak ti i, "Ka Baibal cu a thar tukmi a si i a thur sual lai tiah ka kuang chungah ka fim" tiah a rak ka leh. Um... Baibal hi kuang chung i chiah ding maw, khoi ka deuh chiah ding dah a si ti, a rak ka ruah ter ngaingai. Cu zong cu ka lung ah a hung chuah than dih.
Nihin cu Bible Sunday a si i kan Baibal kong le kan hmuhning kong ruahthan ding ka hun duh. Kan Baibal hi kan theih dih bantuk in then hnih ah then khawh a si: Biakam Hlun le Biakam Thar tiin. Biakam Hlun ah cun uk 39 a um i Biakam Thar ahcun uk 27 a um. An zapi ah uk 66 an si. Nihin vawleicung i chuahmi cauk pawl bantuk in minung pakhat lawng nih tialmi a si lo. Minung 40 tluk nih kum 1400 tluk a raumi caan chungah an tialmi a si. Cauk tampi cu an tial hna lio caan ca lawngah sullam an ngei. Nain, Baibalca cu an rak tialnak hi kum tamtuk a rau cang nain, nihin ni tiang ah a duai kho lo, sullam a ngei peng. Holh phunphun in lehmi a si. Kannih Lai Baibal Thiang hi tleicia kan pa Rev. Dr. David Van Bik nih a rak kan lehpiakmi a si.
Baibal hi zei he dah a lawh ti ahcun cauk chiahnak caruk (library) he aa lo. Caruk ah na va kal ahcun cauk phunphun na hmuh ko hna lai. A cheu cu vawlei lei kong, a cheu cu sipuazi lei kong, a cheu cu biaknak lei kong, a cheu cu ngakchia kong, a cheu cu chungkhar kong tiin an um. Cu bantuk te cu kan Baibal zong a si ve. Na duhmi kong paoh na hmuh khawh. Thil pakhat theih kan duh tikah caruk ah kan kal i kan va kawl tawn. Khrihfami nih kan philh sual tawnmi cu, kan theih lomi, theih kan i harhmi a um tikah Baibal chungah kawl kha a si.
Baibal hi na nunnak ah zei tluk dah sullam a ngeih? Zei tluk in dah na rel? Zei tluk in dah na sunsak? Hi biahalnak i a phi cu pumpak cio nih kan i ngeih dih ko. Paul nih Timote sinah hi tihin ca a kuat: "Na ngakchiat liote in Ca Thiang kha a hngalmi na si; na hngalh bangin Ca Thiang nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek. Ca Thiang hi a dihlak in Pathian thaw chuah hnawhmi a si i biatak cawnpiaknak caah le palhnak cawnpiaknak alnak caah le palhmi remhnak caah le dingte in nunnak ding cawnpiaknak caah a thahnem mi a si" (1 Tim 2:3:15-16).
Nihin kan umnak vawleicung ah thil a phunphun a cang. Kan nunnak a kan thlengtu, khua a kan ruahter tu thil tampi an um. 1997 September thla ah Princess Diana a thih tikah, mi tampi nihcun Diana a thihnak nih kan nunnak a kan thlen ee an ti. Cun kum 2001 September 11 ah New York i a ummi inn sang bik pahnih vanlawng in mi tha lo pawl nih an pah i mi tampi an thih tikah, mi a cheu nih, cu nih cun kan nunnak a kan thlen ee an ti. Biahal awk a ummi cu: cu thlennak nih cun zei tik tiang a nguh hna lai? Baibal nih cun kan nunnak kha a zungzal ca in thlen ding kha a kan kamhmi a si. "Mi zei hmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang" (2 Korin 5:17).
Bible Sunday kan hman lio ah No Bible Sunday tiin a hmangmi zong an rak um. No Bible Sunday timi ka hmuh ka ahcun ka lau. Hi Sunday cu loh pei a si ko hi ka ti. Nain, an hmanning ka hun zoh tikah, um.. a tha ngai ve ko ka hei ti than. Hi Sunday kong an theih tikah mi tampi nih zei tin dah Baibal lo cun zarhpini cu kan hman khawh lai, an ti. Cucu No Bible Sunday nih langhter a duhmi cu a si. Baibal lo ngaingai cun kan si kho hrim lo ti kha theihter thannak dingah No Bible Sunday cu tuah an thawk. Baibal lo in cun,
1. Pathian biak a har tuk. Zei caah tiah kan sakmi hla hna hi Baibal kha a hram ah chiah in phanmi an si. Cu pinah, Baibal nih cun Pathian cu zei bantuk a si ti kha a kan chimh. Phundang in chim ahcun, Baibal nih Pathian kong a kan chimh.
2. Pathian duhnak hngalh a har. Vawleicung ah cauk thatha tampi a chuak ve ko nain, Baibal tluk in kan nunnak ah bia a chim khomi le Pathian duhnak a kan hmuhsak khomi cauk an um lo.
3. Pathian kong le hi vawleicung ah kan nunnak a ruang le a sullam theih khawh a har. Cu lawng si lo, midang nih Pathian kong an chimmi a hman maw hman lo ti theih nak ding ah Baibal lo cun a si kho hrim lo.
Nihin ni ah mi tampi nih cun Baibal kha rel an duh lo. Baibal an ngei ko, an ngei kho ko; nain rel an i tim lo. Nain, vawleicung ah mi tampi cu Baibal rel kho loin an um. A cheu cu ca an cawn khawh lo ruangah an rel kho lo. A cheu cu biaknak lei hremnak a um ruangah rel kho loin an um. A cheu cu Baibal hmanh an i ngeih kho lo. Cu caah, mi tampi caah cun Zarhpi ni paoh hi No Bible Sunday a si. Cu lak ahcun kannih cu Baibal a ngei kho, a rel kho dir hmun ah kan um hi i lawmhtuk awk a rak si. Cun Baibal hrimhrim zong rel lengmang ding a si.
Baibal ca nih hin:
1. Kan hramthoknak cu Pathian a si ti a kan hmuhsak.
2. Ruahchannak ngeimi kan si zong a kan chimh. Vancung ram kan i ruahchannak zong hi Baibal nih a kan cawnpiakmi a si.
3. Jesuh Khrih nih kan caah a nunnak a peknak kong a kan chimh.
4. Jesuh Khrih zumhnak thawngin khamhnak hmuh khawh a si zong a kan chimh.
5. Pathian dawtnak kong zong a kan chimh.
6. Zeizong vialte cungah nawlngeitu cu Pathian a si i zei zong te hi Pathian kut ah an um kha a ka cawnpiak fawn.
Karl Barth, vawleicung ah theology lei minthang tuk a simi pa, nih Pathian kong, Khrihfabu kong le a dangdang zumhnak kong cauk tampi a tial. Ni khat cu siangngakchia pakhat nih Karl Barth cu hi tihin bia a hal: "Na nun chung na tialmi le theology kong hi biafang tlawmte in fun law na kan chim kho hnga maw?" Mipi nih cun zei tin ko in dah a leh hnga tiah an ngaih ko. Tlawmpal a hun i ruat i panh nawn in, "Kan chimh khawh ko hna lai. Ka nu nih a rak ka sakpiak tawnmi in: Jesuh a ka dawt ka hngalh, Baibalca nih a ka chimh ti hi a si hnga" a ti. Khrihfa Hlabu nan i hunh ahcun ZBC 381 ah "Jesuh a ka dawt ka hngalh, Baibal ca chungah aa tial . . ." ti kha sak pah khawh a si.
Jesuh nih a kan dawt kan hngalhnak cu Baibal in a si hi philh hna hlah usih.
Nan umnak cio ah kan biakmi Khuazing Pathian nih in umpi cio ko hna seh. Amen.
Bibik
No comments:
Post a Comment