September 9, 2007
Thawngttha bia i hrawm tti than kho dingin caan a kan petu Pathian kan thangtthat. Pathian cu a tha i a dawtnak cu a hmun. Cu caah, Pathian sinah lunglawmhnak chim daithlang hna hlah usih. Kan hramthoknak ah Ca thiang kan rel hna lai:
Vawlei mi vialte hna, lunglawm in Bawipa cu hla in thangthat u! Bawipa cu lunglawmte in bia u law lunglawmhnak hla he a hmai ah cun ra chuak u. Bawipa cu Pathian a si kha zeitik hmanh ah philh hlah u! A kan sertu cu amah a si i kannih cu amah ta kan si; a mi kan si a turun kan si (Salm 100:1-3).
Thla kan cam hna lai: Kan nunnak a ngei i dawtnak he lam a kan hruai zungzaltu kan biakmi Pathian, na thawngtha bia i hrawmttinak caan kan hmuh caah kan i lawm. Kan tlamtlin lonak le kan sualpalhnak hun kan ngai thiam. A dam lomi kan u kan nau hna damnak pe ko hna. Lai lei ah kan kal takmi kan chungkhar hna nangmah nih zohkhenh ko hna. Kan umnak cio ah nihin ni tiang lam na kan hruai i, na kan zaangfah bantuk in hmailei zong ah na thluachuahnak he kan umpi rih ko. Nangmah zumhnak ah a fekmi le zumhtlakmi kan si khawh nakhnga lam kan hruai ko. Jesuh Khrih min in thla kan cam. Amen.
Nihin thawngtha a kan chimtu cu kan pa Rev. Dr. C. Duh Kam a si. Amah nih caan a hmannak a si cang lai.
Bible relnak: Tho tuah, Jerusalem, ni bantuk in tlang tuah; Bawipa sunparnak cu ni bantuk in a tlang! Miphun dang cu muihnak nih a huh hna lai, sihmanhsehlaw nang cung ahcun Bawipa ceunak cu a ceu lai; a sunparnak cu na sinah a um lai. Miphun tampi nih na ceunak cu an fuh lai i na ni thar a chuak mi cu siangpahrang nih an fuh lai. I mer law na pawngkam ah khan zeidah a um ti kha zoh tuah. Na mi cu inn i tlun awk ah an i pum. Na fapa hna cu ramhla pi in an ra lai i na fanu hna cu ngakchia bang in puak cung in an ra lai (Isaih 60:1-4).
Bawipa nih a tthawnnak in a ka khah ter.
Sifak mi hna sinah thawngttha phurh awk le
Lung a kuai mi hna dam ter awk le,
Sal i a taang mi hna sinah chuahnak thanh awk le,
Thong chung i a um mi hna sinah luatnak chim awk ah
a ka thim i a ka thlah.
Bawipa nih a mi cu a khamh cang hna lai i
A ral cu a tei cang hna lai, ti chim kha a ka fial.
A ngaih a chia mi vialte kha hnemh awk le
Zion i ngaihchia in a ummi vialte hna cu
Vutcam caah pangpar tthi,
mitthli caah lawmhnak chiti thangtthatnak hla,
pek awk ah a ka thlah.
Annih cu Bawipa hrimhrim nih a zohkhenh hna lai i
Thingkung bantuk in an hninghno lai.
Mi kip nih thil ttha kha an tuah cio lai i
Pathian cu a tuah mi thil ruangah khan an thangtthat lai.
Saupi a rawk cang mi khua kha an remh tthan hna lai.
(Isaiah 61:1-4)
1. American Baptist Churches (ABC) Civui le ABC kum zakhat tlinnak cu Washington, DC ah 2007 July zarh khatnak ah tuah a si. A thawngttha chim mi cu "Tho law ceu cang tuah" (Arise and shine) a si. Hi lio an cangtaar hi kan khuami nih theih ding ah ka van chim duh ve. Baptist pawl cu freedom (luatnak) a ttanh mi an si. American Baptist Khrihfa hna thinlung hi ka khuaruahhar ngai mi a si. Midang cu chim lo, Japan pawl nih Pearl Harbor kha bawm an puah ruangah USA ah a ummi Japanese 150,000 kha thong an thlak hna. Pearl Harbor cu Japanese Commander Mitsuo Fuchida kha bawm thlak ding in nawl an pek caah December 7, 1941 Zing 7:79 am ah bom an thlak. American ralkap cu an tho manh lo. American ralkap 2403 an thi, 1178 an i hliam. A thaizing tein President Franklin D. Rossevelt nih Vawlei ralpi ah kan i tel ve cang lai a ti. President Harry Trumen nih nawl a pek hna bantuk in August 6, 1945 ah Hirosima khua ah atomic bomb (Little Boy) ti mi an thlak. Minung 140,000 an thi. Nagasaki khua ah August 9, 1945 nih (Fat Man) timi atomic bawm an thlak tthan. Minung 74,000 an thi. Atomic bom thlak hnawh ding tiang in an huat mi hna Japanese pawl cu Baptist pawl nih an rak bawmh hna i an rak luat ter hna. Kannih Chinmi hna zong Church World Service he i bawm in American Baptist Churches nih Kuam kan um lio in a tu tiang a kan bawmh.
2. Baptists cu mission kha aa nunpi mi a si. Pathian thawngttha cu kan tho lai i kan chim tthan lai an ti. Atu lio ah denomination dang hna lak ah khrihfabu thar a karhbik mi a si.
3. Mino mi chungin hruaitu chuah ding kha an i zuam. Civui lio ah pastor chuakka kum 20 hrawng minung nih "tho law ceu tuah (Arise and Shine)" timi thawngtha an chim i an thiam taktak.
4. Isaiah 60:1 hi chirhchan in chim a si. Kei zong nih kanmah context in chim ve ka duh. Profet Isaiah nih Pathian bia a phuan lio ah hin Isaiah dal 40-66 tiang hi Israel mi a cheu Jerusalem ah an kir cang i, a cheu Babilon ah an taang rih. Hi a chimmi bia cu Jerusalem ah a ummi hna sinah a chim. "Tho tuah, Jerusalem, ni bantuk in tlang tuah, Bawipa sunparnak cu ni bantuk in a tlang" tiah a chim.
5. Kannih Thaumi zong a cheu ramdang ah kan phan. A cheu lampi ah an um. A cheu Lairam ah an um. Profet bia hi khawika leilung ah dah a tlak lai i a keuh lai? Lairam ah maw, ram dang ah? Hi bia kan zoh tikah Pathian nih a luat cang mi hna Israel miphun sinah a chim mi a si. Kannih Thaumi zong hi Kawl Cozah kut in a luat mi cu ramdang ummi kan si. Miphun le ram a ser kho mi cu a luat mi hna lawng an si. "Tho tuah, Jerusalem, ni bantuk tlang tuah" a ti tikah a minung kha chim duh mi a si. A khua kha a si lo. Pathian bia cu kannih Thaumi sining in kan zoh ahcun a luatmi kanmah ramdang ah a ummi Thaumi sinah chim mi a si. A tho i ni bantuk in a ceu ding mi cu ramdang ah a um mi hi kan si. Nangmah le keimah kan si.
6. Isaiah nih cun Bawipa nih a tthawnnak in a ka khah ter a ti. Kannih zong Pathian tthawnnak, Khrih khamhnak tthawnnak kan ngeih lo ahcun kan khua kan ram kan ser kho lai lo. Khua le ram ser ding ah kannih cu fial kan si. Tthawnnak ngeih kan hau. Pathian zumhnak ah biatak chuah kan hau.
7. Tho usih. Bawipa ram caah dir usih. Pathian bia in kan Lairam le miphun, le kan chuahnak khua le ram hna hi ser tthan hna usih.
C. Duh Kam
Pastor
Chin Baptist Mission Church
Tho u sih law ceu u sih tiin thawngtha in thazaang a kan petu ka pa Duh cungah tampi kan i lawm. Zarh khat chung kan umthut, kan riantuannak cio ah kan biakmi Khuazing Pathian nih kan umpi cio ko seh. Amen.
Thawngttha bia i hrawm tti than kho dingin caan a kan petu Pathian kan thangtthat. Pathian cu a tha i a dawtnak cu a hmun. Cu caah, Pathian sinah lunglawmhnak chim daithlang hna hlah usih. Kan hramthoknak ah Ca thiang kan rel hna lai:
Vawlei mi vialte hna, lunglawm in Bawipa cu hla in thangthat u! Bawipa cu lunglawmte in bia u law lunglawmhnak hla he a hmai ah cun ra chuak u. Bawipa cu Pathian a si kha zeitik hmanh ah philh hlah u! A kan sertu cu amah a si i kannih cu amah ta kan si; a mi kan si a turun kan si (Salm 100:1-3).
Thla kan cam hna lai: Kan nunnak a ngei i dawtnak he lam a kan hruai zungzaltu kan biakmi Pathian, na thawngtha bia i hrawmttinak caan kan hmuh caah kan i lawm. Kan tlamtlin lonak le kan sualpalhnak hun kan ngai thiam. A dam lomi kan u kan nau hna damnak pe ko hna. Lai lei ah kan kal takmi kan chungkhar hna nangmah nih zohkhenh ko hna. Kan umnak cio ah nihin ni tiang lam na kan hruai i, na kan zaangfah bantuk in hmailei zong ah na thluachuahnak he kan umpi rih ko. Nangmah zumhnak ah a fekmi le zumhtlakmi kan si khawh nakhnga lam kan hruai ko. Jesuh Khrih min in thla kan cam. Amen.
Nihin thawngtha a kan chimtu cu kan pa Rev. Dr. C. Duh Kam a si. Amah nih caan a hmannak a si cang lai.
Bible relnak: Tho tuah, Jerusalem, ni bantuk in tlang tuah; Bawipa sunparnak cu ni bantuk in a tlang! Miphun dang cu muihnak nih a huh hna lai, sihmanhsehlaw nang cung ahcun Bawipa ceunak cu a ceu lai; a sunparnak cu na sinah a um lai. Miphun tampi nih na ceunak cu an fuh lai i na ni thar a chuak mi cu siangpahrang nih an fuh lai. I mer law na pawngkam ah khan zeidah a um ti kha zoh tuah. Na mi cu inn i tlun awk ah an i pum. Na fapa hna cu ramhla pi in an ra lai i na fanu hna cu ngakchia bang in puak cung in an ra lai (Isaih 60:1-4).
Bawipa nih a tthawnnak in a ka khah ter.
Sifak mi hna sinah thawngttha phurh awk le
Lung a kuai mi hna dam ter awk le,
Sal i a taang mi hna sinah chuahnak thanh awk le,
Thong chung i a um mi hna sinah luatnak chim awk ah
a ka thim i a ka thlah.
Bawipa nih a mi cu a khamh cang hna lai i
A ral cu a tei cang hna lai, ti chim kha a ka fial.
A ngaih a chia mi vialte kha hnemh awk le
Zion i ngaihchia in a ummi vialte hna cu
Vutcam caah pangpar tthi,
mitthli caah lawmhnak chiti thangtthatnak hla,
pek awk ah a ka thlah.
Annih cu Bawipa hrimhrim nih a zohkhenh hna lai i
Thingkung bantuk in an hninghno lai.
Mi kip nih thil ttha kha an tuah cio lai i
Pathian cu a tuah mi thil ruangah khan an thangtthat lai.
Saupi a rawk cang mi khua kha an remh tthan hna lai.
(Isaiah 61:1-4)
1. American Baptist Churches (ABC) Civui le ABC kum zakhat tlinnak cu Washington, DC ah 2007 July zarh khatnak ah tuah a si. A thawngttha chim mi cu "Tho law ceu cang tuah" (Arise and shine) a si. Hi lio an cangtaar hi kan khuami nih theih ding ah ka van chim duh ve. Baptist pawl cu freedom (luatnak) a ttanh mi an si. American Baptist Khrihfa hna thinlung hi ka khuaruahhar ngai mi a si. Midang cu chim lo, Japan pawl nih Pearl Harbor kha bawm an puah ruangah USA ah a ummi Japanese 150,000 kha thong an thlak hna. Pearl Harbor cu Japanese Commander Mitsuo Fuchida kha bawm thlak ding in nawl an pek caah December 7, 1941 Zing 7:79 am ah bom an thlak. American ralkap cu an tho manh lo. American ralkap 2403 an thi, 1178 an i hliam. A thaizing tein President Franklin D. Rossevelt nih Vawlei ralpi ah kan i tel ve cang lai a ti. President Harry Trumen nih nawl a pek hna bantuk in August 6, 1945 ah Hirosima khua ah atomic bomb (Little Boy) ti mi an thlak. Minung 140,000 an thi. Nagasaki khua ah August 9, 1945 nih (Fat Man) timi atomic bawm an thlak tthan. Minung 74,000 an thi. Atomic bom thlak hnawh ding tiang in an huat mi hna Japanese pawl cu Baptist pawl nih an rak bawmh hna i an rak luat ter hna. Kannih Chinmi hna zong Church World Service he i bawm in American Baptist Churches nih Kuam kan um lio in a tu tiang a kan bawmh.
2. Baptists cu mission kha aa nunpi mi a si. Pathian thawngttha cu kan tho lai i kan chim tthan lai an ti. Atu lio ah denomination dang hna lak ah khrihfabu thar a karhbik mi a si.
3. Mino mi chungin hruaitu chuah ding kha an i zuam. Civui lio ah pastor chuakka kum 20 hrawng minung nih "tho law ceu tuah (Arise and Shine)" timi thawngtha an chim i an thiam taktak.
4. Isaiah 60:1 hi chirhchan in chim a si. Kei zong nih kanmah context in chim ve ka duh. Profet Isaiah nih Pathian bia a phuan lio ah hin Isaiah dal 40-66 tiang hi Israel mi a cheu Jerusalem ah an kir cang i, a cheu Babilon ah an taang rih. Hi a chimmi bia cu Jerusalem ah a ummi hna sinah a chim. "Tho tuah, Jerusalem, ni bantuk in tlang tuah, Bawipa sunparnak cu ni bantuk in a tlang" tiah a chim.
5. Kannih Thaumi zong a cheu ramdang ah kan phan. A cheu lampi ah an um. A cheu Lairam ah an um. Profet bia hi khawika leilung ah dah a tlak lai i a keuh lai? Lairam ah maw, ram dang ah? Hi bia kan zoh tikah Pathian nih a luat cang mi hna Israel miphun sinah a chim mi a si. Kannih Thaumi zong hi Kawl Cozah kut in a luat mi cu ramdang ummi kan si. Miphun le ram a ser kho mi cu a luat mi hna lawng an si. "Tho tuah, Jerusalem, ni bantuk tlang tuah" a ti tikah a minung kha chim duh mi a si. A khua kha a si lo. Pathian bia cu kannih Thaumi sining in kan zoh ahcun a luatmi kanmah ramdang ah a ummi Thaumi sinah chim mi a si. A tho i ni bantuk in a ceu ding mi cu ramdang ah a um mi hi kan si. Nangmah le keimah kan si.
6. Isaiah nih cun Bawipa nih a tthawnnak in a ka khah ter a ti. Kannih zong Pathian tthawnnak, Khrih khamhnak tthawnnak kan ngeih lo ahcun kan khua kan ram kan ser kho lai lo. Khua le ram ser ding ah kannih cu fial kan si. Tthawnnak ngeih kan hau. Pathian zumhnak ah biatak chuah kan hau.
7. Tho usih. Bawipa ram caah dir usih. Pathian bia in kan Lairam le miphun, le kan chuahnak khua le ram hna hi ser tthan hna usih.
C. Duh Kam
Pastor
Chin Baptist Mission Church
Tho u sih law ceu u sih tiin thawngtha in thazaang a kan petu ka pa Duh cungah tampi kan i lawm. Zarh khat chung kan umthut, kan riantuannak cio ah kan biakmi Khuazing Pathian nih kan umpi cio ko seh. Amen.
No comments:
Post a Comment