June 8, 2008
Nihin cu Bawipa nih a kan serpiakmi ni a si. Bawipa thangthat tinak in kan caan kan hmang hna lai. A hmasa bikah Pathian min kan thangthat. Cun, thawngtha i hrawmnak ah a chuak khomi nan pumpak pakhat cio cungah lawmhnak kan ngei.
Thla kan cam hna lai: A nungmi Pathian, na kan dawt caah kan i lawm. Nihin zong ah thawngtha bia i hrawmti dingin caan na kan pek than caah kan i lawm. Na fapa hman in kan theih dingmi hi pumpak pakhat cio caah thlua kan chuah piak ko. Pumpak cio nih kan ngeihmi, kan sualnak kan ngaithiam ko. Nangmah an tihzahmi kan si ter ko. Khuami hna nih, kan phanhnak kipah midang thilrit kan si sual nakhnga lo, midang bawmchan tu dirhmun tu ah kan dir khawh nakhnga, lam kan hruai ko. A dam lomi kan khuami hna caah thla kan cam. Damnak zaangfah ko hna seh. Malaysia i thong ah a um rih komi hna zong nangmah nih umpi hna law, a rauh hlan ah thong chungin luat ter ko hna tiah an caah thla kan cam. Kan ram ah harsa tukin a ummi hna kan unau hna, kan miphun hawi hna an caah thla kan cam. Nangmah nih bawm ko hna. Pumpak pakhat cio zong midang caah santlai kan si ter ko. Nihin bantuk in hmailei zong ah nangmah thangthatnak pehzulh tein kan ngeih khawh nakhnga, lam kan hruai ko sawh tiah kan Bawipa Jesuh Khrih min in thla kan cam. Amen.
Nihin thawngtha a kan chimtu ding cu kan pa Dr. Robert Siang Lian a si. Atu hi USA lei a kan tlawn lio a si. Thawngtha chim dingin kan fial tikah lungtho tein a kan cohlan caah a cungah kan i lawm. Atu cu amah nih caan a hmannak caan a si cang lai.
A tu bantuk in ka dawtmi Thaumi nan sinah phungchim caan nan ka pek ve caah tampi kaa lawm. Cu hlan ah Thaubu pawl nan cawlcanghning ka hmuh tikah kan lawmhpi ngai hna. A tu bantuk in Thawngttha i hrawmttinak tiangin pehtlaihnak nan ngeih mi ka hmuh tikah kaa lawm khun. A lang in nan kut kan tlaih cio hna. Pathian nih thluachuahnak he lam in hruai cio hna seh!
Kan dihlak ruahtti ding ah kaa thim mi cu kan Bawi Jesuh Khrih nih “Vawlei ceunak nan si” a ti mi hi a si. Ceunak a tthathnemnak cu minung, saram le thingkung vialte kha nunnak a kan pek. Ceunak nih kan lungthin zong a nuamh ter. Thinphannak zong a loh ter dih. Tthathnemnak tampi a chuah ter.
Zinglei ceunak nih zan a mui mi kha a ceu ter. A muimi vawlei zong kha a ceu ter. Nika, thlapa le arfi hna zong nih ceunak an kan pek. Jesuh Khrih nih “Tlang cung ah an tlak mi khua cu phenh khawh a si lo i meifar cu an van tikah sei zong an khuh bal lo” tiah a ti. Cu ve bantuk in a ttha mi kan ziaza in vawlei cu ceu ter ding ah Pathian nih a kan chiah mi kan si ve. Mi dang caah san a tlai mi cite bantuk si ter a kan duh.
Cu hlei ah, kan Bawi Jesuh Khrih nih “Kei cu vawlei ceunak ka si, Keimah a ka zummi cu nunnak ceunnak kha an ngei lai i mui lakah an vai lai lo” (Johan 8:12) tiah a ti bang in Pathian nih mui lak ah um ding kha a kan siang lo. A hlan ah kan rak hman tawn mi meiinn i hmanmi meica cu zinan chungah a zungzal a um bantuk in kan ziaza a ttha mi ceunak nih midang caah a ceu khawh nak hnga kan Bawi Jesuh chung ah um zungzal a hau ve.
“Tho law ceu tuah” (Isaiah 60:1) a kan ti mi zong hi ruah awk a um. Tho ti tikah nawlbia aa tel. Tho i rianttuan ahcun tlam a tling deuh tawn. Kan ih bu in ral kan tuk ahcun kan sung lai ti cu a fiang ko. Jesuh cu hi vawlei ceunak a si i a zultu hna zong nih Jesuh sin in a ra mi ceunak he hi vawlei ah kan ceu awk a si.
Kan chuahnak Thaukhua hi zeihmanh kan si lo nain, a kan chim thiam mi an um ve. Khuahlun le Khuathar a um nain biakinn le sianginn caan saupi an i hrawm kho. Khrihfabu tampi a um nain an upa hruaitu hna chimhnak an ngaih caah buu khat ah kan i fawn tthan. Pamnak le lamchia hna nih an khuk an i bil dih. Thau holh thiam ahcun Malaysia phak khawh a si ti tiangin phung an kan thluk. Hi ti hin pastor pakhat nih a kan ti mi hi vawlei ceunak nan si ti bia bang kan khua ceunak tlawmte a langmi a si ve.
Kan Bible cang thim mi ah “Nannih cu vawlei ceunak nan si” ti bantuk in hi vawlei kan umnak ram kip ah ceunak a tuah khotu le ceunak a karh tertu si ding ah kan zate in ttuanvo kan ngei. Cu tik lawng ah hi vawlei cung ro he vancung ro he kan co ve lai.
Dawtnak le upatnak he,
Dr. Robert Siang Lian
Camp: Washington, DC
June 1, 2008
Nihin cu Bawipa nih a kan serpiakmi ni a si. Bawipa thangthat tinak in kan caan kan hmang hna lai. A hmasa bikah Pathian min kan thangthat. Cun, thawngtha i hrawmnak ah a chuak khomi nan pumpak pakhat cio cungah lawmhnak kan ngei.
Thla kan cam hna lai: A nungmi Pathian, na kan dawt caah kan i lawm. Nihin zong ah thawngtha bia i hrawmti dingin caan na kan pek than caah kan i lawm. Na fapa hman in kan theih dingmi hi pumpak pakhat cio caah thlua kan chuah piak ko. Pumpak cio nih kan ngeihmi, kan sualnak kan ngaithiam ko. Nangmah an tihzahmi kan si ter ko. Khuami hna nih, kan phanhnak kipah midang thilrit kan si sual nakhnga lo, midang bawmchan tu dirhmun tu ah kan dir khawh nakhnga, lam kan hruai ko. A dam lomi kan khuami hna caah thla kan cam. Damnak zaangfah ko hna seh. Malaysia i thong ah a um rih komi hna zong nangmah nih umpi hna law, a rauh hlan ah thong chungin luat ter ko hna tiah an caah thla kan cam. Kan ram ah harsa tukin a ummi hna kan unau hna, kan miphun hawi hna an caah thla kan cam. Nangmah nih bawm ko hna. Pumpak pakhat cio zong midang caah santlai kan si ter ko. Nihin bantuk in hmailei zong ah nangmah thangthatnak pehzulh tein kan ngeih khawh nakhnga, lam kan hruai ko sawh tiah kan Bawipa Jesuh Khrih min in thla kan cam. Amen.
Nihin thawngtha a kan chimtu ding cu kan pa Dr. Robert Siang Lian a si. Atu hi USA lei a kan tlawn lio a si. Thawngtha chim dingin kan fial tikah lungtho tein a kan cohlan caah a cungah kan i lawm. Atu cu amah nih caan a hmannak caan a si cang lai.
Vawlei ceunak nan si (Matthai 5:14-16)
Dr. Robert Siang Lian
Deputy Director (Retd.)
Ministry of Foreign Affairs
Dr. Robert Siang Lian
Deputy Director (Retd.)
Ministry of Foreign Affairs
A tu bantuk in ka dawtmi Thaumi nan sinah phungchim caan nan ka pek ve caah tampi kaa lawm. Cu hlan ah Thaubu pawl nan cawlcanghning ka hmuh tikah kan lawmhpi ngai hna. A tu bantuk in Thawngttha i hrawmttinak tiangin pehtlaihnak nan ngeih mi ka hmuh tikah kaa lawm khun. A lang in nan kut kan tlaih cio hna. Pathian nih thluachuahnak he lam in hruai cio hna seh!
Kan dihlak ruahtti ding ah kaa thim mi cu kan Bawi Jesuh Khrih nih “Vawlei ceunak nan si” a ti mi hi a si. Ceunak a tthathnemnak cu minung, saram le thingkung vialte kha nunnak a kan pek. Ceunak nih kan lungthin zong a nuamh ter. Thinphannak zong a loh ter dih. Tthathnemnak tampi a chuah ter.
Zinglei ceunak nih zan a mui mi kha a ceu ter. A muimi vawlei zong kha a ceu ter. Nika, thlapa le arfi hna zong nih ceunak an kan pek. Jesuh Khrih nih “Tlang cung ah an tlak mi khua cu phenh khawh a si lo i meifar cu an van tikah sei zong an khuh bal lo” tiah a ti. Cu ve bantuk in a ttha mi kan ziaza in vawlei cu ceu ter ding ah Pathian nih a kan chiah mi kan si ve. Mi dang caah san a tlai mi cite bantuk si ter a kan duh.
Cu hlei ah, kan Bawi Jesuh Khrih nih “Kei cu vawlei ceunak ka si, Keimah a ka zummi cu nunnak ceunnak kha an ngei lai i mui lakah an vai lai lo” (Johan 8:12) tiah a ti bang in Pathian nih mui lak ah um ding kha a kan siang lo. A hlan ah kan rak hman tawn mi meiinn i hmanmi meica cu zinan chungah a zungzal a um bantuk in kan ziaza a ttha mi ceunak nih midang caah a ceu khawh nak hnga kan Bawi Jesuh chung ah um zungzal a hau ve.
“Tho law ceu tuah” (Isaiah 60:1) a kan ti mi zong hi ruah awk a um. Tho ti tikah nawlbia aa tel. Tho i rianttuan ahcun tlam a tling deuh tawn. Kan ih bu in ral kan tuk ahcun kan sung lai ti cu a fiang ko. Jesuh cu hi vawlei ceunak a si i a zultu hna zong nih Jesuh sin in a ra mi ceunak he hi vawlei ah kan ceu awk a si.
Kan chuahnak Thaukhua hi zeihmanh kan si lo nain, a kan chim thiam mi an um ve. Khuahlun le Khuathar a um nain biakinn le sianginn caan saupi an i hrawm kho. Khrihfabu tampi a um nain an upa hruaitu hna chimhnak an ngaih caah buu khat ah kan i fawn tthan. Pamnak le lamchia hna nih an khuk an i bil dih. Thau holh thiam ahcun Malaysia phak khawh a si ti tiangin phung an kan thluk. Hi ti hin pastor pakhat nih a kan ti mi hi vawlei ceunak nan si ti bia bang kan khua ceunak tlawmte a langmi a si ve.
Kan Bible cang thim mi ah “Nannih cu vawlei ceunak nan si” ti bantuk in hi vawlei kan umnak ram kip ah ceunak a tuah khotu le ceunak a karh tertu si ding ah kan zate in ttuanvo kan ngei. Cu tik lawng ah hi vawlei cung ro he vancung ro he kan co ve lai.
Dawtnak le upatnak he,
Dr. Robert Siang Lian
Camp: Washington, DC
June 1, 2008
No comments:
Post a Comment