August 26, 2007
Nihin cu Bawipa nih a kan serpiakmi ni a si. Ni thar le caan thar chungah a kan phanhter tu kan biakmi Pathian kan thangthat. Kan Pathian biaknak hram thawk hna usih. Ca thiang kan rel hna lai:
Ra tuah u, kun u sih law bia u sih; a kan Sertu Bawipa hmai ah cun kan khuk i bil u sih! Amah cu kan Pathian a si, kannih cu a kan zohkhenh mi kan si, a kan cawmmi turun kan si (Salm 95:6-7).
Thla kan cam hna lai: A kan dawtu Pathian, ni hin na thawhthan ni ah, internet hmangin nangmah biak khawhnak caan sunglawi na kan pek caah kan i lawm. A hmasa bik ah, kan tlamtlin lonak le kan sual kan palhnak hun kan ngai thiam. A dam lomi kan u kan nau hna caah thla kan cam. Damnak zaangfah ko hna. Lai lei ah kan kal takmi kan chungkhar hna le khuami hna zong umpi ko hna. Malaysia ah a ummi khuami hna zong nangmah nih zohkhenh hna law an harnak chungin chuah ko sawh hna tiah bawmh kan in hal. Ram kip ah a phanmi khuami zong anmah le an umnak cio ah hlawhtlinnak an hmuh nakhnga, nangmah nih umpi hna law thluachuah pe ko hna. Nangmah an ttihzahmi le na duhning in a nung khomi na fanu na fapa kan si khawh nakhnga, fim kan chim ko. Nihin na thawngtha a kan hrawmhtu ding na fanu zong thluachuah pe law, a chimmi thawngtha hi kan zapi caah thazaang tha hun si ter ko. Kan caan hmannak thlua kan chuah piak ko tiah Jesuh Khrih min in thla kan cam. Amen.
Nihin thawngtha a kan chimtu hi Sunte (Lg. Sun Par Chin) a si. Amah hi B.D. a dihmi a si i Pathian a duh ngaingaimi a si. Nihin ah thawngtha kan chim ko tiah kan fial tikah lunglawm tein a kan cohlan i caan a kan hman piak caah a cungah lawmhnak tawmpi kan ngei. Atu cu amah nih caan a hmannak a si cang lai.
Tuzing hi bantukin Bawipa thawhthan ni zingah thawngtha chim ding in khua a khangtu le caan a ka pe tu Bibik cungah le careltu nan dihlak cungah lunglomhnak ka ngei i kan biakmi Pathian min ka thangthat.
Tuzing ah chim ka duhmi cu,
A bimi dirhmun nih a langhter mi cu thinlung nih zalonlonak, ningzahnak, le pumsa nih sifahnak kha cawl kho lo in sia ruah tuar in a tuar lio khi a bimi dirhmun i dir cu a si ko.
1. Vawlei fimthiamnak in kan bit tikah: Mi theih mi kan thei kho ti lo i minung hawi hmai ah ralchiatnak nih kan i thei na bu te in hnu ah an ka pil ter. Mifim mi le cathiam mi hna he bia i ruah le hawikom si khawhnak lam a pit. Cun tuchun Laimi hna nih kan ton mi cu mirang holh ka khat mucip lo mi deuh ramdang ah kan phan hna i rian hmuh cu chim lo in kan hnu le kan hmai hmanh ai mer kho lo mi tampi kan um.
2. Chawva lei in kan bit tik ah: Mi rum le mi fimmi hna he i dawtnak hram a cat. Hawikom dawt hna nih zamtak a si i innpa chakthlang nih ttih a si. Chuakkhat laitlai le sahlawh rualchan nih zahpi a si. Sifah ruang ah hruh co a si i, mi nih capo nih chuak men ah seih a si. Lai phungtluk nih,"ngeih lung awng pam lungping" a ti phah.
3. Zawtfah le thih loh ruang i kan bit tik ah: Pumsa nih fahnak a tuar, chaw le va an liam, khuaruah khawhnak a dong, pumsa fih a nung i mi kip nih tih a si. Cun thihlohnak kan van ton tikah kan sifah mual fak deuh in a hung pho, ngaihchiat le ningzah mi hmaikhah lo nih a kan den.
4. Himlonak ram ah kan dirhmun a bit tik ah: Malaysia kong in van chim ko ning law, tlaihkhih ttih ah kan thinlung tha a thir peng i kan mitau le kan lamkal nih palik a auh hna i an kan tlaih, mi tampi thonginn chungah thinlungfahnak le pumsafahnak tuar in an um i, a thi mi zong mitampi an um. Tlaihkhih ruang ah boss te nih rian in chuah a si i ei awk ngei lo in a um mi mi tampi an um hna.
Laimi Khrihfafa kan si hlan ah cun fimthiamnak in rak i tah kha a um lo i ngeihchiah inn le lo in i tah a rak si. Sifak le cawiliam a tong mi hna cu an biakmi an pathian (siasal) nih a khamh kho hna lo i a ngei deuh mi pa sal ah a tla. Cu hna cu an techin an fapar tiang in sal phun ti in zoh le auh an si.
Nihin Khrihfa kan si hnu ah cun Bible ca hna kan van rel i Pathian nih a hneksak mi Job tuanbia hna nih kan hna a kan ngam ter. Job nih a ngeih mi chaw le va dih lak le fanu fapa dihlak hna an liam dih i a pumsa nih fahnak in khawh lo in a tuar, a pumsa fihnung a si tiang in an hma dih, cu lio ah a dawtmi a nupi hmanh nih a zahpi cang i "na Pathian cu chiatserh law thi ko cang" tiah a ti lio zong ah Pathian a thlah lo. Cu lio ah cun a hawi pa Bildad a ra i " na thawknak cu hme hmanh seh law na donghnak a ngan lai" (Job 8:7) tiah thazang a hawng pek.
Tuchun ah kan bitnak zawn cio in Pathian au hna u sih. Hlaphuahtu nih "Leicung nunnak hi thilrit a si tik ah nang zohkhenh tu hawitha a um. Na mitthli hrual in lileng na um lio le na hawi dawt nih an in zamtak tik ah nang Zohkhenhtu Hawitha a um" a ti bantuk in a bimi dirhmun in a kan chuah khotu le a kaumi dirhmun ah a kan thial kho tu kan hawi tha Jesuh kan pawng in a kan dir hnawhtu hi i tlaih hna u sih.
Pumpak kan caah a thami a um ahcun thazang a kan pe tu ah cang ko seh.
Kai lawmtuk
Sunte
Kan bitnak zawn cio in Pathian au hna usih tiah thawngtha in a kan forhfialtu Sunte cungah lawmhnak tampi kan ngei.
Thawngthanhnak:
1. Hmaizarh September 2 ni cu Hanna pa (Dr. Hai Vung Lian) nih thawngtha a kan chimh lai.
2. Phungchimmi hi zarhpini zinglei suimilam 10:30 le 11:00 am hrawng ah (Kawlram suimilam kan zulh lai) thlah khawh kan hun i zuam tawn lai.
3. Hmailei ahcun a ramram zong in caan thiah a si te lai i atu tein nan thinlung chungah nan hun i chiah cia nak lai zong kan in sawm hna.
4. Kan khuami paohpaoh e-mail i ngeih dih i thawngpang kan i theih khawh pinah hi bantuk thawngtha i ruahmi an rel khawh nak hnga, kan pawngkam ummi kha forhfial khawh i zuam cio hna usih.
5. Thlacam piak duhmi le cun lungtho in caan a hmang kho dingmi kan um ahcun thomasbik@gmail.com ahhin zarhte ni hlan ah hun ka kua u law zarhpini caan hmannak ah kan hun telh chih tawn hnga.
Zarh khat chung kan umthut, kan riantuannak cio ah kan biakmi Khuazing Pathian nih kan umpi cio ko seh. Amen.
Nihin cu Bawipa nih a kan serpiakmi ni a si. Ni thar le caan thar chungah a kan phanhter tu kan biakmi Pathian kan thangthat. Kan Pathian biaknak hram thawk hna usih. Ca thiang kan rel hna lai:
Ra tuah u, kun u sih law bia u sih; a kan Sertu Bawipa hmai ah cun kan khuk i bil u sih! Amah cu kan Pathian a si, kannih cu a kan zohkhenh mi kan si, a kan cawmmi turun kan si (Salm 95:6-7).
Thla kan cam hna lai: A kan dawtu Pathian, ni hin na thawhthan ni ah, internet hmangin nangmah biak khawhnak caan sunglawi na kan pek caah kan i lawm. A hmasa bik ah, kan tlamtlin lonak le kan sual kan palhnak hun kan ngai thiam. A dam lomi kan u kan nau hna caah thla kan cam. Damnak zaangfah ko hna. Lai lei ah kan kal takmi kan chungkhar hna le khuami hna zong umpi ko hna. Malaysia ah a ummi khuami hna zong nangmah nih zohkhenh hna law an harnak chungin chuah ko sawh hna tiah bawmh kan in hal. Ram kip ah a phanmi khuami zong anmah le an umnak cio ah hlawhtlinnak an hmuh nakhnga, nangmah nih umpi hna law thluachuah pe ko hna. Nangmah an ttihzahmi le na duhning in a nung khomi na fanu na fapa kan si khawh nakhnga, fim kan chim ko. Nihin na thawngtha a kan hrawmhtu ding na fanu zong thluachuah pe law, a chimmi thawngtha hi kan zapi caah thazaang tha hun si ter ko. Kan caan hmannak thlua kan chuah piak ko tiah Jesuh Khrih min in thla kan cam. Amen.
Nihin thawngtha a kan chimtu hi Sunte (Lg. Sun Par Chin) a si. Amah hi B.D. a dihmi a si i Pathian a duh ngaingaimi a si. Nihin ah thawngtha kan chim ko tiah kan fial tikah lunglawm tein a kan cohlan i caan a kan hman piak caah a cungah lawmhnak tawmpi kan ngei. Atu cu amah nih caan a hmannak a si cang lai.
Tuzing hi bantukin Bawipa thawhthan ni zingah thawngtha chim ding in khua a khangtu le caan a ka pe tu Bibik cungah le careltu nan dihlak cungah lunglomhnak ka ngei i kan biakmi Pathian min ka thangthat.
Tuzing ah chim ka duhmi cu,
"A Bimi Dirhmun"
A bimi dirhmun nih a langhter mi cu thinlung nih zalonlonak, ningzahnak, le pumsa nih sifahnak kha cawl kho lo in sia ruah tuar in a tuar lio khi a bimi dirhmun i dir cu a si ko.
1. Vawlei fimthiamnak in kan bit tikah: Mi theih mi kan thei kho ti lo i minung hawi hmai ah ralchiatnak nih kan i thei na bu te in hnu ah an ka pil ter. Mifim mi le cathiam mi hna he bia i ruah le hawikom si khawhnak lam a pit. Cun tuchun Laimi hna nih kan ton mi cu mirang holh ka khat mucip lo mi deuh ramdang ah kan phan hna i rian hmuh cu chim lo in kan hnu le kan hmai hmanh ai mer kho lo mi tampi kan um.
2. Chawva lei in kan bit tik ah: Mi rum le mi fimmi hna he i dawtnak hram a cat. Hawikom dawt hna nih zamtak a si i innpa chakthlang nih ttih a si. Chuakkhat laitlai le sahlawh rualchan nih zahpi a si. Sifah ruang ah hruh co a si i, mi nih capo nih chuak men ah seih a si. Lai phungtluk nih,"ngeih lung awng pam lungping" a ti phah.
3. Zawtfah le thih loh ruang i kan bit tik ah: Pumsa nih fahnak a tuar, chaw le va an liam, khuaruah khawhnak a dong, pumsa fih a nung i mi kip nih tih a si. Cun thihlohnak kan van ton tikah kan sifah mual fak deuh in a hung pho, ngaihchiat le ningzah mi hmaikhah lo nih a kan den.
4. Himlonak ram ah kan dirhmun a bit tik ah: Malaysia kong in van chim ko ning law, tlaihkhih ttih ah kan thinlung tha a thir peng i kan mitau le kan lamkal nih palik a auh hna i an kan tlaih, mi tampi thonginn chungah thinlungfahnak le pumsafahnak tuar in an um i, a thi mi zong mitampi an um. Tlaihkhih ruang ah boss te nih rian in chuah a si i ei awk ngei lo in a um mi mi tampi an um hna.
Laimi Khrihfafa kan si hlan ah cun fimthiamnak in rak i tah kha a um lo i ngeihchiah inn le lo in i tah a rak si. Sifak le cawiliam a tong mi hna cu an biakmi an pathian (siasal) nih a khamh kho hna lo i a ngei deuh mi pa sal ah a tla. Cu hna cu an techin an fapar tiang in sal phun ti in zoh le auh an si.
Nihin Khrihfa kan si hnu ah cun Bible ca hna kan van rel i Pathian nih a hneksak mi Job tuanbia hna nih kan hna a kan ngam ter. Job nih a ngeih mi chaw le va dih lak le fanu fapa dihlak hna an liam dih i a pumsa nih fahnak in khawh lo in a tuar, a pumsa fihnung a si tiang in an hma dih, cu lio ah a dawtmi a nupi hmanh nih a zahpi cang i "na Pathian cu chiatserh law thi ko cang" tiah a ti lio zong ah Pathian a thlah lo. Cu lio ah cun a hawi pa Bildad a ra i " na thawknak cu hme hmanh seh law na donghnak a ngan lai" (Job 8:7) tiah thazang a hawng pek.
Tuchun ah kan bitnak zawn cio in Pathian au hna u sih. Hlaphuahtu nih "Leicung nunnak hi thilrit a si tik ah nang zohkhenh tu hawitha a um. Na mitthli hrual in lileng na um lio le na hawi dawt nih an in zamtak tik ah nang Zohkhenhtu Hawitha a um" a ti bantuk in a bimi dirhmun in a kan chuah khotu le a kaumi dirhmun ah a kan thial kho tu kan hawi tha Jesuh kan pawng in a kan dir hnawhtu hi i tlaih hna u sih.
Pumpak kan caah a thami a um ahcun thazang a kan pe tu ah cang ko seh.
Kai lawmtuk
Sunte
Kan bitnak zawn cio in Pathian au hna usih tiah thawngtha in a kan forhfialtu Sunte cungah lawmhnak tampi kan ngei.
Thawngthanhnak:
1. Hmaizarh September 2 ni cu Hanna pa (Dr. Hai Vung Lian) nih thawngtha a kan chimh lai.
2. Phungchimmi hi zarhpini zinglei suimilam 10:30 le 11:00 am hrawng ah (Kawlram suimilam kan zulh lai) thlah khawh kan hun i zuam tawn lai.
3. Hmailei ahcun a ramram zong in caan thiah a si te lai i atu tein nan thinlung chungah nan hun i chiah cia nak lai zong kan in sawm hna.
4. Kan khuami paohpaoh e-mail i ngeih dih i thawngpang kan i theih khawh pinah hi bantuk thawngtha i ruahmi an rel khawh nak hnga, kan pawngkam ummi kha forhfial khawh i zuam cio hna usih.
5. Thlacam piak duhmi le cun lungtho in caan a hmang kho dingmi kan um ahcun thomasbik@gmail.com ahhin zarhte ni hlan ah hun ka kua u law zarhpini caan hmannak ah kan hun telh chih tawn hnga.
Zarh khat chung kan umthut, kan riantuannak cio ah kan biakmi Khuazing Pathian nih kan umpi cio ko seh. Amen.
No comments:
Post a Comment