August 17, 2008
Ni thar kan phan than. Vawlei thil sining tampi aa thleng. Sihmanhsehlaw, nizan, nihin, thaizing aa thleng lomi cu Pathian nih a kan dawtnak hi a si. Nihin zong ah thawngtha bia i hrawmtinak caan kan hmuh thanmi hi, Pathian a that caah a si. Pathian min thangthat dai hlah usih.
Thla kan cam ta hna lai: Dawtu Pathian, kan sualnak le kan palhnak rel cawk lo a si nain, na kan ngaihthiam i, nihin ni tiang lam na kan hruai caah kan i lawm. Pumpak cio hi kan sining te in kan cohlang than law, nangmah duhning in a nungmi kan si nakhnga, thazaang kan pe ko. Kan ram ah tamhal tuk in a ummi kan miphun hawi hna, a hlei khun in, khuami hna caah thla kan cam. Nangmah nih bawm ko hna. Malaysia ah, hrengkhenh chungah a um rihmi zong a rauh hlan ah an luat nakhnga, atu lio ah a luatmi zong, tlaihkhih an ton sual nakhnga lo, le ram tha chin ah an peh cio khawh nakhnga, na sinah thla kan cam. Rian a tuan rih lomi nih tuan ah rian an i hmuh nakhnga, rian a tuan cangmi zong an hlawh a tlin chin nakhnga, thla kan cam. A dam lomi zong kan thei hna. Damnak pe kho tu nangmah nih ngandamnak pe ko hna. Nai ah Pi Siang Hnem nih a kan liam tak tikah kan ngaih a chia. Taantakmi chungkhar nangmah nih hnem ko sawh hna. Nihin na fapa hmangin kan theih laimi thawngtha bia zong kan zapi caah thlua kan chuah piak ko. Na kan dawt caah kan i lawm, kan Bawipa Jesuh Khrih min in thla kan cam. Amen.
Nihin thawngtha a kan chimtu cu Saya Khua Hup (Lianlian pa) a si. Caan a kan hmanpiak khawh caah a chungah tampi kan i lawm. Atu cu amah nih caan a hmannak caan a si cang lai:
Tuchun Pathian thawhthan ni sunglawi damte in a kan phakter tu kan Pathian a hmasa bik ah thangthat si ko seh. Cun tuzing Pathian thangthatnak ah thawngtha chim a ka thiahtu Bik Bik le khuami nan dihlak cung ah lunglomhnak chim cawklo ka ngei ko.
Cathiang kan rel hna lai, Genesis 12:5. Abram cu a nupi Sarai le a tupa Lot le Haran khua an um hnu i an ngeihmi an chawva vialte le an sal vialte hna he Kanaan ramlei kal ah cun an i thawh.
Genesis angan 12 in angan 50 tiang zoh tik ah Isarael mi hna i an hringsortu tuanbia a si le cucu Abram a si. Pathian nih Abram cu a auh i na ram le na rualchan hna le na pa inn kha chuahtak law kan hmuhsak lai mi ram ah kal tuah a ti. Abram nih cun Pathian nih a kamh mi ram hi khawi ka lei ah a um ti awk a thei lo. Sihmanhsehlaw zumhnak in Pathian kamh mi Kanaan ram lei kal ah cun ai thawh. Sihmanhsehlaw kan nih nih cun Pathian nih a kan kamh mi kan phak ding mi Kanaan ram cu kan hngalh i cu lam hoih cun kan nun a kal mi kan si hna. Abram cu Pathian kamh mi Kanaan ram lei panh lio ah hin harnak phung tling a tong. Ram tampi a tan i cu ram i a ummi hna he dohnak an ngei tawn. Acaan ah mangtam he ai tong. Acaan ah asal le hna le Lot sal le hna karlak ah buainak a um i lung retheihnak a tong. Sihmanhsehlaw a zumhnak ruang ah kha vialte hna kha Pathian thawng in teinak a hmuh i Kanaan ram cu a ke nih a lamh khawh.
Tuzing caan ah zumtu nule pa u le nau vialte hna, kanmah le kan sining cio ah harsatnak, lungretheihnak, damlonak, thil phunphun hi kan tong cio ko lai. Kha hna vialte kha kanmah kan minung sinak in kan doh asi ah cun teinak kan hmu kho lai lo. Teinak a ngeitu cu Pathian asi caah kan nun hi amah Pathian sin ah kan pek hmasa lawnglawng ah kha thil vialte chung khan teinak kan hmuh khawh lai. Cucaah kan nun hi Pathian sin ah pe hmasa cio hna usih ti kan sawm hna.
Exodus 33:15 kan zoh tikah Sainai tlang tang tonnak thlam chungah Moses le Pathian an i tong than. Pathian nih cun hika hmun in hin chuak u law kan kamhmi ram lei ah kal u a ti. Asinain Moses nih cun BAWIPA KAN SIN I NA KAL LO DING AHCUN HI KA HMUN IN HIN KAN CHUAH TER HLAH tiah a ti than. Moses nih hin Pathian tel lo in zeithil tuah hmanh a ngamh hrimhrim lo. Pathian ai sawm peng. Cucaah cun Israel miphun hna an rawltam caan ah mana changreu le an ti a hal caan ah lungpi chung in ti a pek hna caah, Israelmi hna nih kamhmi ram lawmte in an phan kho.
Zumtu nulepa u le nau vialte hna, tuzing caan tiang damnak a kan petu Bawipa a si. Inn le lo thaithawh-zaanriah, hnipuan fenhaih a kan petu zong amah Bawipa thiamthiam a si. Hi tluk in thluachuah a kan petu kan Pathian hi philhlo te in, maw Bawipa, na kan kamhmi Kanaan ram a phak khawhnak ding caah a kal cuahmi kan nunnak hi nangmah nih kal pi ko ti in, Bawipa kan sawm peng ah cun kamhmi ram kan phan ko lai.
Thla kan caam ta la: Maw Bawipa kan nunnak nikhat hnu nikhat a liam cuahmah mi lam kan kal cuahmah lio ah hin kan nunnak hi na kut ah kan pek, kan cohlang ko sawh. Na kan kamhmi ram kan phak hlan tiang kan umpi law, lam kan hruai zungzal ko sawh, Bawi Khrih min in thla kan cam. Amen.
Lunglomhnak tampi ka ngei ko.
Ni thar kan phan than. Vawlei thil sining tampi aa thleng. Sihmanhsehlaw, nizan, nihin, thaizing aa thleng lomi cu Pathian nih a kan dawtnak hi a si. Nihin zong ah thawngtha bia i hrawmtinak caan kan hmuh thanmi hi, Pathian a that caah a si. Pathian min thangthat dai hlah usih.
Thla kan cam ta hna lai: Dawtu Pathian, kan sualnak le kan palhnak rel cawk lo a si nain, na kan ngaihthiam i, nihin ni tiang lam na kan hruai caah kan i lawm. Pumpak cio hi kan sining te in kan cohlang than law, nangmah duhning in a nungmi kan si nakhnga, thazaang kan pe ko. Kan ram ah tamhal tuk in a ummi kan miphun hawi hna, a hlei khun in, khuami hna caah thla kan cam. Nangmah nih bawm ko hna. Malaysia ah, hrengkhenh chungah a um rihmi zong a rauh hlan ah an luat nakhnga, atu lio ah a luatmi zong, tlaihkhih an ton sual nakhnga lo, le ram tha chin ah an peh cio khawh nakhnga, na sinah thla kan cam. Rian a tuan rih lomi nih tuan ah rian an i hmuh nakhnga, rian a tuan cangmi zong an hlawh a tlin chin nakhnga, thla kan cam. A dam lomi zong kan thei hna. Damnak pe kho tu nangmah nih ngandamnak pe ko hna. Nai ah Pi Siang Hnem nih a kan liam tak tikah kan ngaih a chia. Taantakmi chungkhar nangmah nih hnem ko sawh hna. Nihin na fapa hmangin kan theih laimi thawngtha bia zong kan zapi caah thlua kan chuah piak ko. Na kan dawt caah kan i lawm, kan Bawipa Jesuh Khrih min in thla kan cam. Amen.
Nihin thawngtha a kan chimtu cu Saya Khua Hup (Lianlian pa) a si. Caan a kan hmanpiak khawh caah a chungah tampi kan i lawm. Atu cu amah nih caan a hmannak caan a si cang lai:
KANAAN RAM KAN PHAK HLAN TIANG
Tuchun Pathian thawhthan ni sunglawi damte in a kan phakter tu kan Pathian a hmasa bik ah thangthat si ko seh. Cun tuzing Pathian thangthatnak ah thawngtha chim a ka thiahtu Bik Bik le khuami nan dihlak cung ah lunglomhnak chim cawklo ka ngei ko.
Cathiang kan rel hna lai, Genesis 12:5. Abram cu a nupi Sarai le a tupa Lot le Haran khua an um hnu i an ngeihmi an chawva vialte le an sal vialte hna he Kanaan ramlei kal ah cun an i thawh.
Genesis angan 12 in angan 50 tiang zoh tik ah Isarael mi hna i an hringsortu tuanbia a si le cucu Abram a si. Pathian nih Abram cu a auh i na ram le na rualchan hna le na pa inn kha chuahtak law kan hmuhsak lai mi ram ah kal tuah a ti. Abram nih cun Pathian nih a kamh mi ram hi khawi ka lei ah a um ti awk a thei lo. Sihmanhsehlaw zumhnak in Pathian kamh mi Kanaan ram lei kal ah cun ai thawh. Sihmanhsehlaw kan nih nih cun Pathian nih a kan kamh mi kan phak ding mi Kanaan ram cu kan hngalh i cu lam hoih cun kan nun a kal mi kan si hna. Abram cu Pathian kamh mi Kanaan ram lei panh lio ah hin harnak phung tling a tong. Ram tampi a tan i cu ram i a ummi hna he dohnak an ngei tawn. Acaan ah mangtam he ai tong. Acaan ah asal le hna le Lot sal le hna karlak ah buainak a um i lung retheihnak a tong. Sihmanhsehlaw a zumhnak ruang ah kha vialte hna kha Pathian thawng in teinak a hmuh i Kanaan ram cu a ke nih a lamh khawh.
Tuzing caan ah zumtu nule pa u le nau vialte hna, kanmah le kan sining cio ah harsatnak, lungretheihnak, damlonak, thil phunphun hi kan tong cio ko lai. Kha hna vialte kha kanmah kan minung sinak in kan doh asi ah cun teinak kan hmu kho lai lo. Teinak a ngeitu cu Pathian asi caah kan nun hi amah Pathian sin ah kan pek hmasa lawnglawng ah kha thil vialte chung khan teinak kan hmuh khawh lai. Cucaah kan nun hi Pathian sin ah pe hmasa cio hna usih ti kan sawm hna.
Exodus 33:15 kan zoh tikah Sainai tlang tang tonnak thlam chungah Moses le Pathian an i tong than. Pathian nih cun hika hmun in hin chuak u law kan kamhmi ram lei ah kal u a ti. Asinain Moses nih cun BAWIPA KAN SIN I NA KAL LO DING AHCUN HI KA HMUN IN HIN KAN CHUAH TER HLAH tiah a ti than. Moses nih hin Pathian tel lo in zeithil tuah hmanh a ngamh hrimhrim lo. Pathian ai sawm peng. Cucaah cun Israel miphun hna an rawltam caan ah mana changreu le an ti a hal caan ah lungpi chung in ti a pek hna caah, Israelmi hna nih kamhmi ram lawmte in an phan kho.
Zumtu nulepa u le nau vialte hna, tuzing caan tiang damnak a kan petu Bawipa a si. Inn le lo thaithawh-zaanriah, hnipuan fenhaih a kan petu zong amah Bawipa thiamthiam a si. Hi tluk in thluachuah a kan petu kan Pathian hi philhlo te in, maw Bawipa, na kan kamhmi Kanaan ram a phak khawhnak ding caah a kal cuahmi kan nunnak hi nangmah nih kal pi ko ti in, Bawipa kan sawm peng ah cun kamhmi ram kan phan ko lai.
Thla kan caam ta la: Maw Bawipa kan nunnak nikhat hnu nikhat a liam cuahmah mi lam kan kal cuahmah lio ah hin kan nunnak hi na kut ah kan pek, kan cohlang ko sawh. Na kan kamhmi ram kan phak hlan tiang kan umpi law, lam kan hruai zungzal ko sawh, Bawi Khrih min in thla kan cam. Amen.
Lunglomhnak tampi ka ngei ko.
No comments:
Post a Comment