October 5, 2008
Nihin tiang lam a ka hruai i, mualpho lo tein a kan chiatu kan Pathian a min kan thangthat!
Lunglawmhank: Hanna te chung nih inn an kan cawnpiakmi cungah kan i lawm, kan lawmhpi hna ti kha vun langhter ka duh.
A rel zuammi caah: Blog ka tuah ve i, cu ahcun biaknak he aa pehtlaimi tete ka tial pah, ka hawile pakhat hnih nih an tial ve, cun zarh fatin CIM phungchim an thlahmi khi an thlah cangka in ka tar. Cu pawl cu a rel zuammi nih http://biaknakkong.blogspot.com/ ah rel khawh a si. A dang Laimi nih tuahmi website le blog pawl zong link ka tuah hna.
Thinlung timhtuahnak ngei bu in thawngtha i hrawmnak ah lut hna usih tiah kan sawm hna. Nihin thawngtha a kan chimtu cu Pu That Bik a si. Caan a kan hmanpiak khawh caah a cungah tampi lawmhnak kan ngei. Amah kut ah kan caan kan pek cang lai:
Tuchun tiang damnak a kan petu le thawngtha i hrawm kho ding in caan tha a kan petu kan Pathian a min thangthat si ko seh. Hi bantuk caan tha hmang ve dingin caan a ka petu Bibik cung zong ah lawmhnak tampi ka ngei i, khuami pakhat cio nan cung zongah lawmhnak tampi ka ngei.
Bible rel hna usih, (Luka 3:4-6)
Bawipa lam kha rak remh u, A kalnak ding lam kha ding te in rak ser u, A korhnak hmun vialte kha rak chilh hna ulaw tlangsang le fingbo kip kha rak ronhter hna u; Lam a ngerhmi kha rak dinter hna u, Lam bingbo vialte kha rak tlorhnalh hna u; Cun minung phun pohpoh nih Pathian khamhnak kha an hmu lai a ti.
Thla kan cam hmasa hna lai: Nifa kan nunnak ah lam a kan hruaitu kan biakmi kan Pathian tuchun caan ah ka dawtmi hna kan khuami hna he na biathiang i hrawm ti ding in caan tha nan kan pek caah na cungah kan i lawm i na min kan in thangthat ko. Khuami kan dihlak hi kan lungthin tlang a sangmi vialte le a bingbomi le a ngerhnguaimi vialte hna hi, hi na bia thawng in kan remh dih i lamphei te le kal a nuammi nangmah na kal duhnak lam nuam le lam tha ah kan siam, kan remh khawh nakhnga pakhat cio kan nunnak ah thlarau in kan cawnpiak hram ko ti ah kan nawl. Thei a tlai lomi thingkung hreitlung in hau i meiphu chungah paihmi le facang zilthli nih a chawih i a mit ti lomi meiphu chungah paihmi si loin, theitha dong lo in a tlai i, zungzal a hringmi thingkung bantuk kan si nakhnga atu kan chim laimi na biathiang cu kan dih lak caah thluachuah hram ko ti ah lunglawmhnak he na sin ah thla kan cam kan Pathian. Amen
USA le Europe ram hna hi Khrihfa an si nak kum 1600 reng lo a si cang i, atu ah cun biakinn i ai pum kho mi hi 100 ah 16 lawng nih biakinn an panh cang. Cun ai pummi hna hi kum 50 in a cunglei tar lawng te an si. Cun USA ah Pastor rian a tuanmi vialte hna kha hmun khat te ah itonnak (meeting) an ngei i cu ah cun NAWLBIA 10 kha an hal hna i 100 chungah 35 nih an chim dih kho loh ti a si. Cu bantuk a sinak le sualnak phuntling a umnak le nuamhnak phuntling a umnak hmun ahhin atu hi khuami tampi khua kan sa ve hna.
Naihrawng cu khua kong kau kan van caih hna i khua kong kan thei ngai hna. Thau Khuahlun le Khuathar an i remlonak, Khuahlun pawl zong pakhat le pakhat an i rem lo i, biaknak ah fak ngai in an buai ruangah tlang pastor hna nih naite ah an va remh hna ti thawng hna kan thei. An buainak le an i remlonak kong kan hal tik hna ah, aho hmanh an i tihzah lo i an bia an i ngai duh loh. A ruang bik cu an fale ramdang ah an um hna i an lung a puam ciammam i an i uahfaih ning cu chim awk tha lo in an um ti khi a si cem. Biaknak lei mit in kan zoh ahcun hlan i kan harsat lio le kan retheih lio hna kha ngaih a um deuh ngai.
Cu ve bantuk cun ram nuam le ramtha ummi kan zate hi Thau khua hlummi hna an nunning nakin a let hnih le let thum in kan lungthin tlang a sang i kan i uah. Kan umnak mirang pawl an nungning a tha lomi kan i cawn, kan pale kan ule zong tihzahnak le upatnak pakhat hmanh ngeih a si ti loh. Upa ciocio zong nih keimah hi ka fim bik ko, ka thiam bik ko ka rum bik ko ti lungput kan ngei hna i ka bia in bia tlu seh ti kan duh. Kan mino pawl cacawng le cathiam le nuncan tha ummi kan um ti loh. Zu ding lo le kuakzu lo zong kan um hna loh. Rumnak nih ai hruai chihmi cu thatlonak phuntling he an si.
Saisihchuak lam le Thau khua mawtawka phanhnak ding ah kan pale kan ule hna nih lungrethei le harsa ngai in khua an khan. Lam apem khawh nakding caah chawva thazang le lungthin pek a hau. Tha te le rem te in cawh hnu lawng ah Thau khua cu mawtawka a phan kho ding a si. Bo lak le lung le, thing lak le tlangsang lak le hawrthuk lak ah cun mawtawka cu a kal kho bal lai loh. A kal khawh nakding ahcun ding te le phei te le tha te in cawh dih hnu lawngah a kal kho lai.
Kan Bible relmi kha van zoh than u law, Pathian zumtu kan sinak ahhin a cung i kan tial bantuk in kan lungthin tlang a san bu le KEIMAH kan i ti chung paoh ah cun Bawi Jesuh cu a lut kho bak lai loh. Zumtu ka si ve kan i timi le, zoh dawh ngai in biakinn kan i khawmhmi le kan thlacammi cu pakpalawng an si ko lai. Thei a tlai lomi thingkung cu hreitlung in an hau i meiphu lakah an paihmi bantuk in kan nunnak cu ngaihchiat mitthli tlaknak hacang rialnak ah kan phan ko lai.
Bibik nih a van tial bantuk khan tu lio kan caan hi a phunphun in lungre theihnak le thihnak le khuaruah har thil lawngte dongcat lo in an chuak chin lengmang. A um bal lomi thil kan ton cuahmah cang. US hna vawleicung ah a rum bikmi le ram nuam bik mi kan timi hna Bank lianlian tam tuk hna cu pur an i tim cuahmah i bawmh hau in an um cang. Rian a har chin lengmang lai. Sualnak phunphun firnak damiahtaih le lainawn a tam chin lai. Vawleicung khuaza kip ak mangtam hna atu a chuak cuahmah. Kawlram zong ah a um bal lomi CENGKEUH nih facang kung dih lak ah an khat i an ei dih ti hna a si.
Cu caah hawidawt khuami hna, hi bantuk khua caan lakah kan um caah kan nunnak tlang a sangmi le a ngerhmi le a kuarmi vialte hna hi tha te in remh hna usih law, Bawipa sawm hna usih law cu ti cun kan nunnak ah siseh, kan chungkhar ah siseh, kan khua kan ram ah siseh, kan Khrihfabu chungah siseh, Bawipa cu a lut lai i kan sin ah a tlongleng lai. Cu tikah kannih cu zei bantuk caan tha lo le khuakhennak hmanh rak chuak sehlaw, zei hmanh poinak um lo in hring dildel te in a thei zong dong lo in a tlaimi kan si ko lai. Khua a nuam lai i kan saduhthah mi zeizong vialte hi tlam a tling kho ko lai.
Kan lungthin tlangsang hna le keimah kan i tinak vialte cu tuchun thawngtha kan theihnak thawngin khuami dihlak nih a dawhmi nunzia le lungthin tha a thar in kan ngeih khawh naklai kan Pathian nih thluachuahnak kan pekpiak ko seh.
Pu That Bik
Germany
Nihin tiang lam a ka hruai i, mualpho lo tein a kan chiatu kan Pathian a min kan thangthat!
Lunglawmhank: Hanna te chung nih inn an kan cawnpiakmi cungah kan i lawm, kan lawmhpi hna ti kha vun langhter ka duh.
A rel zuammi caah: Blog ka tuah ve i, cu ahcun biaknak he aa pehtlaimi tete ka tial pah, ka hawile pakhat hnih nih an tial ve, cun zarh fatin CIM phungchim an thlahmi khi an thlah cangka in ka tar. Cu pawl cu a rel zuammi nih http://biaknakkong.blogspot.com/ ah rel khawh a si. A dang Laimi nih tuahmi website le blog pawl zong link ka tuah hna.
Thinlung timhtuahnak ngei bu in thawngtha i hrawmnak ah lut hna usih tiah kan sawm hna. Nihin thawngtha a kan chimtu cu Pu That Bik a si. Caan a kan hmanpiak khawh caah a cungah tampi lawmhnak kan ngei. Amah kut ah kan caan kan pek cang lai:
Tuchun tiang damnak a kan petu le thawngtha i hrawm kho ding in caan tha a kan petu kan Pathian a min thangthat si ko seh. Hi bantuk caan tha hmang ve dingin caan a ka petu Bibik cung zong ah lawmhnak tampi ka ngei i, khuami pakhat cio nan cung zongah lawmhnak tampi ka ngei.
Bible rel hna usih, (Luka 3:4-6)
Bawipa lam kha rak remh u, A kalnak ding lam kha ding te in rak ser u, A korhnak hmun vialte kha rak chilh hna ulaw tlangsang le fingbo kip kha rak ronhter hna u; Lam a ngerhmi kha rak dinter hna u, Lam bingbo vialte kha rak tlorhnalh hna u; Cun minung phun pohpoh nih Pathian khamhnak kha an hmu lai a ti.
Thla kan cam hmasa hna lai: Nifa kan nunnak ah lam a kan hruaitu kan biakmi kan Pathian tuchun caan ah ka dawtmi hna kan khuami hna he na biathiang i hrawm ti ding in caan tha nan kan pek caah na cungah kan i lawm i na min kan in thangthat ko. Khuami kan dihlak hi kan lungthin tlang a sangmi vialte le a bingbomi le a ngerhnguaimi vialte hna hi, hi na bia thawng in kan remh dih i lamphei te le kal a nuammi nangmah na kal duhnak lam nuam le lam tha ah kan siam, kan remh khawh nakhnga pakhat cio kan nunnak ah thlarau in kan cawnpiak hram ko ti ah kan nawl. Thei a tlai lomi thingkung hreitlung in hau i meiphu chungah paihmi le facang zilthli nih a chawih i a mit ti lomi meiphu chungah paihmi si loin, theitha dong lo in a tlai i, zungzal a hringmi thingkung bantuk kan si nakhnga atu kan chim laimi na biathiang cu kan dih lak caah thluachuah hram ko ti ah lunglawmhnak he na sin ah thla kan cam kan Pathian. Amen
USA le Europe ram hna hi Khrihfa an si nak kum 1600 reng lo a si cang i, atu ah cun biakinn i ai pum kho mi hi 100 ah 16 lawng nih biakinn an panh cang. Cun ai pummi hna hi kum 50 in a cunglei tar lawng te an si. Cun USA ah Pastor rian a tuanmi vialte hna kha hmun khat te ah itonnak (meeting) an ngei i cu ah cun NAWLBIA 10 kha an hal hna i 100 chungah 35 nih an chim dih kho loh ti a si. Cu bantuk a sinak le sualnak phuntling a umnak le nuamhnak phuntling a umnak hmun ahhin atu hi khuami tampi khua kan sa ve hna.
Naihrawng cu khua kong kau kan van caih hna i khua kong kan thei ngai hna. Thau Khuahlun le Khuathar an i remlonak, Khuahlun pawl zong pakhat le pakhat an i rem lo i, biaknak ah fak ngai in an buai ruangah tlang pastor hna nih naite ah an va remh hna ti thawng hna kan thei. An buainak le an i remlonak kong kan hal tik hna ah, aho hmanh an i tihzah lo i an bia an i ngai duh loh. A ruang bik cu an fale ramdang ah an um hna i an lung a puam ciammam i an i uahfaih ning cu chim awk tha lo in an um ti khi a si cem. Biaknak lei mit in kan zoh ahcun hlan i kan harsat lio le kan retheih lio hna kha ngaih a um deuh ngai.
Cu ve bantuk cun ram nuam le ramtha ummi kan zate hi Thau khua hlummi hna an nunning nakin a let hnih le let thum in kan lungthin tlang a sang i kan i uah. Kan umnak mirang pawl an nungning a tha lomi kan i cawn, kan pale kan ule zong tihzahnak le upatnak pakhat hmanh ngeih a si ti loh. Upa ciocio zong nih keimah hi ka fim bik ko, ka thiam bik ko ka rum bik ko ti lungput kan ngei hna i ka bia in bia tlu seh ti kan duh. Kan mino pawl cacawng le cathiam le nuncan tha ummi kan um ti loh. Zu ding lo le kuakzu lo zong kan um hna loh. Rumnak nih ai hruai chihmi cu thatlonak phuntling he an si.
Saisihchuak lam le Thau khua mawtawka phanhnak ding ah kan pale kan ule hna nih lungrethei le harsa ngai in khua an khan. Lam apem khawh nakding caah chawva thazang le lungthin pek a hau. Tha te le rem te in cawh hnu lawng ah Thau khua cu mawtawka a phan kho ding a si. Bo lak le lung le, thing lak le tlangsang lak le hawrthuk lak ah cun mawtawka cu a kal kho bal lai loh. A kal khawh nakding ahcun ding te le phei te le tha te in cawh dih hnu lawngah a kal kho lai.
Kan Bible relmi kha van zoh than u law, Pathian zumtu kan sinak ahhin a cung i kan tial bantuk in kan lungthin tlang a san bu le KEIMAH kan i ti chung paoh ah cun Bawi Jesuh cu a lut kho bak lai loh. Zumtu ka si ve kan i timi le, zoh dawh ngai in biakinn kan i khawmhmi le kan thlacammi cu pakpalawng an si ko lai. Thei a tlai lomi thingkung cu hreitlung in an hau i meiphu lakah an paihmi bantuk in kan nunnak cu ngaihchiat mitthli tlaknak hacang rialnak ah kan phan ko lai.
Bibik nih a van tial bantuk khan tu lio kan caan hi a phunphun in lungre theihnak le thihnak le khuaruah har thil lawngte dongcat lo in an chuak chin lengmang. A um bal lomi thil kan ton cuahmah cang. US hna vawleicung ah a rum bikmi le ram nuam bik mi kan timi hna Bank lianlian tam tuk hna cu pur an i tim cuahmah i bawmh hau in an um cang. Rian a har chin lengmang lai. Sualnak phunphun firnak damiahtaih le lainawn a tam chin lai. Vawleicung khuaza kip ak mangtam hna atu a chuak cuahmah. Kawlram zong ah a um bal lomi CENGKEUH nih facang kung dih lak ah an khat i an ei dih ti hna a si.
Cu caah hawidawt khuami hna, hi bantuk khua caan lakah kan um caah kan nunnak tlang a sangmi le a ngerhmi le a kuarmi vialte hna hi tha te in remh hna usih law, Bawipa sawm hna usih law cu ti cun kan nunnak ah siseh, kan chungkhar ah siseh, kan khua kan ram ah siseh, kan Khrihfabu chungah siseh, Bawipa cu a lut lai i kan sin ah a tlongleng lai. Cu tikah kannih cu zei bantuk caan tha lo le khuakhennak hmanh rak chuak sehlaw, zei hmanh poinak um lo in hring dildel te in a thei zong dong lo in a tlaimi kan si ko lai. Khua a nuam lai i kan saduhthah mi zeizong vialte hi tlam a tling kho ko lai.
Kan lungthin tlangsang hna le keimah kan i tinak vialte cu tuchun thawngtha kan theihnak thawngin khuami dihlak nih a dawhmi nunzia le lungthin tha a thar in kan ngeih khawh naklai kan Pathian nih thluachuahnak kan pekpiak ko seh.
Pu That Bik
Germany
No comments:
Post a Comment