August 10, 2008
Pathian hi biak tlakmi Pathian a si. Kan nunnak ah thil tha tampi a kan pek. Kan sual tuk nain, a kan dawt peng. A hnak kar ah a kan thenh zungzal tu Pathian a si. A sinah lunglawmhnak chim bau hna hlah usih. Nihin zong ah A bia thiang i ruahtinak caah le thlacam tinak caan a kan pek than. Kanmah le umnak cio in, pumpak thlacamnak ngei ta hna usih.
Nihin thawngtha a kan chimtu cu Pu Nun Hre a si. Caan a kan hmanpiak khawh caah a cungah tampi kan i lawm. Atu cu amah nih caan a hmannak a si cang lai.
Dawtmi khuami u le nau le hawikom vialte hna,
Tuzing caan tiang damnak lawmhnak a kan pe i internet hmang in a thawngtha hrawmnak caan tha a kan petu kan Pathian a min a hmasa bik ah thangthat si ko seh! Cun caan a ka petu Bibik le thawngtha ai hrawmmi nan zapi cung h kai lawm.
Baibal ca rel hna usih.
Efisa a ngan 6 a hme 14 ka:
Cu caah timhcia tein um zungzal u, . . . Tangphaw ca ah DINNAK kha i benh u . . . Cun khuachia nih mei bantuk asimi thal in an kah tik hna ah nan rak hmih khawh lai.
Keimah dah kan Laica fang hna lak ah D hi a uar cem rua. Kan hnu lei ah khan D pa thum kong ka chim cang. Atu hi a pali nak D (DINNAK) kong hi i ruah ti hna usih tiah kan sawm hna. Zei hme DIN, Dinnak cu asi hnga? Din cu ti din zong asi. Thingkung a ding ti zong a si hnga. Cu kong cu kan chim duhmi asi lo. Dinnak kan ti duhchan mi cu Miding, Mitha, Mifel, Zumhtlaak mi si nak, ti khi kan chim duhmi cu asi hnga. Mirang holh van i hlan ta usih law a ding (strait) kha si loin righteousness ti tu hi a si hnga. Phundang chim ahcun, Dinnak cu sual lo a si i sualnak cu Dinlo kha a si ve. Oppsite an si kan ti khawh.
Kannih Khrihfami cu biaknak dang he kan i lawh lo nak a ummi hna lak ah a pakhatnak bik cu, thih hnu thawhthannak, thih hnu nun cang hmunhnak, thihhnu thlarau nunnak, Vancung khua kai kha ai ruahchan mi kan si. Kan nun chung i i nuamhnak, kan nun chung i rumnak, thluachuah tampi hmuhnak caah kan si lo. Cu hna pahnih zong opposite an si ve. Thih hnu thawhthannak cu Khrih Jesuh kan ca i a thih hnawhchan a si i nunchung i nuamhnak cu Setan riantuannak tha bik an si ve. Cu caah kan chung ah hin Khrih le Setan kha nifa te in ral an i do lengmang.
Cu caah kannih zumtu a simi hna cu nifa tein setan he ralai do peng mi kan si. Hla zong ah Khrihfa ralkap mi hna, ti le Vailamtah ralkap tiah kan sak lengmang mi khi an si. Kanmah nih kan tei ah cun khamh kan si lai. Setan nih a kan tei ahcun kan thlarau Hell ah a tla lai. Cu ti i Hell lei i kan kalnak ding caah kan ralpa setan cu a thiamnak dihlak, a cawnnak a PhD le a doctrorate degree zong cu a hman ve i a kan tukforh, a kan soilem. A mei cantiang cun a kan kah lengmang ko. Cu cantiang mei kan hmih khawhnak ding ca ah kan Baibal ca i kan relmi DINNAK kha kan taangphaw ah kan i benh zungzal ding kha kan herhmi a si.
Nan umnak khua le ram cio i palik kha tha tein nan ngia bal hna dek maw? Kannih US palik pawl cu an angki rang tangah khin kuanfangkhaan an i hruk chih. A leng in zoh ah khin ai hngal ko. Duhpaoh in meithal tlaih khawnak ram a si caah misual mi an tlaih tik hna i misual nih meithal in an kah sual hna ahcun an thin, an lung, an cuap a umnak an taang chung ah kuanfang a luhsual nakhnga lo khamhtu ah an i hrukmi a si. Cucu Paul nih a rak hngalh ve i minung kan nunnak kan lungthin, kan ruahnak zawn te ah Setan nih a mei cantiang in a kan kah tikah kan thih sual nakhnga lo, Dinnak kha i benh u a kan ti nak kha a si. Kan nunnak, kan lungthin, kan ruahnak kha Setan nih a pen sual nakhnga lo, a tei sual nakhnga lo, a kuanfang kan chungah a luh sual nakhnga lo, cu DINNAK cu zungzal thlah lo in Taangphaw can ah i BENH cio zungzal hna usih.
Thla kan cam hna lai. Jahovah kan Pathian Bawipa, nifa kan nunnak ah kan ralpa sehtan nih a kan teisual nakhnga lo, a kan kahnak a mei cantiang nih kan lungthin, kan ruahnak a rawk i, a tei i sualnak ah kan tluuk sual nakhnga lo, DINNAK cu kan taang ah phaw bantuk in ai hruk pengmi na fale kan si naklai, kan thawngtha cu thlua kan chuah piak ko tiah kan Bawipa Jesuh Khrih min in kan hal. Amen.
Pathian hi biak tlakmi Pathian a si. Kan nunnak ah thil tha tampi a kan pek. Kan sual tuk nain, a kan dawt peng. A hnak kar ah a kan thenh zungzal tu Pathian a si. A sinah lunglawmhnak chim bau hna hlah usih. Nihin zong ah A bia thiang i ruahtinak caah le thlacam tinak caan a kan pek than. Kanmah le umnak cio in, pumpak thlacamnak ngei ta hna usih.
Nihin thawngtha a kan chimtu cu Pu Nun Hre a si. Caan a kan hmanpiak khawh caah a cungah tampi kan i lawm. Atu cu amah nih caan a hmannak a si cang lai.
Dawtmi khuami u le nau le hawikom vialte hna,
Tuzing caan tiang damnak lawmhnak a kan pe i internet hmang in a thawngtha hrawmnak caan tha a kan petu kan Pathian a min a hmasa bik ah thangthat si ko seh! Cun caan a ka petu Bibik le thawngtha ai hrawmmi nan zapi cung h kai lawm.
Baibal ca rel hna usih.
Efisa a ngan 6 a hme 14 ka:
Cu caah timhcia tein um zungzal u, . . . Tangphaw ca ah DINNAK kha i benh u . . . Cun khuachia nih mei bantuk asimi thal in an kah tik hna ah nan rak hmih khawh lai.
Keimah dah kan Laica fang hna lak ah D hi a uar cem rua. Kan hnu lei ah khan D pa thum kong ka chim cang. Atu hi a pali nak D (DINNAK) kong hi i ruah ti hna usih tiah kan sawm hna. Zei hme DIN, Dinnak cu asi hnga? Din cu ti din zong asi. Thingkung a ding ti zong a si hnga. Cu kong cu kan chim duhmi asi lo. Dinnak kan ti duhchan mi cu Miding, Mitha, Mifel, Zumhtlaak mi si nak, ti khi kan chim duhmi cu asi hnga. Mirang holh van i hlan ta usih law a ding (strait) kha si loin righteousness ti tu hi a si hnga. Phundang chim ahcun, Dinnak cu sual lo a si i sualnak cu Dinlo kha a si ve. Oppsite an si kan ti khawh.
Kannih Khrihfami cu biaknak dang he kan i lawh lo nak a ummi hna lak ah a pakhatnak bik cu, thih hnu thawhthannak, thih hnu nun cang hmunhnak, thihhnu thlarau nunnak, Vancung khua kai kha ai ruahchan mi kan si. Kan nun chung i i nuamhnak, kan nun chung i rumnak, thluachuah tampi hmuhnak caah kan si lo. Cu hna pahnih zong opposite an si ve. Thih hnu thawhthannak cu Khrih Jesuh kan ca i a thih hnawhchan a si i nunchung i nuamhnak cu Setan riantuannak tha bik an si ve. Cu caah kan chung ah hin Khrih le Setan kha nifa te in ral an i do lengmang.
Cu caah kannih zumtu a simi hna cu nifa tein setan he ralai do peng mi kan si. Hla zong ah Khrihfa ralkap mi hna, ti le Vailamtah ralkap tiah kan sak lengmang mi khi an si. Kanmah nih kan tei ah cun khamh kan si lai. Setan nih a kan tei ahcun kan thlarau Hell ah a tla lai. Cu ti i Hell lei i kan kalnak ding caah kan ralpa setan cu a thiamnak dihlak, a cawnnak a PhD le a doctrorate degree zong cu a hman ve i a kan tukforh, a kan soilem. A mei cantiang cun a kan kah lengmang ko. Cu cantiang mei kan hmih khawhnak ding ca ah kan Baibal ca i kan relmi DINNAK kha kan taangphaw ah kan i benh zungzal ding kha kan herhmi a si.
Nan umnak khua le ram cio i palik kha tha tein nan ngia bal hna dek maw? Kannih US palik pawl cu an angki rang tangah khin kuanfangkhaan an i hruk chih. A leng in zoh ah khin ai hngal ko. Duhpaoh in meithal tlaih khawnak ram a si caah misual mi an tlaih tik hna i misual nih meithal in an kah sual hna ahcun an thin, an lung, an cuap a umnak an taang chung ah kuanfang a luhsual nakhnga lo khamhtu ah an i hrukmi a si. Cucu Paul nih a rak hngalh ve i minung kan nunnak kan lungthin, kan ruahnak zawn te ah Setan nih a mei cantiang in a kan kah tikah kan thih sual nakhnga lo, Dinnak kha i benh u a kan ti nak kha a si. Kan nunnak, kan lungthin, kan ruahnak kha Setan nih a pen sual nakhnga lo, a tei sual nakhnga lo, a kuanfang kan chungah a luh sual nakhnga lo, cu DINNAK cu zungzal thlah lo in Taangphaw can ah i BENH cio zungzal hna usih.
Thla kan cam hna lai. Jahovah kan Pathian Bawipa, nifa kan nunnak ah kan ralpa sehtan nih a kan teisual nakhnga lo, a kan kahnak a mei cantiang nih kan lungthin, kan ruahnak a rawk i, a tei i sualnak ah kan tluuk sual nakhnga lo, DINNAK cu kan taang ah phaw bantuk in ai hruk pengmi na fale kan si naklai, kan thawngtha cu thlua kan chuah piak ko tiah kan Bawipa Jesuh Khrih min in kan hal. Amen.
No comments:
Post a Comment