September 2, 2007
Baible Cang: "Thaizing caah, lungrethei awlawkchong in va um hlah u. Thaizing nih, a mah le mah aa zohkhenh ve te ko lai. Ni khat cio nih, har-buaibainak an I ngeih dih cio ko" (Matt. 6:34). Mirang ca in ka leh chinmi a si. Laica he tlawmte aa dang deuh.
Biahmaithi: Bik Bik nih, Sept 2 ni khi, Thau group ah nang phungchim von tar te tiah a ka ti i, tuan ah ka von tar kho lo. Phungchim tarnak caan ka hmuh caah, caan petu Bik Bik cung ah tampi kai lawm. Kan nunnak a kan zuahtu le damnak le caan tha a kan petu Pathian thangthat hna u sih, Nan zapite sin ah ruah ka duhmi cu, acunglei Jesuh chimmi bia te hi, kan umnak ram cio in zeitindah kan ruah ning le kan ton cio ning a si hnga?" timi ruahti ka duh.
Phungchimnak:
BD ka kai lio ah a si. Thau kan pam tuk caah, Pa Bawi nu le pa, Cycy nu le pa le Rangoon Thaumi hna nih, an hlutmi facang phurh pah in, khua ah ka va tlung. Facang hi, Pu Nun Hre le Pu Siang Awr ti in, Kalemyo ah kan cawk. Cu kum cu, kan khua cu kan pam tuk. Pawcawm deuh khan ah ruahmi cu, leikuang tuahmi deuh lawng an si. Tlanglo tuahmi cu, a cawmmi an tlawmte. Khuachung ah rawl cawk ding pakhat hmanh a um lo. Ai cawm ding ah ruahmi zong chuhcham viar a si caah, zapi ngacha in purphurh a rak si. Zapi zaran cu, April thla in purphurh a si cang. Kan mah chung zong kan har taktak ve. Nawn Nawn le Tha Tha nih, Hmunhalh ah rawl an va phurh. Cuti te cun, rilcatpeh in kan rak nung. Thau khua chung mi zapizaran cu, purphurhnak zong an rak ngei hna lo. Sangra le kawawm ei ding hmanh hi a har ko. Culio ah cozah kholhkhuai a si. A dang in kholhkhuai dangdang a um rih (Min ka lak). Lung hi a rak mit ko.
Thau khuanu khuapa hna zoh ahcun, an mitkuak a tla tuk. A hohmanh hi, mithmai a panh kho lo. Nih zong ah, lungchung taktak in nih khawh a si lo; tah nih in nih a si. Khuachung vok aar zoh ah, an derthawm tuk. Uico le bang cu, an hoha lawng a ling ko. Vokte, meheh, ar le uite phunphai zuat mi tete zong, Sihal nih a ngan hawi hna lo. Lung a rak dong tuk. Zarhpi NI zingpumh cu, an ngawi dih ngacha ko hna. Thisen le taksa nih a celh lo ti tluk a si. April thla in purphurh thawk cu hei ruat hmanh u. Thlaikheu an thla thlu rih lo. Kawawm zaat ngan ding khi a va hlat ning chim awk a tha lo. Thil hngah hi hngaktu caah a har khun. Cu har lio caan ah, thla 4 tluk van hngah ding cu a fawi in a fawi lo. Thau mi tar nupa zoh ah, ngaih a chia tuk. Ngeih hmanh ah, "Buh" hi khim ko in, ei ngam ding a rak si lo. Chungkhar tampi cu, tuzan le thaizing chumh ding kong ah, lungrethei vansangau in khua kan rak sa. Cucu ka mithmuh a si.
Cu tluk cun, Thau khua kan har lio ah, Zarhpi Ni chun paoh cu, meeting kan rak tuah. Zeitindah khuami kan I thithruai lai? Kan I kilkawi lai? Eidinlo in a thilo mi kan um sual lai maw? Atu kan facang te a dih in, zeitindah kan nun lai? Kaw awm le a za manh fawn lai lo. Facang cu chim ding a um fawn lo kan ti. Kan lotlakmi le khua a hrem caah, thlaikheu a chia ngai hawi. Tu kum ca hi, kan I zohkhenh khawh hmanh ah, kumvui zeitindah kan si than ne lai?" timi kong hei ruah ah, lungre a thei; khing a rit tuk cia cang. Meeting cu atu le tu kan tuah. A phi kan chuah kho tawn lo. Zeidah a phi kan chuah timi thei set lo in, heh tiah kan ruahnak cu chim le rel cio a si. Kan meeting dih cun, lung a mit tawn ko.
Voikhat cu, meegting kan tuah than. Eidin kong, thlai kheo chiat kong le kumvui ca von ruah ah, khing a rit tuk cang. Cu lio ah, Zingte pa nih aa thawh, "Zei si hmanh ah, hmai thla ca, thla nolh ca, kumvui ca ti ruah cu, ka khing a rit tuk; ka phur kho ti lo; cucaah cun, thaizing ca lawng ruat ko hna u sih, Cun thaizing ah a thaizing ca kan ruah than te hna lai. Cun thaizing bak ah a thaizing ca kan ruah than te hna lai. Culoahcun kan re a thei tuk cang hi te" tiah capo a rak chim. Cucu ka philh kho bal lo. Capo a si nain, cucu biatak a rak si ti hi, a tu tiang ka ruat theu tawn. Zeicatiah cu lio caan Thau khua kan pam ning cu, a fak ko. Kiptuh ca cu chim lo, thaizing eiding khan khi a rak fawi lo. Zumhnak dermi caahcun, lunretheih tuk ah, tluknak in a rak um ko. Cutite cun, nikhat ca tete khi khan chawm in, khuami cu kan rak nung hna le kum chuak tiang kan rak nung hna. Ruahlopi ah, facang a tha ngai I, a kumvui cu khuami pawcawm khan ah kan rak tla.
Ramdang kan phak tik zong ah, kha Thau khua kan har bantuk te khan, harnak voi tampi kan tong ko hna. America ah kan phan ko nain, duhdim nunnak hi zapi zaran caah a rak um hlei lo. A caan ah rian a kan phuah; a caan ah kan riantuan caan a kan thumh; a caan ah kan zawfak; kan I khongdeng; riantuan kho lo in kan um hawi hna. Cucaah a cheu caahcun zingzan eidin kong hmanh ah, lungrethei thiamthiam a si ko. Thau nak hmanh in lungre a theih deuh caan a um lengmang. American zong hi vanram bantuk a si lai tiah kan rak ruahmi hi a rak si thlu lem lo. An mah American minung bak hi, sifak an rak tam tuk; zingzan eidin ding lungrethei in a ummi le Krifabu nih an hlutmi eidin a to chawmmi chungkhar an rak tam tuk. Telefa tam nawn a ngei tung in, rian thathi a tuan kho lo mi le bang cu, kan mah cio bang, motor meiti rawn awk hmanh a ngei lo mi le mei man aa pek kho lo mi an rak tam tuk hna. Cucaah mi cheu caahcun, America zong hi, zingzan zeitindah kan eidin lai timi kong ah, a buaimi kan tampi ve ko.
Hi bantuk in harsatnak le lungretheihnak kan ton lio caan ah ka lung ah a chuak tawnmi cu, Thau I meeting kan tuahmi le Zingte pa bia kha a si tawn. Lai lei nih cun, America ah a ummi hna hi, an inuam tuk lai ti khin a kan ruah ko lai nain, America ummi mi tampi kan caahcun, a rak si ve thlu lo. Lungretheihnak le khuaruahharnak caan voi tampi kan tong thiamthiam. Tuzan le thaizing chumhchuan ding hmanh ah a buaimi kan tam tuk ve ko. Thau khua I kan lungre a rak theih tluk te khan, kan lungre a theih caan a um lengmang ko. Lung a dongh hrulh caan zong aum tawn ko. Cutite cun nikhat hnu nikhat kan I thawn ziahmah I kum kan let than lengmang.
Kan mah lawng kan si rua lo. Vawleicung hi, lungretheih le awklawkchonnak ram a rak si ko rua. Kan mah bantuk sifak santlai lo lawng si lo in, mirum milian, mithiam sangsang le Movie Stars minthangthang zong, lungretheihnak an rak ngei cio. Aa nuam tuk lai tiah kan rak ruahmi hna zong, kan ruah ning bantuk khin an rak I nuam theng lem lo. Buaicur in khua an rak sa cio ko hna. Eidin theng a si lo zong ah, thil pakhat khat ah, thinphan thlasannak he an rak um cio hna. Cucu vawleicung thil sining nih aa chuahpi chihmi an rak si.
Jesuh zultu zong hi, kan mah cio bantuk in, ngatlai hna, ngunkhuai khawl hna, lehtama phunphai hna an rak si ko. Hawihlei miza an rak si ruam lo. Lungretheih le awlokchawn an rak hmang ve ko. Jesuh zong cu an rak zumh ko. An zeizongte kaltak in an rak zulh taktak ko. Jesuh nih bia thatha a ruah peng ko hna. Hnangamnak bia le lunglawmhnak bia a chimh peng ko hna. Asinain, an minung sinak a lo kho hlei lo. Hmailei ca an ruah ah an lungre a rak thei ve tawn ko rua. Cucaah, Jesuh nih, "Thaizing kong ruah ah, lungrethei le awlawkchong in va um hlah u; Thaizing nih cun amah le mah aa zohkhenh ve te ko lai; ni khat cio nih an mah le harnak an I ratpi cio ko" tiah a rak timi hna hi, biatak a si.
Cucaah, ulenau hna, kan umnak ram cio ah hin, harnak an mah le sining in a rak um cio ko. Kan I ruahchannak bantuk in thil an kal dih kho lai lo. Saduh kan thah ning bantuk zong in a si khawh lo caan tampi a um te lai. Bawmhnak zong a dongh caan aum te lai. Rian lo um caan a um te lai. Zanriah le thaithawh eiding ruah ah, lungretheih khawhnak ram ah kan um ve ko hna. Harnak kan ton sual tik ah, intuar zia thiam a hau. Thaizing kong ruah I lungrethei le awlokchong tuk in um sual ahcun, innchungkhar tiang in a buai kho mi dirhmun ah kan um hna. Cucaah, kan innchungkhar cio ah, lungretheihnak le harsatnak kan ton cio tik ah, Jesuh Kri biate hi, ruat hna u sih. Tuchun ca harnak kha, tuchun caah zat ter ko u sih. Zan ah I tih pi hlah u sih. Thaizing ca harnak kong ruah ah, it lo le hngilh lo hna in, um hlah u sih. Thaizing nih harnak dangdang a chuahpi ve than te ko lai. Zei bantuk harnak hmanh tong u sih law, Kri Zumtu hna kan caahcun kan ruah dingmi cu, "Zu le va te hmanh rawl lo in a chia lo tu, kan Pathian nih, thaizing ah a kan hruai than ko lai; thlitu lak le totho lak zong ah siseh, amah nih a kan umpi ko lai" timi hnangamnak le zumhnak he, hmai ah kal I zuam hna u sih. Cu ruahnak le zumhnak nih, nikhat hnu nikhat kar a kan hlanpi lengmang ko lai.
Hanna Lian pa
Baible Cang: "Thaizing caah, lungrethei awlawkchong in va um hlah u. Thaizing nih, a mah le mah aa zohkhenh ve te ko lai. Ni khat cio nih, har-buaibainak an I ngeih dih cio ko" (Matt. 6:34). Mirang ca in ka leh chinmi a si. Laica he tlawmte aa dang deuh.
Biahmaithi: Bik Bik nih, Sept 2 ni khi, Thau group ah nang phungchim von tar te tiah a ka ti i, tuan ah ka von tar kho lo. Phungchim tarnak caan ka hmuh caah, caan petu Bik Bik cung ah tampi kai lawm. Kan nunnak a kan zuahtu le damnak le caan tha a kan petu Pathian thangthat hna u sih, Nan zapite sin ah ruah ka duhmi cu, acunglei Jesuh chimmi bia te hi, kan umnak ram cio in zeitindah kan ruah ning le kan ton cio ning a si hnga?" timi ruahti ka duh.
Phungchimnak:
BD ka kai lio ah a si. Thau kan pam tuk caah, Pa Bawi nu le pa, Cycy nu le pa le Rangoon Thaumi hna nih, an hlutmi facang phurh pah in, khua ah ka va tlung. Facang hi, Pu Nun Hre le Pu Siang Awr ti in, Kalemyo ah kan cawk. Cu kum cu, kan khua cu kan pam tuk. Pawcawm deuh khan ah ruahmi cu, leikuang tuahmi deuh lawng an si. Tlanglo tuahmi cu, a cawmmi an tlawmte. Khuachung ah rawl cawk ding pakhat hmanh a um lo. Ai cawm ding ah ruahmi zong chuhcham viar a si caah, zapi ngacha in purphurh a rak si. Zapi zaran cu, April thla in purphurh a si cang. Kan mah chung zong kan har taktak ve. Nawn Nawn le Tha Tha nih, Hmunhalh ah rawl an va phurh. Cuti te cun, rilcatpeh in kan rak nung. Thau khua chung mi zapizaran cu, purphurhnak zong an rak ngei hna lo. Sangra le kawawm ei ding hmanh hi a har ko. Culio ah cozah kholhkhuai a si. A dang in kholhkhuai dangdang a um rih (Min ka lak). Lung hi a rak mit ko.
Thau khuanu khuapa hna zoh ahcun, an mitkuak a tla tuk. A hohmanh hi, mithmai a panh kho lo. Nih zong ah, lungchung taktak in nih khawh a si lo; tah nih in nih a si. Khuachung vok aar zoh ah, an derthawm tuk. Uico le bang cu, an hoha lawng a ling ko. Vokte, meheh, ar le uite phunphai zuat mi tete zong, Sihal nih a ngan hawi hna lo. Lung a rak dong tuk. Zarhpi NI zingpumh cu, an ngawi dih ngacha ko hna. Thisen le taksa nih a celh lo ti tluk a si. April thla in purphurh thawk cu hei ruat hmanh u. Thlaikheu an thla thlu rih lo. Kawawm zaat ngan ding khi a va hlat ning chim awk a tha lo. Thil hngah hi hngaktu caah a har khun. Cu har lio caan ah, thla 4 tluk van hngah ding cu a fawi in a fawi lo. Thau mi tar nupa zoh ah, ngaih a chia tuk. Ngeih hmanh ah, "Buh" hi khim ko in, ei ngam ding a rak si lo. Chungkhar tampi cu, tuzan le thaizing chumh ding kong ah, lungrethei vansangau in khua kan rak sa. Cucu ka mithmuh a si.
Cu tluk cun, Thau khua kan har lio ah, Zarhpi Ni chun paoh cu, meeting kan rak tuah. Zeitindah khuami kan I thithruai lai? Kan I kilkawi lai? Eidinlo in a thilo mi kan um sual lai maw? Atu kan facang te a dih in, zeitindah kan nun lai? Kaw awm le a za manh fawn lai lo. Facang cu chim ding a um fawn lo kan ti. Kan lotlakmi le khua a hrem caah, thlaikheu a chia ngai hawi. Tu kum ca hi, kan I zohkhenh khawh hmanh ah, kumvui zeitindah kan si than ne lai?" timi kong hei ruah ah, lungre a thei; khing a rit tuk cia cang. Meeting cu atu le tu kan tuah. A phi kan chuah kho tawn lo. Zeidah a phi kan chuah timi thei set lo in, heh tiah kan ruahnak cu chim le rel cio a si. Kan meeting dih cun, lung a mit tawn ko.
Voikhat cu, meegting kan tuah than. Eidin kong, thlai kheo chiat kong le kumvui ca von ruah ah, khing a rit tuk cang. Cu lio ah, Zingte pa nih aa thawh, "Zei si hmanh ah, hmai thla ca, thla nolh ca, kumvui ca ti ruah cu, ka khing a rit tuk; ka phur kho ti lo; cucaah cun, thaizing ca lawng ruat ko hna u sih, Cun thaizing ah a thaizing ca kan ruah than te hna lai. Cun thaizing bak ah a thaizing ca kan ruah than te hna lai. Culoahcun kan re a thei tuk cang hi te" tiah capo a rak chim. Cucu ka philh kho bal lo. Capo a si nain, cucu biatak a rak si ti hi, a tu tiang ka ruat theu tawn. Zeicatiah cu lio caan Thau khua kan pam ning cu, a fak ko. Kiptuh ca cu chim lo, thaizing eiding khan khi a rak fawi lo. Zumhnak dermi caahcun, lunretheih tuk ah, tluknak in a rak um ko. Cutite cun, nikhat ca tete khi khan chawm in, khuami cu kan rak nung hna le kum chuak tiang kan rak nung hna. Ruahlopi ah, facang a tha ngai I, a kumvui cu khuami pawcawm khan ah kan rak tla.
Ramdang kan phak tik zong ah, kha Thau khua kan har bantuk te khan, harnak voi tampi kan tong ko hna. America ah kan phan ko nain, duhdim nunnak hi zapi zaran caah a rak um hlei lo. A caan ah rian a kan phuah; a caan ah kan riantuan caan a kan thumh; a caan ah kan zawfak; kan I khongdeng; riantuan kho lo in kan um hawi hna. Cucaah a cheu caahcun zingzan eidin kong hmanh ah, lungrethei thiamthiam a si ko. Thau nak hmanh in lungre a theih deuh caan a um lengmang. American zong hi vanram bantuk a si lai tiah kan rak ruahmi hi a rak si thlu lem lo. An mah American minung bak hi, sifak an rak tam tuk; zingzan eidin ding lungrethei in a ummi le Krifabu nih an hlutmi eidin a to chawmmi chungkhar an rak tam tuk. Telefa tam nawn a ngei tung in, rian thathi a tuan kho lo mi le bang cu, kan mah cio bang, motor meiti rawn awk hmanh a ngei lo mi le mei man aa pek kho lo mi an rak tam tuk hna. Cucaah mi cheu caahcun, America zong hi, zingzan zeitindah kan eidin lai timi kong ah, a buaimi kan tampi ve ko.
Hi bantuk in harsatnak le lungretheihnak kan ton lio caan ah ka lung ah a chuak tawnmi cu, Thau I meeting kan tuahmi le Zingte pa bia kha a si tawn. Lai lei nih cun, America ah a ummi hna hi, an inuam tuk lai ti khin a kan ruah ko lai nain, America ummi mi tampi kan caahcun, a rak si ve thlu lo. Lungretheihnak le khuaruahharnak caan voi tampi kan tong thiamthiam. Tuzan le thaizing chumhchuan ding hmanh ah a buaimi kan tam tuk ve ko. Thau khua I kan lungre a rak theih tluk te khan, kan lungre a theih caan a um lengmang ko. Lung a dongh hrulh caan zong aum tawn ko. Cutite cun nikhat hnu nikhat kan I thawn ziahmah I kum kan let than lengmang.
Kan mah lawng kan si rua lo. Vawleicung hi, lungretheih le awklawkchonnak ram a rak si ko rua. Kan mah bantuk sifak santlai lo lawng si lo in, mirum milian, mithiam sangsang le Movie Stars minthangthang zong, lungretheihnak an rak ngei cio. Aa nuam tuk lai tiah kan rak ruahmi hna zong, kan ruah ning bantuk khin an rak I nuam theng lem lo. Buaicur in khua an rak sa cio ko hna. Eidin theng a si lo zong ah, thil pakhat khat ah, thinphan thlasannak he an rak um cio hna. Cucu vawleicung thil sining nih aa chuahpi chihmi an rak si.
Jesuh zultu zong hi, kan mah cio bantuk in, ngatlai hna, ngunkhuai khawl hna, lehtama phunphai hna an rak si ko. Hawihlei miza an rak si ruam lo. Lungretheih le awlokchawn an rak hmang ve ko. Jesuh zong cu an rak zumh ko. An zeizongte kaltak in an rak zulh taktak ko. Jesuh nih bia thatha a ruah peng ko hna. Hnangamnak bia le lunglawmhnak bia a chimh peng ko hna. Asinain, an minung sinak a lo kho hlei lo. Hmailei ca an ruah ah an lungre a rak thei ve tawn ko rua. Cucaah, Jesuh nih, "Thaizing kong ruah ah, lungrethei le awlawkchong in va um hlah u; Thaizing nih cun amah le mah aa zohkhenh ve te ko lai; ni khat cio nih an mah le harnak an I ratpi cio ko" tiah a rak timi hna hi, biatak a si.
Cucaah, ulenau hna, kan umnak ram cio ah hin, harnak an mah le sining in a rak um cio ko. Kan I ruahchannak bantuk in thil an kal dih kho lai lo. Saduh kan thah ning bantuk zong in a si khawh lo caan tampi a um te lai. Bawmhnak zong a dongh caan aum te lai. Rian lo um caan a um te lai. Zanriah le thaithawh eiding ruah ah, lungretheih khawhnak ram ah kan um ve ko hna. Harnak kan ton sual tik ah, intuar zia thiam a hau. Thaizing kong ruah I lungrethei le awlokchong tuk in um sual ahcun, innchungkhar tiang in a buai kho mi dirhmun ah kan um hna. Cucaah, kan innchungkhar cio ah, lungretheihnak le harsatnak kan ton cio tik ah, Jesuh Kri biate hi, ruat hna u sih. Tuchun ca harnak kha, tuchun caah zat ter ko u sih. Zan ah I tih pi hlah u sih. Thaizing ca harnak kong ruah ah, it lo le hngilh lo hna in, um hlah u sih. Thaizing nih harnak dangdang a chuahpi ve than te ko lai. Zei bantuk harnak hmanh tong u sih law, Kri Zumtu hna kan caahcun kan ruah dingmi cu, "Zu le va te hmanh rawl lo in a chia lo tu, kan Pathian nih, thaizing ah a kan hruai than ko lai; thlitu lak le totho lak zong ah siseh, amah nih a kan umpi ko lai" timi hnangamnak le zumhnak he, hmai ah kal I zuam hna u sih. Cu ruahnak le zumhnak nih, nikhat hnu nikhat kar a kan hlanpi lengmang ko lai.
Hanna Lian pa
No comments:
Post a Comment