October 26, 2008
Hlaphuahtu pakhat nih cun “Muihnak in ceunak a kan hruaitu cu Jesuh, sualnak in thiam a kan cotertu zong Jesuh, a dawtnak rel cawk loin a liam . . . Jesuh lawng ka khamhtu a si” a ti. Zei bantuk thil kan ton hmanh ah Jesuh hi kan zeizong te cu a rak si tak ko. Harnak, ngaihchiatnak, lunglawmhnak tiin vawlei nih a kalpimi thil kan tong ko nain, Pathian nih cun kan sinah a kan umpi ko. Nihin zong ah A biathiang i a ruahti than dingin caan sunglawi kan hmu than. Pathian sinah kan thilrit thum hna usih, cun kan hmuhmi thluachuahnak rel than buin Amah thangthat ti hna usih.
Kan zapi thinlung rual tein thlacam hna usih: Dawtu Pathian, na hmaika ah kun in thla kan cam. Kan cung i na hmunhtermi na dawtnak cungah kan i lawm. Kan ngaihchiat caan zong ah a kan hnemtu nangmah na si. Kan i lawmh caan zong ah a kan lawmhpi tu cu nangmah na si. Kan dawtmi Belly pa nih mual a kan liam tak tikah kan ngaih a chia. Amah cu nangmah tang ah aa din cang ti kha fiang tein kan zumh. Taantakmi chungkhar caah thla kan cam. Nangmah nih hnem ko hna. Inkhawhnak thazaang zong pe hna law, an thilrit zaanter sawh ko. Cun a dam lomi hna ca zong ah thla kan cam. Nangmah sinin damnak an hmu cio naklai kan in nawl. Nai ah nangmah sinin thluachuahnak kan hmuhmi fanu te Anna Bawi Tin Tial zong nangmah nih lunun ngandamnak pe law thluachuakmi fanu siter ko. A nu le a pa zong damnak le thluachuahnak pe ko hna. Kawlram ah, Laitlang ah kan kaltakmi kan chungkhat, sahlawh rualchan, khuami hna nangmah nih umpi cio hna law, zohkhenh cio ko sawh hna. Kan umnak cio in nangmah an tihzahmi, nangmah mithmai zohin a nung khomi kan si ter ko. Nihin na fapa hmangin kan theih laimi na thawngtha bia zong pakhat cio kan caah thazaang thar a kan petu ah thlua kan chuahpiak ko sawh. Na kan dawt caah kan i lawm. Kan Bawipa Jesuh Khrih min in thla kan cam, kan Pathian. Amen.
Nihin thawngtha a kan chimtu cu Pastor Lian Ceu Bik a si. Nai Yangon an rak tlawn lio ah thawngtha na kan chim ve ko lai, ka ti tikah lunglawm tein a vun kan timhpiak tikah a cungah tampi lawmhnak kan ngei. Atu cu amah kut ah caan kan pek cang lai:
Tlangtar: Kan Thancho Nakding in I Manh Lo A Hau Ko
Babel relnak:
“Cucaah ka u le ka nau hna, fekte in dir u law zeihmanh nih in thial kho hna hlah seh, Bawipa rian teimak te in nan tuannak ah cun i manh lo ngai in um zungzal ko u, Bawipa rian nan tuanmi cu a lak a si bal lo ti kha nan hngalh.”
- 1 Korin 15:58
“Zei thil nan tuah paoh ah, minung caah si loin Bawipa caah ka tuan ti lungput ngei in, nan lungthin dihlak in tuan u.”
- Kolose 3:23
Hi bantuk in caan a kan petu riantuantu nan cungah lunglawmhnak ka nei. Kan umnak hmun ai dang i ram leng ummi nan caah thazaang petu a si lai tinak hmanh in Lai lei hrawng sining deuh thawngthanh bantukin van chim ka duh.
Kolose Khrihfabu ah cawnpiaknak hmaan lo a um caah Paul nih Jesuh Khrih lawng nih khamhnak tling a kan pek khawh caah a rian kan tuan piaknak a si tiah ca a kuat hna.
Kolose 3:18ff in kan rel ahcun kan hmuh khawhmi cu
1. Nupi hna nan vale nawl ngai u
2. Vale hna nan nupi le daw hna u
3. Hngakchia hna nan nu le nan pa upat hna u
4. Nu le pa hna nan fale an ing puanter hna hlah u
5. Sal le hna nan bawi le kha an nawl ngai hna u ti hi an si.
A cunglei panga hi minung kan nunnak ah a herhmi le Khrihfami hna nih kan tuah awk an si. Nupi le dawt cu Pathian rian kan tuan a si ti khawh a si. Vale nawl ngaih cu zumtu hna nih nan tuah awk a si ti kha a kan cawnpiak.
Korin Khrihfabu kha i manh lo ngai in riantuan u ti kha Paul nih a cawnpiak hna bangin zumtu vialte zong a kan cawnpiak.
Nihin ni ah Khrihfa ka si caah ka biakmi Pathian caah zeidah ka tuan lai ti nakin Khrihfa ka si ruangh ah zeidah ka hmuh lai tiah a timi zumtu kan tampi cang.
C. S Lewis nih Khrihfa phun hnih kan um a ti: Bawipa ka duhnak tlin ter ko a timi le Bawipa ka nunnak hi na rian caah hmang ve ko a timi tiin kan um.
Voikhat ah hawikom pahnih tiva ram an riak. Ngasa an hawt caah chun ah nga cu tampi an tlaih i zaanriah ah an chumh. Pakhat nih thla a cam, “Bawipa kan i lawm. Caan tha na kan pek i nga tampi zong” a ti lio ah a hawipa nih a thlacam a dih hlan ah Amen a ti. A hawipa nih Amen a ti cang i a cam lio tu pa zong nih “Amen ve” a ti. A thlacam a dih na loin a hawipa nih Amen a ti caah “Amen ve” a ti.
Nihin ni ah “ve” in Khrihfa a si i, “ve” in Pathian a biami kan si sual lai ti ka phang ngai. 2008 May thla ah Kawlram ah thlichia a hrang. Cu thawng cu vawlei pumpi ah a thang. Inn lo a rawkmi, miharsa zeitindah kan bawmh hna lai tiah mi tampi nih rian an tuan lioah mi tampi Nargis min hmang in zeidah ka hmuh lai tiin rian a tuanmi kan um ve hoi.
Lairam ah “mau taam” a tlung i Laimi ei awk ngei loin mi tampi kan um. Mi tampi nih Lairam paamnak chungin zeitindah kan chanh khawh hna lai, hi harnak in zeitindah kan luat khawh lai ti an i zuam. Cu lio ah Mautaam min put in zeidah ka hmuh lai tiin rian a tuanmi kan tampi. Cu ruangah Lairam ah “Mautaam puaisa” hna kan umnak a si.
Hi harnak in (min bunh in) zeidah ka hmuh lai ti nakin hi harnak in zeitindah kan luat khawh lai ti hi kan rian deuh a si rua ka ti. Paul nih Kolose Khrihfabu sinah tuan man pek nan si lai a ti. That lonak in tuan man hmuh kha a ti duhmi a si lo. Korin Khrihfabu sin ah i manh lo ngaiin um u a ti hna. Phun dang in riantuan a kan fial i riantuan cu Pathian duhmi zong a si.
MIT ah sianginn kan kai lioah taxi driver nih taxi kan i cit lio i bia a chimmi ka uar ngai. Cu a chimmi cu “Kawlram cozah rian a tuan pawl cu lahkhah (tuan man) nakin laakhah (kal man) an duh deuh” a ti. Ram leng kan umnak ah zeidah ka tuan lai tuan man zeidah ka hmuh lai timi nak in ram dang ah ka kal caah kal man (laakhah) zeidah ka hmuh lai ti hi kan i ruah deuh sual lai ti ka phang ngai.
A donghnak leiah Khrihfa kan sinak hi “ve” in le Pathin kan biaknak hi “ve” in a si sual lai ti ka phang. Ram dang kan kal tikah midang an kal i ka kal “ve” lai. Phungdang in “ve” in ram dang a kalmi kan si sual lai ti ka phang ngai.
I manh lo ngai in um i kan tuan man pek kan si lai kha Bible nih a kan cawnpiak i a rian kan tuan piak taktakmi cu Khrih kha a si tiah Bible nih a kan cawnpiak.
Khrihfa a simi nih Khrihfa si man nakin Khrihfa ka si caah zeidah ka tuan ti hi kan duh deuh awk a si. Ram dang kan um tikah kal man (laa khah) nakin tuanman (lahkhah) hmuh ding kha duh deuh hna u sih. I manh lo ngai in rian kan tuannak ah Pathian nih damnak tluachuah kan pe hram ko seh. Kai lawm.
Lian Ceu Bik
Pastor
Nazareth Tipil Khrihfabu
Thau (B)
Hlaphuahtu pakhat nih cun “Muihnak in ceunak a kan hruaitu cu Jesuh, sualnak in thiam a kan cotertu zong Jesuh, a dawtnak rel cawk loin a liam . . . Jesuh lawng ka khamhtu a si” a ti. Zei bantuk thil kan ton hmanh ah Jesuh hi kan zeizong te cu a rak si tak ko. Harnak, ngaihchiatnak, lunglawmhnak tiin vawlei nih a kalpimi thil kan tong ko nain, Pathian nih cun kan sinah a kan umpi ko. Nihin zong ah A biathiang i a ruahti than dingin caan sunglawi kan hmu than. Pathian sinah kan thilrit thum hna usih, cun kan hmuhmi thluachuahnak rel than buin Amah thangthat ti hna usih.
Kan zapi thinlung rual tein thlacam hna usih: Dawtu Pathian, na hmaika ah kun in thla kan cam. Kan cung i na hmunhtermi na dawtnak cungah kan i lawm. Kan ngaihchiat caan zong ah a kan hnemtu nangmah na si. Kan i lawmh caan zong ah a kan lawmhpi tu cu nangmah na si. Kan dawtmi Belly pa nih mual a kan liam tak tikah kan ngaih a chia. Amah cu nangmah tang ah aa din cang ti kha fiang tein kan zumh. Taantakmi chungkhar caah thla kan cam. Nangmah nih hnem ko hna. Inkhawhnak thazaang zong pe hna law, an thilrit zaanter sawh ko. Cun a dam lomi hna ca zong ah thla kan cam. Nangmah sinin damnak an hmu cio naklai kan in nawl. Nai ah nangmah sinin thluachuahnak kan hmuhmi fanu te Anna Bawi Tin Tial zong nangmah nih lunun ngandamnak pe law thluachuakmi fanu siter ko. A nu le a pa zong damnak le thluachuahnak pe ko hna. Kawlram ah, Laitlang ah kan kaltakmi kan chungkhat, sahlawh rualchan, khuami hna nangmah nih umpi cio hna law, zohkhenh cio ko sawh hna. Kan umnak cio in nangmah an tihzahmi, nangmah mithmai zohin a nung khomi kan si ter ko. Nihin na fapa hmangin kan theih laimi na thawngtha bia zong pakhat cio kan caah thazaang thar a kan petu ah thlua kan chuahpiak ko sawh. Na kan dawt caah kan i lawm. Kan Bawipa Jesuh Khrih min in thla kan cam, kan Pathian. Amen.
Nihin thawngtha a kan chimtu cu Pastor Lian Ceu Bik a si. Nai Yangon an rak tlawn lio ah thawngtha na kan chim ve ko lai, ka ti tikah lunglawm tein a vun kan timhpiak tikah a cungah tampi lawmhnak kan ngei. Atu cu amah kut ah caan kan pek cang lai:
Tlangtar: Kan Thancho Nakding in I Manh Lo A Hau Ko
Babel relnak:
“Cucaah ka u le ka nau hna, fekte in dir u law zeihmanh nih in thial kho hna hlah seh, Bawipa rian teimak te in nan tuannak ah cun i manh lo ngai in um zungzal ko u, Bawipa rian nan tuanmi cu a lak a si bal lo ti kha nan hngalh.”
- 1 Korin 15:58
“Zei thil nan tuah paoh ah, minung caah si loin Bawipa caah ka tuan ti lungput ngei in, nan lungthin dihlak in tuan u.”
- Kolose 3:23
Hi bantuk in caan a kan petu riantuantu nan cungah lunglawmhnak ka nei. Kan umnak hmun ai dang i ram leng ummi nan caah thazaang petu a si lai tinak hmanh in Lai lei hrawng sining deuh thawngthanh bantukin van chim ka duh.
Kolose Khrihfabu ah cawnpiaknak hmaan lo a um caah Paul nih Jesuh Khrih lawng nih khamhnak tling a kan pek khawh caah a rian kan tuan piaknak a si tiah ca a kuat hna.
Kolose 3:18ff in kan rel ahcun kan hmuh khawhmi cu
1. Nupi hna nan vale nawl ngai u
2. Vale hna nan nupi le daw hna u
3. Hngakchia hna nan nu le nan pa upat hna u
4. Nu le pa hna nan fale an ing puanter hna hlah u
5. Sal le hna nan bawi le kha an nawl ngai hna u ti hi an si.
A cunglei panga hi minung kan nunnak ah a herhmi le Khrihfami hna nih kan tuah awk an si. Nupi le dawt cu Pathian rian kan tuan a si ti khawh a si. Vale nawl ngaih cu zumtu hna nih nan tuah awk a si ti kha a kan cawnpiak.
Korin Khrihfabu kha i manh lo ngai in riantuan u ti kha Paul nih a cawnpiak hna bangin zumtu vialte zong a kan cawnpiak.
Nihin ni ah Khrihfa ka si caah ka biakmi Pathian caah zeidah ka tuan lai ti nakin Khrihfa ka si ruangh ah zeidah ka hmuh lai tiah a timi zumtu kan tampi cang.
C. S Lewis nih Khrihfa phun hnih kan um a ti: Bawipa ka duhnak tlin ter ko a timi le Bawipa ka nunnak hi na rian caah hmang ve ko a timi tiin kan um.
Voikhat ah hawikom pahnih tiva ram an riak. Ngasa an hawt caah chun ah nga cu tampi an tlaih i zaanriah ah an chumh. Pakhat nih thla a cam, “Bawipa kan i lawm. Caan tha na kan pek i nga tampi zong” a ti lio ah a hawipa nih a thlacam a dih hlan ah Amen a ti. A hawipa nih Amen a ti cang i a cam lio tu pa zong nih “Amen ve” a ti. A thlacam a dih na loin a hawipa nih Amen a ti caah “Amen ve” a ti.
Nihin ni ah “ve” in Khrihfa a si i, “ve” in Pathian a biami kan si sual lai ti ka phang ngai. 2008 May thla ah Kawlram ah thlichia a hrang. Cu thawng cu vawlei pumpi ah a thang. Inn lo a rawkmi, miharsa zeitindah kan bawmh hna lai tiah mi tampi nih rian an tuan lioah mi tampi Nargis min hmang in zeidah ka hmuh lai tiin rian a tuanmi kan um ve hoi.
Lairam ah “mau taam” a tlung i Laimi ei awk ngei loin mi tampi kan um. Mi tampi nih Lairam paamnak chungin zeitindah kan chanh khawh hna lai, hi harnak in zeitindah kan luat khawh lai ti an i zuam. Cu lio ah Mautaam min put in zeidah ka hmuh lai tiin rian a tuanmi kan tampi. Cu ruangah Lairam ah “Mautaam puaisa” hna kan umnak a si.
Hi harnak in (min bunh in) zeidah ka hmuh lai ti nakin hi harnak in zeitindah kan luat khawh lai ti hi kan rian deuh a si rua ka ti. Paul nih Kolose Khrihfabu sinah tuan man pek nan si lai a ti. That lonak in tuan man hmuh kha a ti duhmi a si lo. Korin Khrihfabu sin ah i manh lo ngaiin um u a ti hna. Phun dang in riantuan a kan fial i riantuan cu Pathian duhmi zong a si.
MIT ah sianginn kan kai lioah taxi driver nih taxi kan i cit lio i bia a chimmi ka uar ngai. Cu a chimmi cu “Kawlram cozah rian a tuan pawl cu lahkhah (tuan man) nakin laakhah (kal man) an duh deuh” a ti. Ram leng kan umnak ah zeidah ka tuan lai tuan man zeidah ka hmuh lai timi nak in ram dang ah ka kal caah kal man (laakhah) zeidah ka hmuh lai ti hi kan i ruah deuh sual lai ti ka phang ngai.
A donghnak leiah Khrihfa kan sinak hi “ve” in le Pathin kan biaknak hi “ve” in a si sual lai ti ka phang. Ram dang kan kal tikah midang an kal i ka kal “ve” lai. Phungdang in “ve” in ram dang a kalmi kan si sual lai ti ka phang ngai.
I manh lo ngai in um i kan tuan man pek kan si lai kha Bible nih a kan cawnpiak i a rian kan tuan piak taktakmi cu Khrih kha a si tiah Bible nih a kan cawnpiak.
Khrihfa a simi nih Khrihfa si man nakin Khrihfa ka si caah zeidah ka tuan ti hi kan duh deuh awk a si. Ram dang kan um tikah kal man (laa khah) nakin tuanman (lahkhah) hmuh ding kha duh deuh hna u sih. I manh lo ngai in rian kan tuannak ah Pathian nih damnak tluachuah kan pe hram ko seh. Kai lawm.
Lian Ceu Bik
Pastor
Nazareth Tipil Khrihfabu
Thau (B)
No comments:
Post a Comment