October 12, 2008
Vawleicung lungretheihnak le sivanghnak tampi kan tong ko nain, niceu dawh kan hmu than. Amah Pathian thangthat ti kho ding dirhmun kan phan than kho. Hihi a ngai te ahcun Pathian a dawtnak kan cungah a hmunh caah a si ko. Pathian i tlaihchih kho hna usih.
Cun, pakhat le pakhat thlacamnak in i thei peng hna usih. A bikin, Pu Van Hmun (Belly pa) caah fak piin thla kan cam cio hna lai.
Thla kan cam ta hna lai: Dawtu Pathian, na thawngtha bia i ruahtinak caan na kan pek thanmi cungah kan i lawm. Na fapa hmurka in kan theih dingmi hi pakhat cio kan caah thlua kan chuah piak ko. Pu Van Hmun caah thla kan cam. Zeizong vialte a tuah khotu Pathian na sinak a nunnak ah i phuang in damnak hmuhter than hram ko. Khua kip ah a ummi khuami vialte nih damnak an hmuh i, rian tha an tlaih cio khawh nakhnga na sinah thla kan cam. Malaysia ummi hna huppheng hna law, ram tha deuhmi ah an lanh tuan cio khawh nakhnga bawm ko hna. A bikin kan Lairam ah a ummi khuami hna caah thla kan cam. Nangmah nih umpi ko hna. A herhmi fenh aih, tirawl a za tawk in an i hmuh khawh nakhnga nangmah nih zaangfah ko hna. Minung kan si, a tlamtling lo lawng te kan si. Kan sual kan palhnak kan ngaithiam law, nangmah duhning in a nungmi kan si khawh nakhnga thlarau thazaang thar kan pe ko. Kan tei khawh lomi tukforhnak kan in ter sawh hlah. Hmailei zong ah atu bantuk in caan sunglawi kan hmuhter rih ko sawh, tiin kan Bawipa Jesuh Khrih min in thla kan cam, kan Pathian. Amen.
Nihin thawngtha a kan chimtu cu Pu Sang Uk Lian (New Bern) a si. Tlamtling tein a kan timhpiak khawh caah a cungah kan i lawm tuk. Atu cu amah nih thawngtha bia a kan chimhnak a si cang lai:
A hmasa bik ah caan ttha a kan petu kan Pathian a min thangtthat si ko seh. Thawngtha bia chimding in caan a petu Bibik cung le kan Pathian cungah kai lawmhnak bia ka van chim hmasa.
Tuzing ah i ruah tti ding in kai thimmi Baibal cang cu Johan 7:37-38 a si:
Puai donghnak ni kha a biapi bik hi a si. Cu ni ah cun Jesuh cu a dir i aw thangpi in, "A ti a haalmi paoh cu ka sinah ra ulaw ra ding u. Ca Thiang nih, 'Keimah a ka zummi paoh cu a lung chungin tiva nung an put lai,’ tiah a ti bantuk khan a si lai.
Kan cangtar duhmi cu Nunnak Tiva
Kan Baibal chungah Jesuh nih a chim duhmi cu thlarau lei in a si nain pumsa lei damnak zong a si. Ti hi vawlei cungah a hmannak a tam cemmi Pathian thilser a si.
Damnak he ai pehtlai in a luan cangmi kum 1975 in 1980 karlak hrawngah khan Natchaung in Kalaymyo kalnak lampi Tthuma khuathar hei lawnh te ah khin tiva te pakhat a um. Mizaw pakhat cu Kalay Siizung ah umding in an kalpi. Cuka tiva ah cun an dinhpi ti a si. Mizaw nih cun tiva i vaa kholh cu a duh tuk i, i kholh ninglaw ka dam kho men ko dakaw a ti hna i, a hawile cu a nawl hna an ti. A nu nih a damnak ding hna si ahcun vaa kholh ko seh a ti i mizaw cu a tum i tiva ah cun aa kholh. Tlawmpal a rauh ahkhin, “Aa, ka dam cang,” a ti i, a au. A hawile pawl vialte cu an khuaruah a har dih. Mah hi tiva hi damnak a si ko hi teh an ti. A tawinak in, mah hi thawng a theimi vialte cu cuka tiva ahcun an i kholh ti a si. Mah hi kong hi Pu Tha Bik nih TABC mekazin ah a rak chuahmi a si. Falam tlang zong ah damnak tikhur cu pakhat pa nih a huah i, cu ti a dingmi cu a dammi zong an um ko an ti. Mah hi ti hi atu lio ah cun a laar ngai an ti. Kan hawinu chimmi bia.
Chim duhmi cu mah hi vialte nakin a laar deuhmi le a tha deuhmi kan Baibal chungah a um ko. Siria siangpahrang i a ralkapbu hotu Naaman ral bawipa cu thinghmui in a zawmi a si. Profet Elisa nih, “Va kal law Jordan tiva ah voi sarih in vaa kholh, cun na titsa cu a dam lai i na thiang lai," tiah a ti. Minung sinak in cun ai zumh lo. Kan ram ah tiva thatha an um ko cu teh a ti. Hihi minung kan sining a si tawn. Lung awtawm in um kan hmang. Pathian mi hna bia cu el ding a si lo i kholh ko an ti tikah cun aa kholh i a zawtnak a thiang ti kan hmuh (2 Siangpahrang 5:1-14 chung kha rel).
Tidil zong ah damnak a um. Cucu Bethzatha an ti. Hi tidil hi Bawipa vancungmi kha an hung tum i an cangh tawn. Cu lio i aa paih khomi paoh cu an dam tawn (Johan 5:1-10 chung kha rel). A cunglei kan chimmi vialte hi pumsa lei damnak a si.
Thlarau lei damnak. Thlarau lei damnak ahhin Jesuh le Samaria nu bia an i ruahnak ah kan hmuh. Jesuh nih cun, "Hi ti a dingmi paoh cu an ti a hal than lai; sihmanhselaw keimah nih ka pekmi ti a dingmi paoh cu zeitik hmanh ah an ti a hal than ti lai lo. Ka pekmi ti cu a chungah cerh ah a cang lai i cu cerh nih cun ti kha a pek lai i zungzal nunnak kha a pek lai,'' tiah a ti (Johan 4:13-14). Samaria nu nih cun zungzal ti haal ti lo nak cu hong ka pe, ti hal in um ti hlah ning a ti. Atu ahhin thlarau in kan ti a hal. Jesuh nih a kan pekmi ti cu din ding in sawm kan si. A man a herh lo. Na cohlan le nangmah ca a si ko lai.
Thlarau in kan zaw. Kan damnak ding caah Jesuh Khrih a hnak chungin a luangmi tiva ahcun i kholh kan hau. Ai kholh duh vialte aho hmanh an sual a thianter lai.
“A kan khamhtu a hnak chungin thisen le ti kha a chuak cang. Ka lung chungah um zungzal seh, misual thiannak tiva.” Kan nunnak kan zeizong te amah Pathian sinah pe usih law a nungmi cerhti a put lai i, hnangamnak kan hmuh lai.
Dawtmi khuami hna, vah kan duhmi hna cu Bawipa zanriah einak a si. Bawipa zanriah ei hi thlarau taksa damnak a si. Keimah nih ka hmuhtonmi a si. Lungthin tak tein Pathian sinah i ap. Jesuh Khrih nih a kan cah tami bia si. Cun hrai kha a lak i Pathian sinah lawmhnak bia a chim dih in, annih cu a pek hna i, "Nan dihlak in ding u. Hihi ka thi a si, biakam fehternak thisen, sual ngaihthiamnak ca i mi tam pi ca i thlet mi cu a si“ (Matthai 26:28).
Jesuh Khrih nih Nunnak Ti din ding a kan pek. Na ding ve lai maw?
A bia kan chimmi kan dihlak caah Pathian nih thluachuahnak kan pekpiak ko seh.
Sang Uk Lian
New Bern, NC
Vawleicung lungretheihnak le sivanghnak tampi kan tong ko nain, niceu dawh kan hmu than. Amah Pathian thangthat ti kho ding dirhmun kan phan than kho. Hihi a ngai te ahcun Pathian a dawtnak kan cungah a hmunh caah a si ko. Pathian i tlaihchih kho hna usih.
Cun, pakhat le pakhat thlacamnak in i thei peng hna usih. A bikin, Pu Van Hmun (Belly pa) caah fak piin thla kan cam cio hna lai.
Thla kan cam ta hna lai: Dawtu Pathian, na thawngtha bia i ruahtinak caan na kan pek thanmi cungah kan i lawm. Na fapa hmurka in kan theih dingmi hi pakhat cio kan caah thlua kan chuah piak ko. Pu Van Hmun caah thla kan cam. Zeizong vialte a tuah khotu Pathian na sinak a nunnak ah i phuang in damnak hmuhter than hram ko. Khua kip ah a ummi khuami vialte nih damnak an hmuh i, rian tha an tlaih cio khawh nakhnga na sinah thla kan cam. Malaysia ummi hna huppheng hna law, ram tha deuhmi ah an lanh tuan cio khawh nakhnga bawm ko hna. A bikin kan Lairam ah a ummi khuami hna caah thla kan cam. Nangmah nih umpi ko hna. A herhmi fenh aih, tirawl a za tawk in an i hmuh khawh nakhnga nangmah nih zaangfah ko hna. Minung kan si, a tlamtling lo lawng te kan si. Kan sual kan palhnak kan ngaithiam law, nangmah duhning in a nungmi kan si khawh nakhnga thlarau thazaang thar kan pe ko. Kan tei khawh lomi tukforhnak kan in ter sawh hlah. Hmailei zong ah atu bantuk in caan sunglawi kan hmuhter rih ko sawh, tiin kan Bawipa Jesuh Khrih min in thla kan cam, kan Pathian. Amen.
Nihin thawngtha a kan chimtu cu Pu Sang Uk Lian (New Bern) a si. Tlamtling tein a kan timhpiak khawh caah a cungah kan i lawm tuk. Atu cu amah nih thawngtha bia a kan chimhnak a si cang lai:
A hmasa bik ah caan ttha a kan petu kan Pathian a min thangtthat si ko seh. Thawngtha bia chimding in caan a petu Bibik cung le kan Pathian cungah kai lawmhnak bia ka van chim hmasa.
Tuzing ah i ruah tti ding in kai thimmi Baibal cang cu Johan 7:37-38 a si:
Puai donghnak ni kha a biapi bik hi a si. Cu ni ah cun Jesuh cu a dir i aw thangpi in, "A ti a haalmi paoh cu ka sinah ra ulaw ra ding u. Ca Thiang nih, 'Keimah a ka zummi paoh cu a lung chungin tiva nung an put lai,’ tiah a ti bantuk khan a si lai.
Kan cangtar duhmi cu Nunnak Tiva
Kan Baibal chungah Jesuh nih a chim duhmi cu thlarau lei in a si nain pumsa lei damnak zong a si. Ti hi vawlei cungah a hmannak a tam cemmi Pathian thilser a si.
Damnak he ai pehtlai in a luan cangmi kum 1975 in 1980 karlak hrawngah khan Natchaung in Kalaymyo kalnak lampi Tthuma khuathar hei lawnh te ah khin tiva te pakhat a um. Mizaw pakhat cu Kalay Siizung ah umding in an kalpi. Cuka tiva ah cun an dinhpi ti a si. Mizaw nih cun tiva i vaa kholh cu a duh tuk i, i kholh ninglaw ka dam kho men ko dakaw a ti hna i, a hawile cu a nawl hna an ti. A nu nih a damnak ding hna si ahcun vaa kholh ko seh a ti i mizaw cu a tum i tiva ah cun aa kholh. Tlawmpal a rauh ahkhin, “Aa, ka dam cang,” a ti i, a au. A hawile pawl vialte cu an khuaruah a har dih. Mah hi tiva hi damnak a si ko hi teh an ti. A tawinak in, mah hi thawng a theimi vialte cu cuka tiva ahcun an i kholh ti a si. Mah hi kong hi Pu Tha Bik nih TABC mekazin ah a rak chuahmi a si. Falam tlang zong ah damnak tikhur cu pakhat pa nih a huah i, cu ti a dingmi cu a dammi zong an um ko an ti. Mah hi ti hi atu lio ah cun a laar ngai an ti. Kan hawinu chimmi bia.
Chim duhmi cu mah hi vialte nakin a laar deuhmi le a tha deuhmi kan Baibal chungah a um ko. Siria siangpahrang i a ralkapbu hotu Naaman ral bawipa cu thinghmui in a zawmi a si. Profet Elisa nih, “Va kal law Jordan tiva ah voi sarih in vaa kholh, cun na titsa cu a dam lai i na thiang lai," tiah a ti. Minung sinak in cun ai zumh lo. Kan ram ah tiva thatha an um ko cu teh a ti. Hihi minung kan sining a si tawn. Lung awtawm in um kan hmang. Pathian mi hna bia cu el ding a si lo i kholh ko an ti tikah cun aa kholh i a zawtnak a thiang ti kan hmuh (2 Siangpahrang 5:1-14 chung kha rel).
Tidil zong ah damnak a um. Cucu Bethzatha an ti. Hi tidil hi Bawipa vancungmi kha an hung tum i an cangh tawn. Cu lio i aa paih khomi paoh cu an dam tawn (Johan 5:1-10 chung kha rel). A cunglei kan chimmi vialte hi pumsa lei damnak a si.
Thlarau lei damnak. Thlarau lei damnak ahhin Jesuh le Samaria nu bia an i ruahnak ah kan hmuh. Jesuh nih cun, "Hi ti a dingmi paoh cu an ti a hal than lai; sihmanhselaw keimah nih ka pekmi ti a dingmi paoh cu zeitik hmanh ah an ti a hal than ti lai lo. Ka pekmi ti cu a chungah cerh ah a cang lai i cu cerh nih cun ti kha a pek lai i zungzal nunnak kha a pek lai,'' tiah a ti (Johan 4:13-14). Samaria nu nih cun zungzal ti haal ti lo nak cu hong ka pe, ti hal in um ti hlah ning a ti. Atu ahhin thlarau in kan ti a hal. Jesuh nih a kan pekmi ti cu din ding in sawm kan si. A man a herh lo. Na cohlan le nangmah ca a si ko lai.
Thlarau in kan zaw. Kan damnak ding caah Jesuh Khrih a hnak chungin a luangmi tiva ahcun i kholh kan hau. Ai kholh duh vialte aho hmanh an sual a thianter lai.
“A kan khamhtu a hnak chungin thisen le ti kha a chuak cang. Ka lung chungah um zungzal seh, misual thiannak tiva.” Kan nunnak kan zeizong te amah Pathian sinah pe usih law a nungmi cerhti a put lai i, hnangamnak kan hmuh lai.
Dawtmi khuami hna, vah kan duhmi hna cu Bawipa zanriah einak a si. Bawipa zanriah ei hi thlarau taksa damnak a si. Keimah nih ka hmuhtonmi a si. Lungthin tak tein Pathian sinah i ap. Jesuh Khrih nih a kan cah tami bia si. Cun hrai kha a lak i Pathian sinah lawmhnak bia a chim dih in, annih cu a pek hna i, "Nan dihlak in ding u. Hihi ka thi a si, biakam fehternak thisen, sual ngaihthiamnak ca i mi tam pi ca i thlet mi cu a si“ (Matthai 26:28).
Jesuh Khrih nih Nunnak Ti din ding a kan pek. Na ding ve lai maw?
A bia kan chimmi kan dihlak caah Pathian nih thluachuahnak kan pekpiak ko seh.
Sang Uk Lian
New Bern, NC
No comments:
Post a Comment