July 6, 2008
HAWIDAWT KHUAMI NULE PA ULE NAU HNA,
Kan caantlaitu Tv. BiBik nih kai ruahlo pi in hi tuzarh kan caan hi rak kan hmanpiak law ka duh ko,tiah avan ka ti i, BiBik le khuami pakhat cio nan cungah kai lawm ngai ngai. Cun, khuami nu le pa ule nau nan dihlak in pakhat hnu pakhat alangpar in nan kutzaa zong kan tlaih hna.
Kan phungchim bawmtu ah ahmasa ah Bible ca rel hna usih:-
1) ROM 9:25,26 " Ka mi arak si lo mi kha ka mi kati hna lai, ka rak dawt lo mi mi phun kha Dawtmi ka ti hna lai; nannih cu ka mi nan si lo tiah an rak ti hna nak hmun thengte ah khan annih cu anungmi Pathian fa, ti an si lai.
2) LUKE.19:41 "Khuapi(Jerusalem) cu ahei naih (Zisu nih) chin lengmangi ahei hmuh tikah attapi,Nihin ah hin daihnak ca ah zeidah aherhti kha hei hngal law cu mu, sihmanhsehlaw, na hngalkho ttunglo"ati. ( Bawi Zisu nih Jerusalem a ttah).
3) SAM 125:1,2 "BOIPA AIBOCHAN MI HNA CU ZION TLANG BANTUK ANSI,ZION TLANG HNINH KHAWH ZONG ASI LO I,TTHIAL KHAWH ZONG ASI LOMI BANTUK ANSI.TLANG NIH JERUSALEM KHUA KHA AN KULH BANG IN BOIPA NIH AMI CU A KULH HNA,ATU IN ZUNGZAL TIANG."
4) SAM.118;8,9 " MINUNG I BOCHAN NAK IN BOIPA I BOCHAN A THA DEUH, BAWI I BOCHAN NAK IN PATHIAN I BOCHAN KHA A THA DEUH."
Tutan ah BiBik nih phungchim avan ka sawm cangka in ka lung a chuak ngai ngai mi cu,"krifa Nun Ramri" timi hi asi. Hi krifa nun ramri ka vanti tik ah ka chim duh mi a sullam cu, hi vawlei cung ah hin krifa aiti mi kan nunram nih hin krifa nunphung le ziaza anunpi maw nunpi lo, asi lo ah, rikham nei lawng in dah kan krifa si nak,zumhnak, duhdawtnak, velngeihnak hna hi asi i, khamhnak kong kan chim tawn mi hna hi ahlan lio tuanbia chim lawng in dah kan chim, ti hi ka chim duh bik mi asi.
Zum lo mi hna lak ah "krifa" ka si van i ti cu phundang ngai ngai ding khi asi. Siasal a bia ve lomi, Pathian siamcawp abia ve lo mi (SALM.115:1-8) le thiang thlarau ralchan i a um ve lo mi (MATT.12:32) hna bantuk kan si ding khi a sawh cawlh ko.A sullam cu taksa nun in siseh, thlarau nun in siseh, Bawi zisu kri zultu kan sizia nunpi, le langhter khawh ding khi asi i, cu cu kan rian reng zong asi.
Atu vawlei cung chanti luan ning zoh tik ah miphun ttanhnak a lian chin lengmang. Miphun lian pi pi in a fa te te tiang, anmah cio kan mah cio ti lung an ngei. I zeirello nak le, i huatnak le raldo nak a tam cang. Kha hlan ah Mi nak le mirang timi lungthin umhlah seh law asi lo ah vawlei pumpi hi ramri zong um lo in, ramkhat ah ttihphan tlaihkhih zong um lo te in phunglam pakhat tang ah daite in um usih law, a va nuam hnga dah, ti i mi cheu khat hna saduh rak thah tawn mi kha cu mang bang an lo cang hna. Khuatlang nun lawng in asi lo, biaknak lei zong in i tthenhmalnak a tam cang. Pastor le upa hna karlak ah, upa le mipi kar ah, mipi le pastor kar ah, harnak a tami, hi kan khua te hmanh ah zahan nai thla hnih chung ah Bu thar (3) a dir manh ko. Kan inchung khurkhar ah harsatnak atam, pumpak ah harsatnak a tam cang.
Kan chim bang khan ram a har chin lengmang tik ah a ho cio nun zong ah vawlei cung chawva duhhlei nak,haukauhnak, mi hlenrawinak, mah ca mi fak le,Bu hruainak zong ah mah duhning le ti ning baki kalpi le hruai duh mi, krifa nun ramri a nei tawni, a tluang purh lo mi hi kan um tawn hna. Zumtu nun ca zong ah a poi tuk i, khuatlang nun ca zong ah hi bantuk hi a poi ka ti tuk tawn. Krifa ka si ah Mi cheukhat sin ah ttha te le dawhte i kan chim khawh mi kha, mi dang sin ah kan chim kho maw, kan tuah kho maw, pulpit tlang cungah biatha le bia dawh ka hei chim hnga, ka riantuan nak maw, ka lenvah nak ah i vawlhpamhnak hei chim than ning law, krifa ttha rikham neipa krifa nunnei ka si hnga lo maw? Internet in Pathian bia ttha tha ka hei chim hnga hei zul ve hlah ning law, asi lo ah, duh hlei hei nei ning, Thau khua kong ah khua thar maw khua hlun maw hei daw deuh hna ning, Pathian ca ah nihchuak ka hei si lai ning ti ka ruat.Ramkhat hruaitu lubik maw, Pathian maw hei si ning, rikham nei in, mah vial tiang lawng hin daw hna ning anih hi cu, an nih miphun hi cu hei tining law, Pathian tlak lo, hruaitu tlak lo ngai ngai ding khi ka si hnga. Minung kan thil ti khawh mi a fat ning le, kan i phawrhlawt tawn mite hna, rikham nei tiang lawng i rian kan ttuan mi te hna hi a poi ka ti ngai ngai. Kan chim/ kan tuah kan hei ti ve mi hi cu kumhnih khat ca thil men lawng khi an si. Jerusalem cu ral hna i tukden nak, i dohnak hmun, remdaih lo nak hmun asi ti Bawipa nih a hmuh tik ah a ttah. Kan khua kan ram, irem lo le i daw lo an um tik ah, duh hlei akn neih tik ah lung a fak, ngaih a chia ngai ngai. Pathian le khuaram dawtnak tling an si hna lo.
Hi par ah "chawva le nawlngeihnak" a duhmi ram America le Europe lungthin nih an kan nenh deuh cang hna i, a cawlcang kho deuh aw-ka i ngaihpiaknak, i lenkai nak, i chawnhbiaknak le i duhsak nak thinlung zong a lian deuh cang hna. Hi nih hin lai nun phung lawng lo, kan krifa nun tiang zong a hrawh dih te lai.Cutik ah kan Cathiang nih an kan chimh bang khan Mi cheu khat nih cun Bawipa i bochan lo in minung, Bawi asi mi hna maw, tangka nei, mi holh kho hna maw an i bochan te lai. Sihmanhsehlaw, Bawipa ai bochan mi hna cu an fek tthup ko lai, an fek tthup lai i, Zion tlang tthial khawh lo, hninh khawh lo bantuk in Bawipa an i bochannak cu a hmun ko lai. An zumhnak ramri cu a hmun zungzal lai i, dong lo in a fek zungzal ko lai.
Mah ca cun, Zisu kri zultu nu le pa ule nau hna, zumtu le mirang ram Credit card history hi ka tahtthemh tawn.Hi pahnih zong ah hin, " ATU CAAN" hi a herh taktak. Kha hlan ah Pastor maw, krifa upa maw hruaitu pakhat khat kha kum (10) renglo rian a hei ttuan ko hnga, na in atu ah sual a tuah ah cun vanram a sung ko. Cubang aluancia mi kumnga ah inn/motor tthapi Ting(20) man ka cawk mi kha atu in thlanga ruk a man ka pek khawh lo ah cun, an ka chuh ko lai. ka sung ko lai.
Mah ca cun, Kan krifa nun cu nun tluantling siseh, kan vailamtahtung put mi cu mi zapi huap si hram seh law, kan duhdawtnak nih cun mi nak mirang, laimi dihlak,khuathar khuahlun huap dih hram ko seh.
Ramri nei krifa nun nei ti sawh hlah usih tiah kan sawm hna. Kai lawm.
Van luai
12706 Flack street
silver spring,Maryland-20906
Ph.301-468-0556(RES)
HAWIDAWT KHUAMI NULE PA ULE NAU HNA,
Kan caantlaitu Tv. BiBik nih kai ruahlo pi in hi tuzarh kan caan hi rak kan hmanpiak law ka duh ko,tiah avan ka ti i, BiBik le khuami pakhat cio nan cungah kai lawm ngai ngai. Cun, khuami nu le pa ule nau nan dihlak in pakhat hnu pakhat alangpar in nan kutzaa zong kan tlaih hna.
Kan phungchim bawmtu ah ahmasa ah Bible ca rel hna usih:-
1) ROM 9:25,26 " Ka mi arak si lo mi kha ka mi kati hna lai, ka rak dawt lo mi mi phun kha Dawtmi ka ti hna lai; nannih cu ka mi nan si lo tiah an rak ti hna nak hmun thengte ah khan annih cu anungmi Pathian fa, ti an si lai.
2) LUKE.19:41 "Khuapi(Jerusalem) cu ahei naih (Zisu nih) chin lengmangi ahei hmuh tikah attapi,Nihin ah hin daihnak ca ah zeidah aherhti kha hei hngal law cu mu, sihmanhsehlaw, na hngalkho ttunglo"ati. ( Bawi Zisu nih Jerusalem a ttah).
3) SAM 125:1,2 "BOIPA AIBOCHAN MI HNA CU ZION TLANG BANTUK ANSI,ZION TLANG HNINH KHAWH ZONG ASI LO I,TTHIAL KHAWH ZONG ASI LOMI BANTUK ANSI.TLANG NIH JERUSALEM KHUA KHA AN KULH BANG IN BOIPA NIH AMI CU A KULH HNA,ATU IN ZUNGZAL TIANG."
4) SAM.118;8,9 " MINUNG I BOCHAN NAK IN BOIPA I BOCHAN A THA DEUH, BAWI I BOCHAN NAK IN PATHIAN I BOCHAN KHA A THA DEUH."
Tutan ah BiBik nih phungchim avan ka sawm cangka in ka lung a chuak ngai ngai mi cu,"krifa Nun Ramri" timi hi asi. Hi krifa nun ramri ka vanti tik ah ka chim duh mi a sullam cu, hi vawlei cung ah hin krifa aiti mi kan nunram nih hin krifa nunphung le ziaza anunpi maw nunpi lo, asi lo ah, rikham nei lawng in dah kan krifa si nak,zumhnak, duhdawtnak, velngeihnak hna hi asi i, khamhnak kong kan chim tawn mi hna hi ahlan lio tuanbia chim lawng in dah kan chim, ti hi ka chim duh bik mi asi.
Zum lo mi hna lak ah "krifa" ka si van i ti cu phundang ngai ngai ding khi asi. Siasal a bia ve lomi, Pathian siamcawp abia ve lo mi (SALM.115:1-8) le thiang thlarau ralchan i a um ve lo mi (MATT.12:32) hna bantuk kan si ding khi a sawh cawlh ko.A sullam cu taksa nun in siseh, thlarau nun in siseh, Bawi zisu kri zultu kan sizia nunpi, le langhter khawh ding khi asi i, cu cu kan rian reng zong asi.
Atu vawlei cung chanti luan ning zoh tik ah miphun ttanhnak a lian chin lengmang. Miphun lian pi pi in a fa te te tiang, anmah cio kan mah cio ti lung an ngei. I zeirello nak le, i huatnak le raldo nak a tam cang. Kha hlan ah Mi nak le mirang timi lungthin umhlah seh law asi lo ah vawlei pumpi hi ramri zong um lo in, ramkhat ah ttihphan tlaihkhih zong um lo te in phunglam pakhat tang ah daite in um usih law, a va nuam hnga dah, ti i mi cheu khat hna saduh rak thah tawn mi kha cu mang bang an lo cang hna. Khuatlang nun lawng in asi lo, biaknak lei zong in i tthenhmalnak a tam cang. Pastor le upa hna karlak ah, upa le mipi kar ah, mipi le pastor kar ah, harnak a tami, hi kan khua te hmanh ah zahan nai thla hnih chung ah Bu thar (3) a dir manh ko. Kan inchung khurkhar ah harsatnak atam, pumpak ah harsatnak a tam cang.
Kan chim bang khan ram a har chin lengmang tik ah a ho cio nun zong ah vawlei cung chawva duhhlei nak,haukauhnak, mi hlenrawinak, mah ca mi fak le,Bu hruainak zong ah mah duhning le ti ning baki kalpi le hruai duh mi, krifa nun ramri a nei tawni, a tluang purh lo mi hi kan um tawn hna. Zumtu nun ca zong ah a poi tuk i, khuatlang nun ca zong ah hi bantuk hi a poi ka ti tuk tawn. Krifa ka si ah Mi cheukhat sin ah ttha te le dawhte i kan chim khawh mi kha, mi dang sin ah kan chim kho maw, kan tuah kho maw, pulpit tlang cungah biatha le bia dawh ka hei chim hnga, ka riantuan nak maw, ka lenvah nak ah i vawlhpamhnak hei chim than ning law, krifa ttha rikham neipa krifa nunnei ka si hnga lo maw? Internet in Pathian bia ttha tha ka hei chim hnga hei zul ve hlah ning law, asi lo ah, duh hlei hei nei ning, Thau khua kong ah khua thar maw khua hlun maw hei daw deuh hna ning, Pathian ca ah nihchuak ka hei si lai ning ti ka ruat.Ramkhat hruaitu lubik maw, Pathian maw hei si ning, rikham nei in, mah vial tiang lawng hin daw hna ning anih hi cu, an nih miphun hi cu hei tining law, Pathian tlak lo, hruaitu tlak lo ngai ngai ding khi ka si hnga. Minung kan thil ti khawh mi a fat ning le, kan i phawrhlawt tawn mite hna, rikham nei tiang lawng i rian kan ttuan mi te hna hi a poi ka ti ngai ngai. Kan chim/ kan tuah kan hei ti ve mi hi cu kumhnih khat ca thil men lawng khi an si. Jerusalem cu ral hna i tukden nak, i dohnak hmun, remdaih lo nak hmun asi ti Bawipa nih a hmuh tik ah a ttah. Kan khua kan ram, irem lo le i daw lo an um tik ah, duh hlei akn neih tik ah lung a fak, ngaih a chia ngai ngai. Pathian le khuaram dawtnak tling an si hna lo.
Hi par ah "chawva le nawlngeihnak" a duhmi ram America le Europe lungthin nih an kan nenh deuh cang hna i, a cawlcang kho deuh aw-ka i ngaihpiaknak, i lenkai nak, i chawnhbiaknak le i duhsak nak thinlung zong a lian deuh cang hna. Hi nih hin lai nun phung lawng lo, kan krifa nun tiang zong a hrawh dih te lai.Cutik ah kan Cathiang nih an kan chimh bang khan Mi cheu khat nih cun Bawipa i bochan lo in minung, Bawi asi mi hna maw, tangka nei, mi holh kho hna maw an i bochan te lai. Sihmanhsehlaw, Bawipa ai bochan mi hna cu an fek tthup ko lai, an fek tthup lai i, Zion tlang tthial khawh lo, hninh khawh lo bantuk in Bawipa an i bochannak cu a hmun ko lai. An zumhnak ramri cu a hmun zungzal lai i, dong lo in a fek zungzal ko lai.
Mah ca cun, Zisu kri zultu nu le pa ule nau hna, zumtu le mirang ram Credit card history hi ka tahtthemh tawn.Hi pahnih zong ah hin, " ATU CAAN" hi a herh taktak. Kha hlan ah Pastor maw, krifa upa maw hruaitu pakhat khat kha kum (10) renglo rian a hei ttuan ko hnga, na in atu ah sual a tuah ah cun vanram a sung ko. Cubang aluancia mi kumnga ah inn/motor tthapi Ting(20) man ka cawk mi kha atu in thlanga ruk a man ka pek khawh lo ah cun, an ka chuh ko lai. ka sung ko lai.
Mah ca cun, Kan krifa nun cu nun tluantling siseh, kan vailamtahtung put mi cu mi zapi huap si hram seh law, kan duhdawtnak nih cun mi nak mirang, laimi dihlak,khuathar khuahlun huap dih hram ko seh.
Ramri nei krifa nun nei ti sawh hlah usih tiah kan sawm hna. Kai lawm.
Van luai
12706 Flack street
silver spring,Maryland-20906
Ph.301-468-0556(RES)
No comments:
Post a Comment