November 9, 2008
Nihin ni tiang lam a kan hruaitu Pathian min thangthat si ko seh! Kan vawlei sining aa thleng chin lengmang. Sihmanhsehlaw, zei tik hmanh ah aa thleng lomi cu Pathian nih a kan dawtnak hi a si. Kan thinlung i timhtuah in thawngtha bia i hrawmti hna usih tiah kan sawm hna.
Thla kan cam lai: Dawtu Pathian, nihin tiang lam na kan hruai caah kan i lawm. Kan sualnak kan ngaithiam law, na hmaika ah do tlami kan siter ko. Lungretheihnak in a khatmi vawlei ah kan um ko nain, ruahchannak ngeimi na kan siter ca zong ah kan i lawm. Hmailei kan nunnak zong ah pumpak pakhat cio na thluachuahnak he kan umpi rih ko. Nangmah an tihzahmi le an bochanmi kan si i, zei thil kan ton hmanh ah nangmah min in teitu kan si cio khawh nakhnga thla kan cam. A dam lomi nih damnak an hmuh nakhnga, thongtlami nih luatnak an hmuh nakhnga, retheimi nih an thilrit a zaan nakhnga, rian a ngei rih lomi nih rian an hmuh ngakhnga, cacawngmi nih fimnak an hmuh nakhnga, le midang ca tiangin santlaimi kan si nakhnga, na sinah zaangfah kan in nawl. Nihin kan i ruahti dingmi na thawngtha bia zong kan caah thazaang petu siter ko. Hmailei zong ah atu bantuk caan sunglawi kan hmuhter rih ko sawh tiin kan Bawipa Jesuh Khrih min in thla kan cam. Amen.
Kan zapi i ruahti dingin rel ka duhmi cu:
“Mi zeihmanh hi Khrih he an i pehtlaih tikah cun nunning thar kha aa thawk cang.” (1 Korin 5:17)
“Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu BAWIPA kan Pathian tawnnak kha kan i bochan. Annih cu an ril i an tlu lai. Sihmanhsehlaw kannih cu kan tho lai i, fek tein kan dir lai.” (Salm 20:7-8)
Nai cu US ramhun thimnak kong hi ceih ngai cio a si. Laiforum le Rungcin ti bantuk ah biatak tein an ceih cio. Barack Obama cu 44 nak US ramhun ah thim a si cang. Nai thimnak an tuahmi he pehtlai in, thil pahnih ka lung ah a um ngai i cucu, Khrihfa kan nunnak ah fim a kan chimtu dingah a tha rua tiah ka ruah caah, nihin ah cu kong cu chim ka tim:
Pakhatnak, THLENNAK: Atu lio cu vawleicung hmunkip ah harnak ton cio a si. Cucu chim hau hmanh khi a si lo. Vawleicung ahcun ram tha bik tiah rak ti tawnmi US ko hi, an sipuazi a tlak tuk tikah cu nih cun ramdang tiang a luanh hnawh dih. A dang kong cu ka chim ti lai lo. Atu ka umnak hi Philadelphia a si. Hi khua hi a hlan ah US ram i khualipi caan tawite cu a rak si bal. Anmah US Constitution te hna an rak suainak hmun, Liberty Bell zong an chiahnak hmun a si. Nizan cu kan khuabawi pa nih mipi sinah bia a chim. Pasal pi aa harh ko. Zei cah tiah, mipi sinah lawmhnak thawng thanh ding a ngei lo. Mipi sinah mipi nih theih an duh lomi chim a hau. Thanh hna a hau. Mipi cu a thawh hna i, kan ram thil cangmi cu nan theih dih bantuk kha a si ko. Atu hi kan khua zong nih fak tukin sunghnak kan tong. Leiba tam tuk kan ngei. Cu caah, kan himnak caah a herh tukmi palek pawl, meithat pawl le, sii lei riantuantu pawl ca i hmanmi cu amah ning in a kal ko lai nain, a dang paohpaoh cu kan budget kan thumh dih a hau ee a ti. Kan khua chung i tilionak hmun tam nawn kan khar lai a ti. Kan park (pangpar dum) pawl zong on caan kan tuah lai, a ti. Cun mipi nih tax tam deuh pek a hau lai. Cu ti in kan budget pawl kan thumh dih, tax tam deuh pek kan i zuam hnu ah, atu kan leiba hi sau nawn te cham kan hau lai. A hlan bantuk dirhmun kan phanh thannak ding ahcun sau lak kan rau rih men lai. Fak piin kan i zuam i, kan khua kan ser a hau tiah bia a chim. Phundang cun, atu kan dirhmun hin thlennak kan herh ee tiah a ti hna.
US ram sipuazi a tlak tuk lio ah, Barack Obama cu ramhun zuamnak i aa tel tikah THLENNAK tlangtar in aa zuam. Mipi nih thlennak cu a orh in orh lio a si caah, mipi nih an tanh khunnak pakhat cu a si. Atu kan sining in i thleng usih law, sining tha deuh dirhmun ah um kho usih ti cu saduh thah cio a si. Thlen cu kan duh ngai cio. Kawlram mi ca hrim ahcun kan ram i thleng seh ti cu kan duh tuk. Ralkap cozah hi mipi duhnak in a kan uktu ding cozah in thlen si zokzok seh ti hi kan duh tuk. A tha lomi in a thami ah thlen cu duh cio a si. Khrihfami nih kan ruah chih ding pakhat a ummi belte cu thlennak taktak, a hmunmi hi aho nih dah a tuah khawh ti hi a si.
Thlennak kong kan ceih lio ahhin Khrihfami nih cun Jesuh Khrih nih thlennak a kan tuahpiakmi hi philh awk a tha lo. Jesuh Khrih nih thlennak rian kha a nunnak pek in kan tuahpiak hlah sehlaw, ruahchannak ngei lo dirhmun ah kan um ko hnga. Nain, Pathian cu a tha tuk i, Jesuh Khrih hmangin thlennak a kan tuahpiak. Minung tuahpiakmi bantuk a si lo. A hmun dingmi, hi vawlei pinlei tiang a nguh dingmi khamhnak Vanram ca tiangin thlennak cu a kan tuahpiak cang. Kannih caah cun cucu cohlan i, cu thlennak nun cun nun ding lawng kan hau. 2 Kor 5:17 ahcun “Mi zeihmanh hi Khrih he an i pehtlaih tikah cun nunning thar kha aa thawk cang” tiin Paul nih a kan cawnpiak. Cucu thlennak cu a si ko. Thlennak taktak kan duh ahcun Khrih he i pehtlaih kan hau.
Pahnihnak, ho dah kan i bochan?: Vawleicung a si caah midang loin kan nung kho lo. Midang bawmh kan hau. Midang bochan in kan nung. Sihmanhsehlaw, minung cu a donghnak tiang bia ngeitu a si bal lo. A dongh tiang bawm kho tu a si kho bal lo. A dongh tiang bochan awk a tha lo. Kan chungkhar, kan hawikom kan i bochan tawn hna. Hihi a palh hrim lo. Sihmanhsehlaw, cu kan i bochanmi hna kha kan nunnak a dongh tiang bia ngei tu an si lai lo ti cu kan theih chih a hau. Annih zong minung an si ve. Serchommi an si ve. A rawk khomi an si ve. An kan deuh caan a um kho. An kan bawmh duh nain an kan bawmh khawh lo caan, bochan len kan duh hna nain, bochan awk an that ti lo caan a um kho. Sihmanhsehlaw, bochan tlak tak a simi cu Jesuh Khrih, khamhnak a kan serpiaktu hi a si.
Salm catialtu nihcun, vawlei thilri aa bochanmi cu an tlu aa ril ko lai. Sihmanhsehlaw, Bawipa aa bochanmi cu an tho lai i fek tein an dir kho lai a ti. Chim duhmi cu, hi vawleicung ah dohtu, tukforhtu, le harnak phunphun kan tong lai. Cu tikah mah thil ti khawh nak i bochan awk a that lo caan a um. Kan unau nih an kan bawmh khawh lo caan a um. Sihmanhsehlaw, Bawipa aa bochanmi cu teitu an si, tihi Salm catialtu nih a chimmi cu a si.
Nai US ramhun thimnak nih vawleicung ram kip a hninh. Aho dah ramhun a chuak lai ti a si. Barack Obama nih teinak a hmuh caah, 44 nak US ramhun a si cang lai. An rak kan chimh tawnmi, Kawlram in kan rak theih tawnmi cu, US ram a thanchonak cu an phaisa hmanh ah pei IN GOD WE TRUST tiah an tial cu ti a si. A bik in Khrihfa a simi paoh nih cun hi an tialmi hi kan uar tuk cio. Nai US ramhun thimnak belte ahcun Obama a tanhtu pawl nih Obama cu an i uar tuk i, a cheu nih cun IN GOD WE TRUST ti si loin IN OBAMA WE TRUST ti te hna in ca an tar. O my God! an ti tawnmi ah O My Obama! ti te hna a hung um. Obama hi miza cu a si taktak. Keimah pumpak zong in ka uar ngai, McCain nak cun. Sihmanhsehlaw, Obama hi minung a si, Pathian a si lo tihi an philh rua.
Obama nih heh tiah bia a kamh hna. A kan tuah piak khawh dih lai ti phun nawn in an zumh. Asinain, a tak a chuah tikah a kamhmi hna i cheu hra cheu khat a tuah kho te hnga dik maw. Zei tluk in pa za zong va si ko seh, Obama cu minung a si. Kanmah bantuk a si ve ko. Tlamtling lomi pa a si ve. Hi pa nih hin thil zei maw cu tuah sehlaw, thlennak hi tuah kho seh ti cu duh cio a si. I bochan cio a si. I bochan kha a sual hrim lo. Nain, Obama hi Pathian a si lo. Bochan awk a tlak taktakmi cu Bawipa Pathian lawnglawng a si. Bawipa kan i bochan tiin kan thinlung, kan nunnak in kan ti lawng ah, kan hmailei lam thluan ah, harnak kan ton ah, hlawhtlinnak kan ton ah a ton zia kan thiam lai, cun kan nunnak zong sullam a ngei lai.
Ka dawtmi khuami hna, Bawipa he aa pehtlaimi si hna usih. Cun minung bochan nakin Bawipa bochan a tha deuh tihi philh hna hlah usih law, Bawipa thawnnak aa bochanmi si hna usih, tihi sawm kan duhmi hna a si.
Bawipa thluachuahnak nan zapi cungah um ko seh! Amen.
Kaa lawm.
Bibik
Philadelphia
Nihin ni tiang lam a kan hruaitu Pathian min thangthat si ko seh! Kan vawlei sining aa thleng chin lengmang. Sihmanhsehlaw, zei tik hmanh ah aa thleng lomi cu Pathian nih a kan dawtnak hi a si. Kan thinlung i timhtuah in thawngtha bia i hrawmti hna usih tiah kan sawm hna.
Thla kan cam lai: Dawtu Pathian, nihin tiang lam na kan hruai caah kan i lawm. Kan sualnak kan ngaithiam law, na hmaika ah do tlami kan siter ko. Lungretheihnak in a khatmi vawlei ah kan um ko nain, ruahchannak ngeimi na kan siter ca zong ah kan i lawm. Hmailei kan nunnak zong ah pumpak pakhat cio na thluachuahnak he kan umpi rih ko. Nangmah an tihzahmi le an bochanmi kan si i, zei thil kan ton hmanh ah nangmah min in teitu kan si cio khawh nakhnga thla kan cam. A dam lomi nih damnak an hmuh nakhnga, thongtlami nih luatnak an hmuh nakhnga, retheimi nih an thilrit a zaan nakhnga, rian a ngei rih lomi nih rian an hmuh ngakhnga, cacawngmi nih fimnak an hmuh nakhnga, le midang ca tiangin santlaimi kan si nakhnga, na sinah zaangfah kan in nawl. Nihin kan i ruahti dingmi na thawngtha bia zong kan caah thazaang petu siter ko. Hmailei zong ah atu bantuk caan sunglawi kan hmuhter rih ko sawh tiin kan Bawipa Jesuh Khrih min in thla kan cam. Amen.
Kan zapi i ruahti dingin rel ka duhmi cu:
“Mi zeihmanh hi Khrih he an i pehtlaih tikah cun nunning thar kha aa thawk cang.” (1 Korin 5:17)
“Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu BAWIPA kan Pathian tawnnak kha kan i bochan. Annih cu an ril i an tlu lai. Sihmanhsehlaw kannih cu kan tho lai i, fek tein kan dir lai.” (Salm 20:7-8)
Nai cu US ramhun thimnak kong hi ceih ngai cio a si. Laiforum le Rungcin ti bantuk ah biatak tein an ceih cio. Barack Obama cu 44 nak US ramhun ah thim a si cang. Nai thimnak an tuahmi he pehtlai in, thil pahnih ka lung ah a um ngai i cucu, Khrihfa kan nunnak ah fim a kan chimtu dingah a tha rua tiah ka ruah caah, nihin ah cu kong cu chim ka tim:
Pakhatnak, THLENNAK: Atu lio cu vawleicung hmunkip ah harnak ton cio a si. Cucu chim hau hmanh khi a si lo. Vawleicung ahcun ram tha bik tiah rak ti tawnmi US ko hi, an sipuazi a tlak tuk tikah cu nih cun ramdang tiang a luanh hnawh dih. A dang kong cu ka chim ti lai lo. Atu ka umnak hi Philadelphia a si. Hi khua hi a hlan ah US ram i khualipi caan tawite cu a rak si bal. Anmah US Constitution te hna an rak suainak hmun, Liberty Bell zong an chiahnak hmun a si. Nizan cu kan khuabawi pa nih mipi sinah bia a chim. Pasal pi aa harh ko. Zei cah tiah, mipi sinah lawmhnak thawng thanh ding a ngei lo. Mipi sinah mipi nih theih an duh lomi chim a hau. Thanh hna a hau. Mipi cu a thawh hna i, kan ram thil cangmi cu nan theih dih bantuk kha a si ko. Atu hi kan khua zong nih fak tukin sunghnak kan tong. Leiba tam tuk kan ngei. Cu caah, kan himnak caah a herh tukmi palek pawl, meithat pawl le, sii lei riantuantu pawl ca i hmanmi cu amah ning in a kal ko lai nain, a dang paohpaoh cu kan budget kan thumh dih a hau ee a ti. Kan khua chung i tilionak hmun tam nawn kan khar lai a ti. Kan park (pangpar dum) pawl zong on caan kan tuah lai, a ti. Cun mipi nih tax tam deuh pek a hau lai. Cu ti in kan budget pawl kan thumh dih, tax tam deuh pek kan i zuam hnu ah, atu kan leiba hi sau nawn te cham kan hau lai. A hlan bantuk dirhmun kan phanh thannak ding ahcun sau lak kan rau rih men lai. Fak piin kan i zuam i, kan khua kan ser a hau tiah bia a chim. Phundang cun, atu kan dirhmun hin thlennak kan herh ee tiah a ti hna.
US ram sipuazi a tlak tuk lio ah, Barack Obama cu ramhun zuamnak i aa tel tikah THLENNAK tlangtar in aa zuam. Mipi nih thlennak cu a orh in orh lio a si caah, mipi nih an tanh khunnak pakhat cu a si. Atu kan sining in i thleng usih law, sining tha deuh dirhmun ah um kho usih ti cu saduh thah cio a si. Thlen cu kan duh ngai cio. Kawlram mi ca hrim ahcun kan ram i thleng seh ti cu kan duh tuk. Ralkap cozah hi mipi duhnak in a kan uktu ding cozah in thlen si zokzok seh ti hi kan duh tuk. A tha lomi in a thami ah thlen cu duh cio a si. Khrihfami nih kan ruah chih ding pakhat a ummi belte cu thlennak taktak, a hmunmi hi aho nih dah a tuah khawh ti hi a si.
Thlennak kong kan ceih lio ahhin Khrihfami nih cun Jesuh Khrih nih thlennak a kan tuahpiakmi hi philh awk a tha lo. Jesuh Khrih nih thlennak rian kha a nunnak pek in kan tuahpiak hlah sehlaw, ruahchannak ngei lo dirhmun ah kan um ko hnga. Nain, Pathian cu a tha tuk i, Jesuh Khrih hmangin thlennak a kan tuahpiak. Minung tuahpiakmi bantuk a si lo. A hmun dingmi, hi vawlei pinlei tiang a nguh dingmi khamhnak Vanram ca tiangin thlennak cu a kan tuahpiak cang. Kannih caah cun cucu cohlan i, cu thlennak nun cun nun ding lawng kan hau. 2 Kor 5:17 ahcun “Mi zeihmanh hi Khrih he an i pehtlaih tikah cun nunning thar kha aa thawk cang” tiin Paul nih a kan cawnpiak. Cucu thlennak cu a si ko. Thlennak taktak kan duh ahcun Khrih he i pehtlaih kan hau.
Pahnihnak, ho dah kan i bochan?: Vawleicung a si caah midang loin kan nung kho lo. Midang bawmh kan hau. Midang bochan in kan nung. Sihmanhsehlaw, minung cu a donghnak tiang bia ngeitu a si bal lo. A dongh tiang bawm kho tu a si kho bal lo. A dongh tiang bochan awk a tha lo. Kan chungkhar, kan hawikom kan i bochan tawn hna. Hihi a palh hrim lo. Sihmanhsehlaw, cu kan i bochanmi hna kha kan nunnak a dongh tiang bia ngei tu an si lai lo ti cu kan theih chih a hau. Annih zong minung an si ve. Serchommi an si ve. A rawk khomi an si ve. An kan deuh caan a um kho. An kan bawmh duh nain an kan bawmh khawh lo caan, bochan len kan duh hna nain, bochan awk an that ti lo caan a um kho. Sihmanhsehlaw, bochan tlak tak a simi cu Jesuh Khrih, khamhnak a kan serpiaktu hi a si.
Salm catialtu nihcun, vawlei thilri aa bochanmi cu an tlu aa ril ko lai. Sihmanhsehlaw, Bawipa aa bochanmi cu an tho lai i fek tein an dir kho lai a ti. Chim duhmi cu, hi vawleicung ah dohtu, tukforhtu, le harnak phunphun kan tong lai. Cu tikah mah thil ti khawh nak i bochan awk a that lo caan a um. Kan unau nih an kan bawmh khawh lo caan a um. Sihmanhsehlaw, Bawipa aa bochanmi cu teitu an si, tihi Salm catialtu nih a chimmi cu a si.
Nai US ramhun thimnak nih vawleicung ram kip a hninh. Aho dah ramhun a chuak lai ti a si. Barack Obama nih teinak a hmuh caah, 44 nak US ramhun a si cang lai. An rak kan chimh tawnmi, Kawlram in kan rak theih tawnmi cu, US ram a thanchonak cu an phaisa hmanh ah pei IN GOD WE TRUST tiah an tial cu ti a si. A bik in Khrihfa a simi paoh nih cun hi an tialmi hi kan uar tuk cio. Nai US ramhun thimnak belte ahcun Obama a tanhtu pawl nih Obama cu an i uar tuk i, a cheu nih cun IN GOD WE TRUST ti si loin IN OBAMA WE TRUST ti te hna in ca an tar. O my God! an ti tawnmi ah O My Obama! ti te hna a hung um. Obama hi miza cu a si taktak. Keimah pumpak zong in ka uar ngai, McCain nak cun. Sihmanhsehlaw, Obama hi minung a si, Pathian a si lo tihi an philh rua.
Obama nih heh tiah bia a kamh hna. A kan tuah piak khawh dih lai ti phun nawn in an zumh. Asinain, a tak a chuah tikah a kamhmi hna i cheu hra cheu khat a tuah kho te hnga dik maw. Zei tluk in pa za zong va si ko seh, Obama cu minung a si. Kanmah bantuk a si ve ko. Tlamtling lomi pa a si ve. Hi pa nih hin thil zei maw cu tuah sehlaw, thlennak hi tuah kho seh ti cu duh cio a si. I bochan cio a si. I bochan kha a sual hrim lo. Nain, Obama hi Pathian a si lo. Bochan awk a tlak taktakmi cu Bawipa Pathian lawnglawng a si. Bawipa kan i bochan tiin kan thinlung, kan nunnak in kan ti lawng ah, kan hmailei lam thluan ah, harnak kan ton ah, hlawhtlinnak kan ton ah a ton zia kan thiam lai, cun kan nunnak zong sullam a ngei lai.
Ka dawtmi khuami hna, Bawipa he aa pehtlaimi si hna usih. Cun minung bochan nakin Bawipa bochan a tha deuh tihi philh hna hlah usih law, Bawipa thawnnak aa bochanmi si hna usih, tihi sawm kan duhmi hna a si.
Bawipa thluachuahnak nan zapi cungah um ko seh! Amen.
Kaa lawm.
Bibik
Philadelphia
No comments:
Post a Comment