June 29, 2008
Nihin ni tiang lam a kan hruaitu kan Pathian a min kan thangthat. Khuami hmun khat te ah thawngtha hrawmtinak kan ngeih khawhmi hi a sung tuk hringhran. Pathian dawtnak le a vel thawngin a si hi philh hna hlah usih.
Thla kan cam hna lai: Dawtu Pathian, na thawngtha i ruahti dingin caan kan hmuh than caah kan i lawm. Kan khuami pasarih nih tanghra an kan awmpiak caah na sinah lawmhnak kan chim. An pasarih ningin sianginn zong an peh khawh nakhnga, an herhmi nangmah nih bawm ko hna. Tukum ah a awng rih lomi zong hmaikum lei ah an awn ve nak hnga, an caah thla kan cam. A dam lomi hna ca zong ah thlacam kan duh. A bikin, Laitlang ah dam lo ngai in a ummi Pi Tial Par le Pi Kil Thai caah thla kan cam. Nangmah nih umpi hna law, damnak pe ko hna tiah thla kan cam. Bawipa Pathian, khua ah a ummi hna an ca zong ah thla kan cam. Nangmah nih umpi ko hna. Cun, khuami vialte nih khoi ka hmun kan phanh manh ah, nangmah kan in theih peng i, nangmah an tihzahmi kan si khawh nakhnga zong thlarau in fim kan chim ko. Misual mi palh kan si ko nain, nihin ni tiang lam na kan hruai caah kan i lawm. Hmailei zong ah atu bantuk in caan sunglawi kan hmuh rih nakhnga kan Bawipa Jesuh Khrih min in thla kan cam, kan Pathian. Amen.
Kan zapi thangzaang lak ti dingin rel ka duhmi cu Salm 23 a si.
Salm 23 hi kan ngakchiat lio te in kan theih lengmang, zoh lo zong in kan chim thiammi a si. Cun phungchimnak zong ah kan theih lengmang mi, kanmah cio zong nih kan rel lengmang mi cacang a si. Hihi Siangpahrang David nih Pathian sining kha, a nunnak i a tonmi hoih in a chimmi a si. Phundang in kan chim ahcun, a zumhnak a langhtermi a si. Kan rel lengmangmi, kan theih lengmangmi a si nain, rel deuhdeuh ah sullam a ngei deuh, thazaang a kan pek deuh. Mi tampi nih an tonmi thil hoih in thazaang laknak ah an hman tawnmi cacang a si.
Voikhat cu ka hawipa nih a ka thawh i, Salm 23 hi cu keimah ca ko ah a tha rua ka ti, tiah a ka ti. Zei tin a that khun nak cu a si tiah ka hal tikah a ka lehmi cu, ka ning tih tikah, ka thinphan tikah, harnak ka ton tikah, hi cacang hi ka rel tawn i ka thazaang a si, cun zoh loin ka chim khawhmi cu mah le Johan 3:16 i “Pathian nih vawlei a dawt tuk hringhran caah a fapa ngeihchun te a pek, cucaah amah a zummi paoh cu an thi lai lo, zungzal nunnak an ngei lai” timi lawng an si, a ka ti. Ka ruah tikah, a si ngai hrim ka ti ve. Nihin ah a thar in vun ruat ti than hna usih ti sawm kan duh hna.
Salm 23 hi then hnih ah then khawh a si: 23:1-4 le 23:5-6 tiin. Salm 23:1-4 ahcun, Salm catialtu nih a chimmi cu:
1 BAWIPA cu tukhal bantuk in a ka vengtu a si, ka herhmi vialte kha a ka pek dih. 2 Ram hring lakah a ka bawh ter, dinh hmun ti pawng ah a ka hruai. 3 Thazaang thar kha a ka pek i a rak ka kamh bantuk in a hmaan mi lam ah a ka hruai.
Hika zawn ah tukhal le tuu an i pehtlaihnak kan hmuh khawh. Phundang in kan chim ahcun, tukhal a simi Bawipa Pathian nih tuu a simi a mi hna a hruai hna ning kha kan hmuh. Tukhal nih a tuu cu ram a hrinnak, an i dinh khawhnak le, ti an din khawhnak ti bantuk hmun ah a hruai tawn hna. Cu bantuk te cun Pathian nih minung a kan zohkhenh ve.
Biakam Hlun cauk kong ah mithang a simi James Limburg nih cun Salm 23:4 nak hi a laifang zong ah a um, cun a muru bik zong a si ko, a ti:
4 Cu lam cu a thuk bikmi muihnak chungin kal hmanhselaw, BAWIPA, zei hmanh ka tih lai lo, zeicahtiah nangmah nih na ka umpi ko. Na thiangthunh le na tanbo nih ka hna an ka ngam ter.
Minung kan nunnak ah hin a thukmi muihnak kan phanh caan a um i, cu bantuk caan zong ahcun tukhal bantuk in a kan vengtu Pathian nih cun a kan umpi ko. Salm catialtu David nih cun “Nangmah nih na ka umpi ko” tiah a ti. Hihi kan Pathian a thatnak le bochan tlak a sinak, a langhnak cu a si ko. Kan i nuamh caan le kan hlawhtlin caan lawngah si loin, kan lungre theih caan, kan ngaihchiat caan, kan tha baat caan, kan caah khua a muih caan, a zei bantuk caan hmanh ah a kan umpitu cu Pathian a si. Pathian nih a kan umpi ko ti theihhngalh tluk in hna a ngammi a um ti lo. Kan Baibal hmun tampi ah, Pathian cu a kan umpitu a si kha kan hmuh khawh. Tahchunhnak ah, kan Bawipa Jesuh Khrih kha Immanuel tiin sak a si i, a sullam cu “Pathian kan sinah a um” tinak a si.
Cun Salm catial tu nih 23:5-6 ah cun hiti hin a chim chap rih:
5 Ka ral hna hmaika ah rawl na ka dangh, ka lu ah chiti na ka toih i ka hrai cu a liam in a liam. 6 Na thatnak le na dawtnak nih ka nun chung vialte an ka umpi lai i na inn cu a zungzal in ka inn a si lai.
Hika zawn ah Pathian cu innngeitu dirhmun in a langhter i, minung cu mileng/rawlei sawmmi bantuk in a langhter. Innngeitu nih a mileng caah eidin awk a tuah piak. Tha tein a zohkhenh. Pawngkam ah hnahnawhtu le ral an tampi a theih ko; nain, tha tein a mileng cu a conglawmh. Pathian cu innngeitu, mileng a daw i tha tein a zohkhenhtu, thatnak le dawtnak in a khatmi a si ti kha Salm catialtu nih cun a chim. Salm catialtu nih a peh rihmi cu, cu inn cu a zungzal in ka inn a si ve lai, a ti. Hi nih hin ruahchannak a um kha a langhter. Pathian inn cu a zungzal kan inn a si lai. Phundang in kan chim ahcun, Pathian inn “Vanram” cu kan caah a zungzal kan umnak a si te lai ti khi, Salm catialtu nih a langhtermi cu a si.
Cu caah, dawtmi khuami hna, Salm catialtu nih cun, kan biakmi Pathian hi tukhal bantuk in a kan vengtu a si, zei bantuk caan hmanh ah a kan umpitu a si i, hi vawlei tihnung ral tampi a um lio zong ah innngeitu tha bantuk in, eidin tirawl a kan petu a si, ti kha a kan chimh. Cu lawng a si rih lo, Pathian a zumtu hna cu Vanram—Pathian Inn—khi a zungzal kan umnak ding a si zong fiang tein a kan cawnpiak. Zei bantuk thil kan tuah hmanh ah, zei bantuk sining ah kan um hmanh ah, Pathian nih a kan umpi ti hi philh hna hlah usih. Ruahchannak a ngeimi kan si zong thei peng hna usih law, amah Pathian sinin i then sual hlah usih. Amah Pathian tu kha nangmah nih lam kan hruai ko tiin, a sinah kan nunnak ap hna usih.
Nan zapi cungah Pathian sinin a rami daihnak le thluachuahnak um ko seh!
Kaa lawm.
Bibik
Philadelphia
Nihin ni tiang lam a kan hruaitu kan Pathian a min kan thangthat. Khuami hmun khat te ah thawngtha hrawmtinak kan ngeih khawhmi hi a sung tuk hringhran. Pathian dawtnak le a vel thawngin a si hi philh hna hlah usih.
Thla kan cam hna lai: Dawtu Pathian, na thawngtha i ruahti dingin caan kan hmuh than caah kan i lawm. Kan khuami pasarih nih tanghra an kan awmpiak caah na sinah lawmhnak kan chim. An pasarih ningin sianginn zong an peh khawh nakhnga, an herhmi nangmah nih bawm ko hna. Tukum ah a awng rih lomi zong hmaikum lei ah an awn ve nak hnga, an caah thla kan cam. A dam lomi hna ca zong ah thlacam kan duh. A bikin, Laitlang ah dam lo ngai in a ummi Pi Tial Par le Pi Kil Thai caah thla kan cam. Nangmah nih umpi hna law, damnak pe ko hna tiah thla kan cam. Bawipa Pathian, khua ah a ummi hna an ca zong ah thla kan cam. Nangmah nih umpi ko hna. Cun, khuami vialte nih khoi ka hmun kan phanh manh ah, nangmah kan in theih peng i, nangmah an tihzahmi kan si khawh nakhnga zong thlarau in fim kan chim ko. Misual mi palh kan si ko nain, nihin ni tiang lam na kan hruai caah kan i lawm. Hmailei zong ah atu bantuk in caan sunglawi kan hmuh rih nakhnga kan Bawipa Jesuh Khrih min in thla kan cam, kan Pathian. Amen.
Kan zapi thangzaang lak ti dingin rel ka duhmi cu Salm 23 a si.
Tukhal Tha Bawipa, A Kan Umpitu
Salm 23 hi kan ngakchiat lio te in kan theih lengmang, zoh lo zong in kan chim thiammi a si. Cun phungchimnak zong ah kan theih lengmang mi, kanmah cio zong nih kan rel lengmang mi cacang a si. Hihi Siangpahrang David nih Pathian sining kha, a nunnak i a tonmi hoih in a chimmi a si. Phundang in kan chim ahcun, a zumhnak a langhtermi a si. Kan rel lengmangmi, kan theih lengmangmi a si nain, rel deuhdeuh ah sullam a ngei deuh, thazaang a kan pek deuh. Mi tampi nih an tonmi thil hoih in thazaang laknak ah an hman tawnmi cacang a si.
Voikhat cu ka hawipa nih a ka thawh i, Salm 23 hi cu keimah ca ko ah a tha rua ka ti, tiah a ka ti. Zei tin a that khun nak cu a si tiah ka hal tikah a ka lehmi cu, ka ning tih tikah, ka thinphan tikah, harnak ka ton tikah, hi cacang hi ka rel tawn i ka thazaang a si, cun zoh loin ka chim khawhmi cu mah le Johan 3:16 i “Pathian nih vawlei a dawt tuk hringhran caah a fapa ngeihchun te a pek, cucaah amah a zummi paoh cu an thi lai lo, zungzal nunnak an ngei lai” timi lawng an si, a ka ti. Ka ruah tikah, a si ngai hrim ka ti ve. Nihin ah a thar in vun ruat ti than hna usih ti sawm kan duh hna.
Salm 23 hi then hnih ah then khawh a si: 23:1-4 le 23:5-6 tiin. Salm 23:1-4 ahcun, Salm catialtu nih a chimmi cu:
1 BAWIPA cu tukhal bantuk in a ka vengtu a si, ka herhmi vialte kha a ka pek dih. 2 Ram hring lakah a ka bawh ter, dinh hmun ti pawng ah a ka hruai. 3 Thazaang thar kha a ka pek i a rak ka kamh bantuk in a hmaan mi lam ah a ka hruai.
Hika zawn ah tukhal le tuu an i pehtlaihnak kan hmuh khawh. Phundang in kan chim ahcun, tukhal a simi Bawipa Pathian nih tuu a simi a mi hna a hruai hna ning kha kan hmuh. Tukhal nih a tuu cu ram a hrinnak, an i dinh khawhnak le, ti an din khawhnak ti bantuk hmun ah a hruai tawn hna. Cu bantuk te cun Pathian nih minung a kan zohkhenh ve.
Biakam Hlun cauk kong ah mithang a simi James Limburg nih cun Salm 23:4 nak hi a laifang zong ah a um, cun a muru bik zong a si ko, a ti:
4 Cu lam cu a thuk bikmi muihnak chungin kal hmanhselaw, BAWIPA, zei hmanh ka tih lai lo, zeicahtiah nangmah nih na ka umpi ko. Na thiangthunh le na tanbo nih ka hna an ka ngam ter.
Minung kan nunnak ah hin a thukmi muihnak kan phanh caan a um i, cu bantuk caan zong ahcun tukhal bantuk in a kan vengtu Pathian nih cun a kan umpi ko. Salm catialtu David nih cun “Nangmah nih na ka umpi ko” tiah a ti. Hihi kan Pathian a thatnak le bochan tlak a sinak, a langhnak cu a si ko. Kan i nuamh caan le kan hlawhtlin caan lawngah si loin, kan lungre theih caan, kan ngaihchiat caan, kan tha baat caan, kan caah khua a muih caan, a zei bantuk caan hmanh ah a kan umpitu cu Pathian a si. Pathian nih a kan umpi ko ti theihhngalh tluk in hna a ngammi a um ti lo. Kan Baibal hmun tampi ah, Pathian cu a kan umpitu a si kha kan hmuh khawh. Tahchunhnak ah, kan Bawipa Jesuh Khrih kha Immanuel tiin sak a si i, a sullam cu “Pathian kan sinah a um” tinak a si.
Cun Salm catial tu nih 23:5-6 ah cun hiti hin a chim chap rih:
5 Ka ral hna hmaika ah rawl na ka dangh, ka lu ah chiti na ka toih i ka hrai cu a liam in a liam. 6 Na thatnak le na dawtnak nih ka nun chung vialte an ka umpi lai i na inn cu a zungzal in ka inn a si lai.
Hika zawn ah Pathian cu innngeitu dirhmun in a langhter i, minung cu mileng/rawlei sawmmi bantuk in a langhter. Innngeitu nih a mileng caah eidin awk a tuah piak. Tha tein a zohkhenh. Pawngkam ah hnahnawhtu le ral an tampi a theih ko; nain, tha tein a mileng cu a conglawmh. Pathian cu innngeitu, mileng a daw i tha tein a zohkhenhtu, thatnak le dawtnak in a khatmi a si ti kha Salm catialtu nih cun a chim. Salm catialtu nih a peh rihmi cu, cu inn cu a zungzal in ka inn a si ve lai, a ti. Hi nih hin ruahchannak a um kha a langhter. Pathian inn cu a zungzal kan inn a si lai. Phundang in kan chim ahcun, Pathian inn “Vanram” cu kan caah a zungzal kan umnak a si te lai ti khi, Salm catialtu nih a langhtermi cu a si.
Cu caah, dawtmi khuami hna, Salm catialtu nih cun, kan biakmi Pathian hi tukhal bantuk in a kan vengtu a si, zei bantuk caan hmanh ah a kan umpitu a si i, hi vawlei tihnung ral tampi a um lio zong ah innngeitu tha bantuk in, eidin tirawl a kan petu a si, ti kha a kan chimh. Cu lawng a si rih lo, Pathian a zumtu hna cu Vanram—Pathian Inn—khi a zungzal kan umnak ding a si zong fiang tein a kan cawnpiak. Zei bantuk thil kan tuah hmanh ah, zei bantuk sining ah kan um hmanh ah, Pathian nih a kan umpi ti hi philh hna hlah usih. Ruahchannak a ngeimi kan si zong thei peng hna usih law, amah Pathian sinin i then sual hlah usih. Amah Pathian tu kha nangmah nih lam kan hruai ko tiin, a sinah kan nunnak ap hna usih.
Nan zapi cungah Pathian sinin a rami daihnak le thluachuahnak um ko seh!
Kaa lawm.
Bibik
Philadelphia
No comments:
Post a Comment