June 22, 2008
Nithar kan phanh lawng si loin Pathian thangthat tinak caan kan hmuh thanmi hi a sung tuk hringhran. Pathian dawtnak thawngin a si. Pathian sin ah, nunnak le riantuan khawh nak a kan pekmi caah lawmhnak chim hna usih. Zei bantuk caan hmanh ah Pathian nih a kan umpi ko ti hi philh hna hlah usih.
Nihin thawngtha a kan chimtu cu USA lei ah a hun kan tlawng liomi ka u Nancy nu (Pi Sung Cer) a si. Thawngtha chim dingin kan fial tikah, lunglawm tein a cohlan i thawngtha a kan chimh khawh caah a cungah tampi kan i lawm. Atu hi a voikhat nak thawngtha a kan chimh a si. Hi hnu zong ah caan kan pek than thiam te lai i, a kan chimh than te lai. Atu cu, amah sinah caan kan pek cang lai.
Lunglawmhnak bia: Thau group i a um mi Bawi Khrih ah kan hawikom dawt vialte kha nan sin ah Pathian thawngtha bia chimnak caan tha ka neihkhawh ve caah kai lawm ngaingai. Keimah cu Pi Sung Cer (Nancy nu) ka si i ka pasal cu Rev. Dr. Cung Lian Hup (Nancy pa) a si. Tutan ah Pathian dawtnak thawng in chungkhat sahlawh rualchan tlawn ah America ram ka hong phan kho ve le dam te in kan i tong kho hna le kai lawm tuk. Atu ka tialmi ka phungchim hi LBC D.C ah ka chim mi a si le Bibik le Vante le kan naule zong nih an rak ka pumh pi khawh ve caah kai lunghmuih ngaingai. A tawinak in ka van tial lai le ka palhnak a um ah cun a reltu nih rak ka ruah thiam piak hram uh tiah kan nawl hna.
Tuzing hi Bible ca tiang kai thim mi cu:
Salm 127:3-5
I Samuel 1: 10-16, 20
Phungthlukbia 16:1-3
A tlangpi ah ka tar duh mi cu "Pathian Ro Sung" ti a si.
Fale hna hi Pathian sin in kan hmuhmi Ro sung an si. Ro timi sullam cu nan theih dih ciomi a si ko i kan sunsak mi le kan sunlawih mi lawnglawng kha Ro kan ti tawn. Cu Ro cu a kan pe tu a um lawng ah kan hmuh khawhmi a si fawn. Kanmah te in hi Ro hi kan i pe kho loh. Cu caah kan fa le zong hi Bawipa Pathian nih a kan pek mi an si hi ka theih peng a hau. Innchungkhar ah fa neih a duh tuk ko na in a nei kho lo mi tampi an um. Phaisa le vulei cung fimthiamnak ngaingai lawng in fa an nei kho loh. Cu caah kan fa le hi Pathian nih a kan pek mi thilri vialte lak ah Ro Sung bik an si kha kan theih peng a hau. Fa nei kho rih lo mi zong nih Pathian sin ah Hannah bantuk in thinlung dihlak bungh in thlacam ve u law, Bawipa nih an pek ve ko hna lai.
Hannah le a pasal Elkanah kong kan zoh ah hin Pathian nih a pek mi hna Ro sung kha tha te in an zohkhenh ning kong kan hmuh khawh. I Samuel 1:10 nak in kan rel a si ah cun Hannah nih a lungthin bungh in Pathian sin ah Ro sung fapa a hal nak kha kan hmuh. Cu kha a fapa kha a neih khawh a si ah cun Bawipa sin ah kan pek than lai ti zong in bia ai kam kha kan rel khawh. Pathian nih a thinlung bungh in le zumhnak taktak in thla a camnak cu a ngaih piak i fapa Rosung Samuel cu a pek taktak. Zeitluk in dah an i nuamh lai ka ti. Hannah le a pasal Elkanah nih Hannah biakam ning te in an fapa dawt tuk mi te cu Pathian riantuantu ding ah a ngakchiat lio te in an pek sian than mi zong hi hringtu nu le pa caah a fawimi a si loh. Hi ah hin Hannah pasal hi Pathian a zum ve mi a si taktak lai ti hi ai fiang. Cun a nupi nih tha te le nem te in a pasal sin ah Pathian sin ah bia ai kam mi zong kha a chimh ve lai tiah ka zumh. Cu caah nu va lungrual te in khuakhan ti le zumhnak khat te in um khawh zong hi kan herh ngaingai ko. Hannah nih Pathian pekmi Ro sung a si mi a fapa Samuel kha tha te in a zoh khenh ning kan hmuh khawh, zeicahtiah Samuel cu profet lak ah a tha bik mi le zumhnak a thawng bik mi a si kha kan theih cio, mah hi kan zohtik ah a nu nih a fapa Pathian pek mi Ro sung kha tha te in a ken kawi i, a hmet te in Pathian bia in le zumhnak hrampi fek te in bunh ding le ziaza tha in nunding kha a cawnpiak khawh ti kan hmuh.
Nu le pa rian hi kan innchungkhar zohkhenh nak in kan i thawk awk a si. Pathian rian hi kan innchungkhar zohkhehnak in kan i thawk awk a si tiah ka ruah. Cathiam pawl nih an ti mi cu ngakchia hi bawhte an si lio in, cun holh an i hrawt in cawnpiak an hau cang an ti. A cheu nih cun nu le pawi lio hmanh in cawnpiak khawh an si cang an ti i mah kha cu kan Laimi ca hna ah cun tuah khawh ding a har rih hnga ka hei ti. Kan fa le hi holh an thiam ka bak in tha te in cawnpiak ah cun kum 5 tiang hi an zumhnak a fek cem an ti. Cun kum 5-15 tiang zong hi nule pa cawnpiaknak kha an ngai rih na'n khi hnu khin cun cawnpiak mi kha san a tlai tuk kho ti lo an ti. Cu caah kan fa le zong kha an hngakchiat lio te in Pathian ah an zumhnak fek te in bunh ter khawh i zuam i Khrihfa nunziaza zong in nunter khawh ding kha i zuam ding hi nu le pa kan rianbik a si rua tiah ka ruah. Kan fa le kan cawnpiak hna tik ah kanmah nih kan tuah khawh lo mi tiang in cawnpiak lo ding a si, kan fa le he hawikom bantuk in kan i hawikomh khawh ding kha i zuam cio kan hau, bianabia ah fa le he T.V hna zoh ti khawh ding le biasawngtlawrh khawh ding hna khi i zuam ve kan hau. Kan nungak le kan tlangval kong tiang in kan i ceih ti khawh ding zong hi a herh ngai mi a si rua ka ti. Cun kan fa le hi kan vah tak tuk lo ding hna hi a biapi fawn. Lailei hna ah cun nu le pa hi pumh le thlacamnak ah chun he zan he kan kal tawn le ngakchia kha cu inn ah kan kal tak tawn hna, khi tik ah kan fa le nih an duh mi poh an rak tuah ve i sualnak tuah hram zong an i thok cemnak a si rua ka ti. Cu caah kan fa le he biakinn ah kan kal ti khawh ding hi kan i zuam ding a si. An ngakchiat lio te in Sunday school a kai mi le Pathian bia a thei lengmang mi fa le hna cu a nunnak lam tluan ah an tlau caan hmanh um ko seh law, an i remh caan a um lengmang than ko. Cu caah kan fa le hi Pathian pek mi Ro sung an si bantuk in tha te in le lo tlau lo te in kan ken kawi ding hi kan rian a si.
Kan pasal le kan nu pi le zong hi Bawipa nih kan Ro sung caah a kan pek mi an si ve. Nu pi tha le pasal tha kan neih khawh nak ding ah hin kan no lio te in Pathian sin ah thla cam ding kan herh tiah ka zumh. Nu le pa zong nih si seh, cun mah pumpak hrim zong nih Bawipa sin ah kan hal i a mah duh ning lam kha theih le zulh kan i zuam ah cun nupi le pasal tha Pathian Ro sung pek mi kan nei kho ko lai tiah ka zumh. Cun kha kan Ro sung a simi kan nupi le kan pasal zong kha tha te in kan i dawtnak ding le kan tlau lo nak ding kha zohkhenh ding kha kan rian a si ve fawn. Nu le va hi mi le mi kan i um mi a si tik ah kan ruahnak cu ai khat dih kho bal lai lo, sihmanhseh law, kan zumhnak ai khah i, kan duh ning kha khah ter khawh kan i zuam ah cun kan i dawtnak zong a karh chin lengmang lai i kan innchungkhar a nuam ko lai. Nu le va zong hi hawikom bantuk in kan i komh awk a si. Innchungkhar ah biaruahnak caan hi kan ser peng a hau. Cun a ho poh kan thin a han tik ah pakhat nih hrial piak kan hau, cubantuk in kan hrial khawh ahcun buainak a tlawmdeuh ko lai i chungkhar nuam kan si ko lai. Zeipoh hi thatnak a si ding ah cun i hnek deuh kan hau cio ko, chungkhat kap hnih lei kan i dawtnak ding kong ah si seh, cun bawmhherh mi kan bawmh nak hna zong ah hnek nak hi a bia pi tuk. Cun dinfelnak hi kan upat peng a hau rua ka ti, phaisa lei zong ah siseh, cun fimthiamnak cawnnak lei zong ah siseh, cun ziaza lei zong ah siseh, lihchimnak le hlennak um lo te in kan um khawh a si ahcun innchungkhar dawtnak cu a karh hrimhrim ko lai tiah ka zumh.
Cun Bawipa Jesuh Khrih zong hi Pathian i a Ro sung fapa dawt a si ve. Pathian nih a kan dawt tuk ruang ah a dawt cemmi a fa pa a sian lo tuk bu te in kanmah khamhnak hmuh ding ah hi vulei ah a kan pek ti cu kan theih cio le kan zumh cio mi a si. Cu caah Pathian Ro sung a simi Bawipa Jesuh Khrih hi kan khamhtu ding ah kan i lak cio ding kha kan i zuam awk a si. Hi nak Ro sung tha mi hi kan nunnak ah a um lo mi a si. Kan herh cemmi zong a si fawn.
Cu caah Pathian chawkeng tu tha kan si cio nak ding ah A kan pekmi Ro sung pawl, kan fa le hna, kan nupi le kan pasal le kan innchungkhar vialte le kan Bawipa Jesuh Khrih hi tha te in kan zohkhenh khawh peng nak ding ah kan i zuam a hau. Innchungkhar lungrual te in zei kan tuah lai poh ah thlacam ti ding zong hi a biapi tuk fawn. Phungtlukbia 16:1-3 hi kan nunnak caah kan hman khawh peng ding ah kan sawm ve hna. Minung nih khua cu kan khan ko lai na'n kan donghnak a nei tu le biakhiah tu cu kan Bawipa Pathian a si peng ding a si. "Innchungkhar nuam cu Vancung bantuk a si" tiah an ti tawnmi kan si khawh cio nak lai Pathian nih Ro sung a kan pekmi kha tha te in zohkhenh khawh cio i zuam hna u sih.
Bawipa nih a tha mi a um a si ah cun thluachuahnak kan pek piak ko seh. Kai lawm.
Pi Sung Cer (Nancy nu)
Thla kan cam hna lai: Dawtu Pathian, nihin zong ah na Bia Thiang i ruahtinak caan kan hmuh than caah kan i lawm. Na fanu hmangin kan theihmi thawngtha bia hi pumpak cio kan caah thlua kan chuah piak law, na kan pekmi Ro sung zohkhenhtu tha kan si nakhnga lam kan hruai cio ko. Nangmah dawtnak a thei i, nunzia dawh in a nungmi kan si cio nakhnga zong lam kan hruai ko. Mi sual mi palh lawng te kan si. Kan sualnak kan ngai thiam ko tiah thla kan cam. Kan ram lei ah tirawl ei awk ngei loin le vansang ngaiin a ummi hna caah thla kan cam. Nangmah nih bawm ko hna. Khuami zong harnak a tongmi khuami le Laimi hawi caah santlaimi kan siter ko. Na kan pekmi thluachuah hi hawi zong kan hrawmh hna ding a si zia a thar in kan hngalh ter ko. Malaysia i thong ah a ummi hna zong tuan ah an luat khawh nakhnga, cun a dang nih tlaihkhih an ton hraw nakhnga lo, le ram tha deuh ah pehchin aa timmi paoh nih hlawhtlinnak an hmuh nakhnga thla kan cam. Riantuan awk aa hmuh rih lomi nih rian thami an hmuh i, rian a tuan cangmi zong an hlawhtlin chin khawh nakhnga thla kan cam. Nai ah U Van a nu zong a zawtnak an chek tikah a dam ko ti thawng kan theih i kan i lawm. Damnak tling taktak pe ko. Cun kan pa Sang pui pa siseh, Esther nu siseh, Irin pa siseh, cun thancho lei an panh caah kan i lawm. A tlingmi damnak a rauh hlan ah hmuh ter ko hna tiah kan in nawl. Hmailei zong ah atu bantuk in nangmah an thangthat kho tu na fale kan si khawh nakhnga, lam kan hruai ko tiah kan Bawipa Jesuh Khrih min in thla kan cam, kan Pathian. Amen.
Nithar kan phanh lawng si loin Pathian thangthat tinak caan kan hmuh thanmi hi a sung tuk hringhran. Pathian dawtnak thawngin a si. Pathian sin ah, nunnak le riantuan khawh nak a kan pekmi caah lawmhnak chim hna usih. Zei bantuk caan hmanh ah Pathian nih a kan umpi ko ti hi philh hna hlah usih.
Nihin thawngtha a kan chimtu cu USA lei ah a hun kan tlawng liomi ka u Nancy nu (Pi Sung Cer) a si. Thawngtha chim dingin kan fial tikah, lunglawm tein a cohlan i thawngtha a kan chimh khawh caah a cungah tampi kan i lawm. Atu hi a voikhat nak thawngtha a kan chimh a si. Hi hnu zong ah caan kan pek than thiam te lai i, a kan chimh than te lai. Atu cu, amah sinah caan kan pek cang lai.
Lunglawmhnak bia: Thau group i a um mi Bawi Khrih ah kan hawikom dawt vialte kha nan sin ah Pathian thawngtha bia chimnak caan tha ka neihkhawh ve caah kai lawm ngaingai. Keimah cu Pi Sung Cer (Nancy nu) ka si i ka pasal cu Rev. Dr. Cung Lian Hup (Nancy pa) a si. Tutan ah Pathian dawtnak thawng in chungkhat sahlawh rualchan tlawn ah America ram ka hong phan kho ve le dam te in kan i tong kho hna le kai lawm tuk. Atu ka tialmi ka phungchim hi LBC D.C ah ka chim mi a si le Bibik le Vante le kan naule zong nih an rak ka pumh pi khawh ve caah kai lunghmuih ngaingai. A tawinak in ka van tial lai le ka palhnak a um ah cun a reltu nih rak ka ruah thiam piak hram uh tiah kan nawl hna.
Tuzing hi Bible ca tiang kai thim mi cu:
Salm 127:3-5
I Samuel 1: 10-16, 20
Phungthlukbia 16:1-3
A tlangpi ah ka tar duh mi cu "Pathian Ro Sung" ti a si.
Fale hna hi Pathian sin in kan hmuhmi Ro sung an si. Ro timi sullam cu nan theih dih ciomi a si ko i kan sunsak mi le kan sunlawih mi lawnglawng kha Ro kan ti tawn. Cu Ro cu a kan pe tu a um lawng ah kan hmuh khawhmi a si fawn. Kanmah te in hi Ro hi kan i pe kho loh. Cu caah kan fa le zong hi Bawipa Pathian nih a kan pek mi an si hi ka theih peng a hau. Innchungkhar ah fa neih a duh tuk ko na in a nei kho lo mi tampi an um. Phaisa le vulei cung fimthiamnak ngaingai lawng in fa an nei kho loh. Cu caah kan fa le hi Pathian nih a kan pek mi thilri vialte lak ah Ro Sung bik an si kha kan theih peng a hau. Fa nei kho rih lo mi zong nih Pathian sin ah Hannah bantuk in thinlung dihlak bungh in thlacam ve u law, Bawipa nih an pek ve ko hna lai.
Hannah le a pasal Elkanah kong kan zoh ah hin Pathian nih a pek mi hna Ro sung kha tha te in an zohkhenh ning kong kan hmuh khawh. I Samuel 1:10 nak in kan rel a si ah cun Hannah nih a lungthin bungh in Pathian sin ah Ro sung fapa a hal nak kha kan hmuh. Cu kha a fapa kha a neih khawh a si ah cun Bawipa sin ah kan pek than lai ti zong in bia ai kam kha kan rel khawh. Pathian nih a thinlung bungh in le zumhnak taktak in thla a camnak cu a ngaih piak i fapa Rosung Samuel cu a pek taktak. Zeitluk in dah an i nuamh lai ka ti. Hannah le a pasal Elkanah nih Hannah biakam ning te in an fapa dawt tuk mi te cu Pathian riantuantu ding ah a ngakchiat lio te in an pek sian than mi zong hi hringtu nu le pa caah a fawimi a si loh. Hi ah hin Hannah pasal hi Pathian a zum ve mi a si taktak lai ti hi ai fiang. Cun a nupi nih tha te le nem te in a pasal sin ah Pathian sin ah bia ai kam mi zong kha a chimh ve lai tiah ka zumh. Cu caah nu va lungrual te in khuakhan ti le zumhnak khat te in um khawh zong hi kan herh ngaingai ko. Hannah nih Pathian pekmi Ro sung a si mi a fapa Samuel kha tha te in a zoh khenh ning kan hmuh khawh, zeicahtiah Samuel cu profet lak ah a tha bik mi le zumhnak a thawng bik mi a si kha kan theih cio, mah hi kan zohtik ah a nu nih a fapa Pathian pek mi Ro sung kha tha te in a ken kawi i, a hmet te in Pathian bia in le zumhnak hrampi fek te in bunh ding le ziaza tha in nunding kha a cawnpiak khawh ti kan hmuh.
Nu le pa rian hi kan innchungkhar zohkhenh nak in kan i thawk awk a si. Pathian rian hi kan innchungkhar zohkhehnak in kan i thawk awk a si tiah ka ruah. Cathiam pawl nih an ti mi cu ngakchia hi bawhte an si lio in, cun holh an i hrawt in cawnpiak an hau cang an ti. A cheu nih cun nu le pawi lio hmanh in cawnpiak khawh an si cang an ti i mah kha cu kan Laimi ca hna ah cun tuah khawh ding a har rih hnga ka hei ti. Kan fa le hi holh an thiam ka bak in tha te in cawnpiak ah cun kum 5 tiang hi an zumhnak a fek cem an ti. Cun kum 5-15 tiang zong hi nule pa cawnpiaknak kha an ngai rih na'n khi hnu khin cun cawnpiak mi kha san a tlai tuk kho ti lo an ti. Cu caah kan fa le zong kha an hngakchiat lio te in Pathian ah an zumhnak fek te in bunh ter khawh i zuam i Khrihfa nunziaza zong in nunter khawh ding kha i zuam ding hi nu le pa kan rianbik a si rua tiah ka ruah. Kan fa le kan cawnpiak hna tik ah kanmah nih kan tuah khawh lo mi tiang in cawnpiak lo ding a si, kan fa le he hawikom bantuk in kan i hawikomh khawh ding kha i zuam cio kan hau, bianabia ah fa le he T.V hna zoh ti khawh ding le biasawngtlawrh khawh ding hna khi i zuam ve kan hau. Kan nungak le kan tlangval kong tiang in kan i ceih ti khawh ding zong hi a herh ngai mi a si rua ka ti. Cun kan fa le hi kan vah tak tuk lo ding hna hi a biapi fawn. Lailei hna ah cun nu le pa hi pumh le thlacamnak ah chun he zan he kan kal tawn le ngakchia kha cu inn ah kan kal tak tawn hna, khi tik ah kan fa le nih an duh mi poh an rak tuah ve i sualnak tuah hram zong an i thok cemnak a si rua ka ti. Cu caah kan fa le he biakinn ah kan kal ti khawh ding hi kan i zuam ding a si. An ngakchiat lio te in Sunday school a kai mi le Pathian bia a thei lengmang mi fa le hna cu a nunnak lam tluan ah an tlau caan hmanh um ko seh law, an i remh caan a um lengmang than ko. Cu caah kan fa le hi Pathian pek mi Ro sung an si bantuk in tha te in le lo tlau lo te in kan ken kawi ding hi kan rian a si.
Kan pasal le kan nu pi le zong hi Bawipa nih kan Ro sung caah a kan pek mi an si ve. Nu pi tha le pasal tha kan neih khawh nak ding ah hin kan no lio te in Pathian sin ah thla cam ding kan herh tiah ka zumh. Nu le pa zong nih si seh, cun mah pumpak hrim zong nih Bawipa sin ah kan hal i a mah duh ning lam kha theih le zulh kan i zuam ah cun nupi le pasal tha Pathian Ro sung pek mi kan nei kho ko lai tiah ka zumh. Cun kha kan Ro sung a simi kan nupi le kan pasal zong kha tha te in kan i dawtnak ding le kan tlau lo nak ding kha zohkhenh ding kha kan rian a si ve fawn. Nu le va hi mi le mi kan i um mi a si tik ah kan ruahnak cu ai khat dih kho bal lai lo, sihmanhseh law, kan zumhnak ai khah i, kan duh ning kha khah ter khawh kan i zuam ah cun kan i dawtnak zong a karh chin lengmang lai i kan innchungkhar a nuam ko lai. Nu le va zong hi hawikom bantuk in kan i komh awk a si. Innchungkhar ah biaruahnak caan hi kan ser peng a hau. Cun a ho poh kan thin a han tik ah pakhat nih hrial piak kan hau, cubantuk in kan hrial khawh ahcun buainak a tlawmdeuh ko lai i chungkhar nuam kan si ko lai. Zeipoh hi thatnak a si ding ah cun i hnek deuh kan hau cio ko, chungkhat kap hnih lei kan i dawtnak ding kong ah si seh, cun bawmhherh mi kan bawmh nak hna zong ah hnek nak hi a bia pi tuk. Cun dinfelnak hi kan upat peng a hau rua ka ti, phaisa lei zong ah siseh, cun fimthiamnak cawnnak lei zong ah siseh, cun ziaza lei zong ah siseh, lihchimnak le hlennak um lo te in kan um khawh a si ahcun innchungkhar dawtnak cu a karh hrimhrim ko lai tiah ka zumh.
Cun Bawipa Jesuh Khrih zong hi Pathian i a Ro sung fapa dawt a si ve. Pathian nih a kan dawt tuk ruang ah a dawt cemmi a fa pa a sian lo tuk bu te in kanmah khamhnak hmuh ding ah hi vulei ah a kan pek ti cu kan theih cio le kan zumh cio mi a si. Cu caah Pathian Ro sung a simi Bawipa Jesuh Khrih hi kan khamhtu ding ah kan i lak cio ding kha kan i zuam awk a si. Hi nak Ro sung tha mi hi kan nunnak ah a um lo mi a si. Kan herh cemmi zong a si fawn.
Cu caah Pathian chawkeng tu tha kan si cio nak ding ah A kan pekmi Ro sung pawl, kan fa le hna, kan nupi le kan pasal le kan innchungkhar vialte le kan Bawipa Jesuh Khrih hi tha te in kan zohkhenh khawh peng nak ding ah kan i zuam a hau. Innchungkhar lungrual te in zei kan tuah lai poh ah thlacam ti ding zong hi a biapi tuk fawn. Phungtlukbia 16:1-3 hi kan nunnak caah kan hman khawh peng ding ah kan sawm ve hna. Minung nih khua cu kan khan ko lai na'n kan donghnak a nei tu le biakhiah tu cu kan Bawipa Pathian a si peng ding a si. "Innchungkhar nuam cu Vancung bantuk a si" tiah an ti tawnmi kan si khawh cio nak lai Pathian nih Ro sung a kan pekmi kha tha te in zohkhenh khawh cio i zuam hna u sih.
Bawipa nih a tha mi a um a si ah cun thluachuahnak kan pek piak ko seh. Kai lawm.
Pi Sung Cer (Nancy nu)
Thla kan cam hna lai: Dawtu Pathian, nihin zong ah na Bia Thiang i ruahtinak caan kan hmuh than caah kan i lawm. Na fanu hmangin kan theihmi thawngtha bia hi pumpak cio kan caah thlua kan chuah piak law, na kan pekmi Ro sung zohkhenhtu tha kan si nakhnga lam kan hruai cio ko. Nangmah dawtnak a thei i, nunzia dawh in a nungmi kan si cio nakhnga zong lam kan hruai ko. Mi sual mi palh lawng te kan si. Kan sualnak kan ngai thiam ko tiah thla kan cam. Kan ram lei ah tirawl ei awk ngei loin le vansang ngaiin a ummi hna caah thla kan cam. Nangmah nih bawm ko hna. Khuami zong harnak a tongmi khuami le Laimi hawi caah santlaimi kan siter ko. Na kan pekmi thluachuah hi hawi zong kan hrawmh hna ding a si zia a thar in kan hngalh ter ko. Malaysia i thong ah a ummi hna zong tuan ah an luat khawh nakhnga, cun a dang nih tlaihkhih an ton hraw nakhnga lo, le ram tha deuh ah pehchin aa timmi paoh nih hlawhtlinnak an hmuh nakhnga thla kan cam. Riantuan awk aa hmuh rih lomi nih rian thami an hmuh i, rian a tuan cangmi zong an hlawhtlin chin khawh nakhnga thla kan cam. Nai ah U Van a nu zong a zawtnak an chek tikah a dam ko ti thawng kan theih i kan i lawm. Damnak tling taktak pe ko. Cun kan pa Sang pui pa siseh, Esther nu siseh, Irin pa siseh, cun thancho lei an panh caah kan i lawm. A tlingmi damnak a rauh hlan ah hmuh ter ko hna tiah kan in nawl. Hmailei zong ah atu bantuk in nangmah an thangthat kho tu na fale kan si khawh nakhnga, lam kan hruai ko tiah kan Bawipa Jesuh Khrih min in thla kan cam, kan Pathian. Amen.
No comments:
Post a Comment