September 23, 2007
Nihin hi Bawipa nih a kan serpiakmi ni a si. Pathian a min kan thangthat. Thawngtha i hrawmti dingin a chuak khomi nan cungah zong ah kan i lawm. Thla kan cam ta hna lai :
Dawtu Pathian, na kan dawt caah kan i lawm. Kan sual palhnak kan ngaithiam law, nangmah duhning in kan nun khawh nakhnga lam kan hruai ko. A dam lomi kan unau hna nih damnak an hmuh nakhnga, lungrethei vansang in a ummi nih hnangamnak an hmuh nakhnga, le tihphannak chung i a ummi nih daihnak an hmuh nakhnga thla kan cam. Ram kip ah a phanmi kan unau hna an umnak cio ah umpi hna law thluachuah pe ko hna. Ahlei in Malaysia ah a ummi kan unau hna nangmah nih huppheng hna law umpi ko sawh hna. Nihin thawngtha kan i hrawmmi zong kan nunnak ah fim chimtu, thazaang ah hun canter ko. Jesuh Khrih min in thla kan cam. Amen.
Nihin thawngtha a kan chimtu cu Rev. Dr. Cung Lian Hup a si. Atu hi Princeton, NJ, USA ah a um lio a si. Atu bantuk in caan a kan hman piak khawh caah a cungah kan i lawm. Atu cu amah nih caan a hmannak a si cang lai:
Baibal Cangthim: Mt. 7: 3-5
Na mit chung i a ummi thingtan kha ruat tung loin zeicahdah na unau mit chung i a ummi mithnawmte kha na zoh? Na mit chung i thingtan a um ko buin zeitindah na unau cu, “Na mit hnawm cu in coihpiak ning,” na ti ngam? Mi depdepa, na mit chung i thingtan kha chuah hmasa law pei, na unau mithnawm cu fiang tein na hmuh lai i na coihpiak khawh lai cu!
A Bia Tlangpi: Na Mit chung zeltlap hmanh ruat lo in zei caah dah mi mithnawm coih na duh?
Bawi Jesuh nih hi bia a chim tik ah hin, a sullam chimpiak hmanh a hau rua lo tiah ka ruah. A caan caan ah cun ka mit chung ah zeltlap a um ko kha kan philh tawn i, mi mithnawm tu coih piak kan timh theu hna. Kan tlamtlin lonak kan theih lengluang ve ko na in, midang sualnak cu heh tiah kan kawl theu tawn. Mah tlamtlin lonak i hmuh i, midang soisel lo hi a har hringhran ko rua teh. Kan tlamtlin lo bu ah, midang cu kan sawi lengmang ko hna hi teh.
Mah le mah ka tlam a tling ve lo ti hngalh hi a har hringhran ko rua. An chim tawnmi capo ka van tial lai:
Vawikhat ah sianginn cachim sayama nu pakhat a um an ti. An sianginn hi tangli sianginn a va si ko rua hih. Ni khat cu Apple hi ngandamnak caah zeitluk in dah a that ti kha chim a duh i, Laimi cu apple an hmu bal sual lai lo ti phan ah, phalung (black-board) cung ah apple cu thung in a van suai ti a si. A chim duhmi langhternak caah hihi apple a si ti chim hmasa lo in, "Atu ka suaimi hi zeidah a si," tiah a hal hna ai.
Sianghngakchia pakhat pa nih, "Taw ttawk," a van ti ciammam le sayama nu cu a hmai thikhal a chuak. Amah ai ruahnak ah cun a apple suaimi kha tawttawk a lo ti a thei ti lo i, sianghngakchia nih hin a ka nehsawh deuh rua tiah ai ruat.
Cucaah, a dang sianghngakchia pakhat kha a auh i, "Saya Kyi va au," ti a si. Sayakyi a auh ter duhnak cu Sayakyi sin ah ka report lai a ka neh sawh tuk ka ti lai ti khi a si ko.
Sayakyi cu a khan ah cun a hong lut ciammam i, phalung cu a van zoh i, taw ttawk pi cu hmu kaw thin hang ngai in,
"Aho dah hi taw ttawk pi hi zapi hmuh awk tha lo in phalung cungah a suai," a ti i sianghngakchia cu a hro hna ti a si.
Minung kan sinak ah kanmah tlamtlin lonak hi kan i hngal kho lo i, na tlam a tling deuh rua lo e ti in a kan titu khi report kan timh tawn hna. Cucu mah mitchung zeltlap kong hmanh tuak lo i, mi mithnawm coih a duhmi tinak cu a si ko.
India ram tuanbia ah an uarbikmi upa pakhat cu Mahattama Gandhi a si. A chan lailing te vawleicung nih an upat saling te, an ram India minih an bochan cingling ah, zingkhat cu nu kum 40 hrawng a simi le a fapa kum 6 hrawng a simi Gandhi sin ah cun an ra an ti. Gandhi nih cun "Kafa le zeidah nan herh tiah," a hal hna i minu nih cun hiti hin a
ti an ti.
"Babu (Gandhi an dawtnak i an auhnak a si), ka fapa hi thanthling a eituk hringhran i nai hrawng cu a ha zong a fak, a thau zong a thau tuk, ei hlah kan ti ah le kan bia a kan ngai tung lo i, kan chim kho lo. Babu nangmah hi an uar tuk hringhran i, nangmah nih ka khat te na kan chimh piak ah cun, na chimmi cu an el siang lai lo i, thanthling hi a ei ti lai lo tiah ka zumh. Cucaah, zaangfahnak te in ka fapa hi ka chimhhrin piak ko," tiah a nawl an ti.
Mahattama Gandhi cu saupi ai ruat ta an ti. Zeiti in ka leh hna lai ti a theih ti lo hnu, saupi a ruah hnuah, "A siah cun hihnu zarh khat ah ra than te u law, cu tikah cun, na fapa cu kan chimh piak te lai," tiah minu cu a leh an ti.
Minu le a fapa te cu lunglawm te in an kir i, a hnu zarhkhat hnu ah Gandhi sin ah cun an ra than. Minu nih cun Gandhi cu hiti hin a ti than an ti.
"Zarh khat chung bak lungsau te in kan hngah i a tu cu ruahchannak nganpi he na sin ah kan ra than ko hih," tiah a ti.
Gandhi nih cun hngakchiapa te cu a hmaika ah a dir ter i hiti hin a ti:
"Khah ka fapa, thanthling ei cu ha zong a rawk, ngandamnak ca zong ah a tha lo, thaunak zong a si caah hi hnu ah thanthling cu va ei ti hlah," tiah a ti i a kal ter an ti.
Anu a lung a tling lo: zarhkhat chung ka hngah i chimhhrinnak fakpi hlah maw a ngeih lai ti nalak ah thanthling ei ti hlah ti sawh cu ka lung a tling loh a ti i Gandhi cu hiti hin a ti than.
"Ziah Babu, cu thanthling ei ti hlah ti chim ko ding ah cun, kan hnu zarh na sin kan rat lio ah khan na chimh ko lo; atu cu zarhkhat chung lungrethei le ruahchannak he kan hngah hnuah thanthling ei ti hlah ti i na chim sawhmi cu ka lung a tling deuh lo e," tiah cu minu nih cun a ti an ti.
Gandhi nih hi ti hin a leh ve. "Hong ka ngai thiam uh, nan lungre theih lai le, nan i hngahhlang lai zong hi ka theih ko; asinain keimah leikap in hiti hi a si ve. Kan hnulei ka sin nan rat lio ah khan keimah zong thanthling ka ei ve. Keimah thanthling ei cuahmah i midang ei hlah ti cu a dik lo tiah ka ruah caah, zarhkhat chung ka hngak rih uh kan ti nak hna a si. Atu cu keimah zong zarhkhat chung thanthling ka ei ti lo; hmailei zong ah ka ei ve ti lai lo. Cucaah na fapa cu thanthling ei ti hlah ti in ka chimh ngam venak a si," tiah a ti.
Mah thlanthling ei cuahmah i midang tu thanthling ei hlah ti hi a dikmi thil a si lo. Mah mitchung i zeltlap pi um ko tung i midang mit hnawm kong tamtuk caih le coih piak timh hi a dikmi thil a si lo. Cucaah hmunkhat ah riantuan ti a duhmi poah nih, kanmah nih
thanthling ei lo in le, kan mitchung zeltlap kha kan chuahhnu lawng ah hmunkhat ah riantuan ti khawh a si ti hi theih zungzal ding a si.
Upatnak he,
Nancy Pa
Thawngthanhnak: Hmaizarh (September 30) thawngtha a kan chimtu ding cu Pu Tuan Hmung a si lai.
Nihin hi Bawipa nih a kan serpiakmi ni a si. Pathian a min kan thangthat. Thawngtha i hrawmti dingin a chuak khomi nan cungah zong ah kan i lawm. Thla kan cam ta hna lai :
Dawtu Pathian, na kan dawt caah kan i lawm. Kan sual palhnak kan ngaithiam law, nangmah duhning in kan nun khawh nakhnga lam kan hruai ko. A dam lomi kan unau hna nih damnak an hmuh nakhnga, lungrethei vansang in a ummi nih hnangamnak an hmuh nakhnga, le tihphannak chung i a ummi nih daihnak an hmuh nakhnga thla kan cam. Ram kip ah a phanmi kan unau hna an umnak cio ah umpi hna law thluachuah pe ko hna. Ahlei in Malaysia ah a ummi kan unau hna nangmah nih huppheng hna law umpi ko sawh hna. Nihin thawngtha kan i hrawmmi zong kan nunnak ah fim chimtu, thazaang ah hun canter ko. Jesuh Khrih min in thla kan cam. Amen.
Nihin thawngtha a kan chimtu cu Rev. Dr. Cung Lian Hup a si. Atu hi Princeton, NJ, USA ah a um lio a si. Atu bantuk in caan a kan hman piak khawh caah a cungah kan i lawm. Atu cu amah nih caan a hmannak a si cang lai:
Baibal Cangthim: Mt. 7: 3-5
Na mit chung i a ummi thingtan kha ruat tung loin zeicahdah na unau mit chung i a ummi mithnawmte kha na zoh? Na mit chung i thingtan a um ko buin zeitindah na unau cu, “Na mit hnawm cu in coihpiak ning,” na ti ngam? Mi depdepa, na mit chung i thingtan kha chuah hmasa law pei, na unau mithnawm cu fiang tein na hmuh lai i na coihpiak khawh lai cu!
A Bia Tlangpi: Na Mit chung zeltlap hmanh ruat lo in zei caah dah mi mithnawm coih na duh?
Bawi Jesuh nih hi bia a chim tik ah hin, a sullam chimpiak hmanh a hau rua lo tiah ka ruah. A caan caan ah cun ka mit chung ah zeltlap a um ko kha kan philh tawn i, mi mithnawm tu coih piak kan timh theu hna. Kan tlamtlin lonak kan theih lengluang ve ko na in, midang sualnak cu heh tiah kan kawl theu tawn. Mah tlamtlin lonak i hmuh i, midang soisel lo hi a har hringhran ko rua teh. Kan tlamtlin lo bu ah, midang cu kan sawi lengmang ko hna hi teh.
Mah le mah ka tlam a tling ve lo ti hngalh hi a har hringhran ko rua. An chim tawnmi capo ka van tial lai:
Vawikhat ah sianginn cachim sayama nu pakhat a um an ti. An sianginn hi tangli sianginn a va si ko rua hih. Ni khat cu Apple hi ngandamnak caah zeitluk in dah a that ti kha chim a duh i, Laimi cu apple an hmu bal sual lai lo ti phan ah, phalung (black-board) cung ah apple cu thung in a van suai ti a si. A chim duhmi langhternak caah hihi apple a si ti chim hmasa lo in, "Atu ka suaimi hi zeidah a si," tiah a hal hna ai.
Sianghngakchia pakhat pa nih, "Taw ttawk," a van ti ciammam le sayama nu cu a hmai thikhal a chuak. Amah ai ruahnak ah cun a apple suaimi kha tawttawk a lo ti a thei ti lo i, sianghngakchia nih hin a ka nehsawh deuh rua tiah ai ruat.
Cucaah, a dang sianghngakchia pakhat kha a auh i, "Saya Kyi va au," ti a si. Sayakyi a auh ter duhnak cu Sayakyi sin ah ka report lai a ka neh sawh tuk ka ti lai ti khi a si ko.
Sayakyi cu a khan ah cun a hong lut ciammam i, phalung cu a van zoh i, taw ttawk pi cu hmu kaw thin hang ngai in,
"Aho dah hi taw ttawk pi hi zapi hmuh awk tha lo in phalung cungah a suai," a ti i sianghngakchia cu a hro hna ti a si.
Minung kan sinak ah kanmah tlamtlin lonak hi kan i hngal kho lo i, na tlam a tling deuh rua lo e ti in a kan titu khi report kan timh tawn hna. Cucu mah mitchung zeltlap kong hmanh tuak lo i, mi mithnawm coih a duhmi tinak cu a si ko.
India ram tuanbia ah an uarbikmi upa pakhat cu Mahattama Gandhi a si. A chan lailing te vawleicung nih an upat saling te, an ram India minih an bochan cingling ah, zingkhat cu nu kum 40 hrawng a simi le a fapa kum 6 hrawng a simi Gandhi sin ah cun an ra an ti. Gandhi nih cun "Kafa le zeidah nan herh tiah," a hal hna i minu nih cun hiti hin a
ti an ti.
"Babu (Gandhi an dawtnak i an auhnak a si), ka fapa hi thanthling a eituk hringhran i nai hrawng cu a ha zong a fak, a thau zong a thau tuk, ei hlah kan ti ah le kan bia a kan ngai tung lo i, kan chim kho lo. Babu nangmah hi an uar tuk hringhran i, nangmah nih ka khat te na kan chimh piak ah cun, na chimmi cu an el siang lai lo i, thanthling hi a ei ti lai lo tiah ka zumh. Cucaah, zaangfahnak te in ka fapa hi ka chimhhrin piak ko," tiah a nawl an ti.
Mahattama Gandhi cu saupi ai ruat ta an ti. Zeiti in ka leh hna lai ti a theih ti lo hnu, saupi a ruah hnuah, "A siah cun hihnu zarh khat ah ra than te u law, cu tikah cun, na fapa cu kan chimh piak te lai," tiah minu cu a leh an ti.
Minu le a fapa te cu lunglawm te in an kir i, a hnu zarhkhat hnu ah Gandhi sin ah cun an ra than. Minu nih cun Gandhi cu hiti hin a ti than an ti.
"Zarh khat chung bak lungsau te in kan hngah i a tu cu ruahchannak nganpi he na sin ah kan ra than ko hih," tiah a ti.
Gandhi nih cun hngakchiapa te cu a hmaika ah a dir ter i hiti hin a ti:
"Khah ka fapa, thanthling ei cu ha zong a rawk, ngandamnak ca zong ah a tha lo, thaunak zong a si caah hi hnu ah thanthling cu va ei ti hlah," tiah a ti i a kal ter an ti.
Anu a lung a tling lo: zarhkhat chung ka hngah i chimhhrinnak fakpi hlah maw a ngeih lai ti nalak ah thanthling ei ti hlah ti sawh cu ka lung a tling loh a ti i Gandhi cu hiti hin a ti than.
"Ziah Babu, cu thanthling ei ti hlah ti chim ko ding ah cun, kan hnu zarh na sin kan rat lio ah khan na chimh ko lo; atu cu zarhkhat chung lungrethei le ruahchannak he kan hngah hnuah thanthling ei ti hlah ti i na chim sawhmi cu ka lung a tling deuh lo e," tiah cu minu nih cun a ti an ti.
Gandhi nih hi ti hin a leh ve. "Hong ka ngai thiam uh, nan lungre theih lai le, nan i hngahhlang lai zong hi ka theih ko; asinain keimah leikap in hiti hi a si ve. Kan hnulei ka sin nan rat lio ah khan keimah zong thanthling ka ei ve. Keimah thanthling ei cuahmah i midang ei hlah ti cu a dik lo tiah ka ruah caah, zarhkhat chung ka hngak rih uh kan ti nak hna a si. Atu cu keimah zong zarhkhat chung thanthling ka ei ti lo; hmailei zong ah ka ei ve ti lai lo. Cucaah na fapa cu thanthling ei ti hlah ti in ka chimh ngam venak a si," tiah a ti.
Mah thlanthling ei cuahmah i midang tu thanthling ei hlah ti hi a dikmi thil a si lo. Mah mitchung i zeltlap pi um ko tung i midang mit hnawm kong tamtuk caih le coih piak timh hi a dikmi thil a si lo. Cucaah hmunkhat ah riantuan ti a duhmi poah nih, kanmah nih
thanthling ei lo in le, kan mitchung zeltlap kha kan chuahhnu lawng ah hmunkhat ah riantuan ti khawh a si ti hi theih zungzal ding a si.
Upatnak he,
Nancy Pa
Thawngthanhnak: Hmaizarh (September 30) thawngtha a kan chimtu ding cu Pu Tuan Hmung a si lai.
No comments:
Post a Comment