September 28, 2008
Pathian thangthat tinak caan kan hmuh than caah Pathian a min thangthat si ko seh! Salm catialtu nih cun, “Maw kan nunnak, Bawipa cu thangthat tuah! Ka sining vialte, a min thiang cu thangthat tuah!” a ti (Salm 103:1).
Thlacam ti hna usih: Dawtu Pathian, na kan dawt caah kan i lawm. Kan nunnak ah thiltha tampi na kan pek, nunnak na kan hlanh, na cungah kan i lawm hringhran. Nihin tiang tuan kawl kho dirhmun ah na kan chiahmi cung zong ah lawmhnak kan chim. Misual kan si, kan sualnak kan ngaithiam law, nangmah an tihzahmi, na caah tette tha in a nung khomi kan siter ko. Kan ram a har tuk ruangah, ei le din awk har tukin a ummi, kan miphun hawi hna caah thla kan cam. Kanmah cio zong nangmah kut le ke ah kan ser ko. Kan lakah riantuan awk aa hmuh rih lo zong kan um. A rauh hlan ah rian kan tlaih cio dih khawh nakhnga kan bawm ko. Malaysia ah a ummi hna, nangmah nih luatnak le hlawhtlinnak pe ko sawh hna. A zawmi hna ca zong ah thla kan cam. Nangmah nih damnak tuan ah hmuhter than ko hna. A bikin, kan khua caah thla kan cam. Thanchonak lei ah kan panh khawh nakhnga, nangmah mithmai zohin kar a hlangmi kan siter ko. Na kan dawt i, kan i lawm. Kan nunnak, kan thilrit, kan i lawmhnak, kan zeizong te nangmah ke hram ah kan thumh. Nangmah nih lam kan hruai ko, tiah kan Bawipa Jesuh Khrih min in thla kan cam, kan Pathian. Amen
Baibel Relnak: Johan 11:25
Nai hrawng cu Lairam ah a tlungmi Mautam kong, Rev. John Mang (kum 47) nih a kan thih taknak, le US ramhun (President) thimnak nih khua fak piin a ka ruahter. Ruah lo awk tha lo zong cu an si.
Atu lio cu US President i cuh lio pi a si. Hmai thla cun aho dah President a chuak lai ti a fiang lai. Obama le McCain cu biatak tein mipi vote hmuh ding an i zuam saling pi a si. Nan tanh deuhmi a um cio lai dah. Kei cu Obama khi ka tanh ziar, vote a pe kho lai bang in Obama le McCain nih President kan si ahcun, cucu kan in tuah piak hna lai an ti. Thlennak kan tuah lai. Rian ngei lomi caah rian tampi kan ser lai, cucu kha kha kan tuah lai tiah an ti. Obama nih Irag raltuknak hi ka dih ter lai. US ralkap vialte ka kir ter hna lai a ti. Aho setset dik President cu a si te hnga, kan thei rih lo. Nain, an pahnih in mipi cu, keimah President ka chuah ahcun, cucu khakha ka tuah lai, tiah bia an kamh hna.
Nain, an chimmi hi an tuah kho dih lai tiah ka zum lo. A zei maw zat cu an tuah khawh men ko lai. Nain, an chim ning cun an tuah kho hrimhrim lai lo. Zei cah tiah, anmah zong minung an si ve, a tling lomi an si. Minung nih cun bia cu kan i kamh ko nain, a tlamtling tawn lo.
Minung nih cun an biakamhmi an tuah khawh lo caan a tampi. An tuah duh ko, nain an tuah khawh lo caan a um. Sihmanhsehlaw, kan Bawipa Jesuh Khrih tu cu a chim bantuk in a tuahtu a si. A chim bantuk in a tuah khawh; tuah khawhnak thawnnak zong a ngei. “Keimah cu thawhthannak le nunnak ka si” tiah a rak chim. Cucu a tuah tak. Jesuh Khrih ka uar khunnak timi capar Muko mekazin ah ka rak tial bal. Jesuh Khrih cu a kan khamhtu pei a si cu, cucu chim a hau tung lo, ti khawh a si. Nain, a kan khamhtu paoh uar an um dih lo kho men. Jesuh Khrih cu uar a um; zei cah tiah, a chimning in a nung i a tuahtu a si. A biakam a let ballo.
Nai cu Rev. John Mang nih a kan thih tak caah, ngaih a chia, lungnuam lo ngai in um cio a si. Lai Forum le Rungcin hrim ahcun email tamtuk te an tial. Cu lak ahcun U Vung (Hannah pa) nih a tialmi nih khua a ka ruahter ngaingai. U Vung nih a tialmi cu:
Pa Hlun nih, Danny pa hi, "Rungcin in chuah ve a hau ko, kan siang na lo in . . ." timi bia a chimmi te nih ka thinlung a ka khawih ngai. Pu Mang Tling le Saya Bawi Er zong kan chuah cang hna timi a von tialmi te ka ruah ah, ka zeimaw a ti tuk. Ka kawipa Saya Bawi zong a ka ruahter ngaingai. . . . Ka ngaih achia bantuk, ka sum a ti bantuk a si. . . . Pa Hlun hna nih tuan ah a ka chuah sual lai maw? Asiloah amah (Pa Hlun) hna tuan ah kan chuah sual lai maw ti tiang ruah ahcun sum a ti ngaingai. Tih a nung . . . thin a phang. Asinain, White House biachimtu pa Tony Snow cu cancer in a zawt lio le athih deng lio ah ah bia an hal i a chimmi cu, "Thihnak kong hi ka ruat bal lo. Nunnak kong lawng ka ruat. . ." ati bantuk in, Rungcin in chuahnak kong ruah lo in, Rungcin i um le catial pengnak kong lawng ruah ah hin, thin a nuam deuh ding a si. Rungcin in chuahnak kong rumro ruah ahcun ngaih a chia taktak.
Ruah ding pakhat cu, "Minung hi, zeiruang ah dah kan ngaih a chiat?" Hihi nan ruat cio bal dek maw? A phi tampi a um kho men. A taktak ahcun, "Minung kan ngaih a chiat tawnmi hi, kan thih caah a si lo. Kan nun caah kan ngaih a chiatmi a si. Cucaah a nungmi lawng ngaih a chia kho. A thimi cu ngaih a chia kho ti lo. Cucaah kan ngaih a chiatmi hi kan nun caah a si. Hi kan ngaih a chiatmi hi, caan tawite ca lawng asi.
Zeicatiah vawleicung kan umnak cu kan khualtlawnnak lawnglawng a si. Nikhat khat ah kan umnak inn taktak (Home) cu kan phan cio te lai . . . Cu tik ah ngaihchiatnak vialte an lo dih te lai. Kan inn kan phak hlan chung le kan khualtlawnnak . . . hi vawlei cung i kan vaihvah chung ahcun, atu bantuk in harnak, ngaihchiatnak le lunglennak hi kan tuar peng ko rih lai . . . Cu kan khualtlawnnak i kan vaihvah chung paoh ahcun Rungcin chungtel kan si ko rih lai. . . . Kan inn taktak kan phak tik belte ahcun Rungcin zong a herh ti lai lo. Laiforum zong a herh ti lai lo . . . chungtel si zong a herh ti lai lo. . . . Cucaah Rungcin le Laiforum zong in chuah kan si cio ve te lai. . . . Cu Rungcin in chuahnak caan cu a rau lai lo. Caan tawite ah asi kho ko. Cu caan cu . . . "A matter of When?" ti khi a si ko. Cu caan cu nang na ruat bal ve dek maw?
Kanmah cio zong, U Vung tial bantuk in zei tik ah dik Thaugroup in chuah kan si cio te lai, ti ruah awk a um. Thaizing kong aa chim khomi kan um lo. Kanmah cio zong nikhat ah thlanmual kan phan cio lai. A si nain, kan donghnak belte cu a si lai lo. Zei cah tiah, a biakam bantuk in pei Jesuh Khrih cu a thawhthan cang cu!
Kan vawlei hmun zakip in kan theihmi thawngpang nih le thawngtha um tuk ti hlah. Kan theihmi thawng hi thawng tha lo deuh an si chin lengmang. Kan Lairam ah mautam ti a si, kan Lairam lawng ah maw ti ah, si hlah. Vawleicung hmun tampi ah thaizing ah zei tin kan nun lai tiah lungre theimi rel cawk lo an si. Vawlei vanram ti tluk in chim tawnmi US ram hmanh nai hrawng cu mipi an lau, a cozah a lau, zei tin dah kan i tuah lai, ti a si. Thaizing kong ah thinphang in um cio a si.
Vawleicung ah biaknak tampi, cawnpiaktu tampi, hruaitu tampi an chuak. An cawnpiakmi hi an tha tuk cio. Soi awk an um lo. An thiam tuk cio. Sihmanhselaw Khrihfami nih kan vanthat biknak le kan biaknak a tha khun kan ti nak cu kan biakmi cu a nungmi a si caah a si. Lungre thei in kan um tikah, thaizing kong ah lung buai in kan um tikah ruahchannak a kan petu cu Jesuh Khrih a si. Amah a zumtu cu zungzal nunnak hmu dingin a kan kamh. Hi vawlei ah harsa ko hmanh usih, ruahchannak kan ngei rih. Mi tampi cu, cu ruahchannak an ngeih lo ahcun, anmah le anmah tiang aa thatmi zong an um.
Vawleicung hruaitu ngangan nih cucu kha kha kan in tuahpiak hna lai tiah ruahchannak a phungphun an kan pek. Minung nih kan i pek khawhmi cu a nungmi a si kho dih tawn lo. Nain, kan Bawipa nih a kan pekmi cu a nungmi ruahchannak a si. Khrihfami nih cun a nungmi Pathian, a tho thanmi Jesuh kan zumh i, cu caah kan i ruahchanmi hi a nungmi ruahchanhnak a si. “Thawhthannak le Nunnak” a simi Khrih a zumtu kan si. Cucu philh hna hlah usih.
Kan biakmi Khuazing Pathian nih in umpi cio ko hna seh! Amen.
Pathian thangthat tinak caan kan hmuh than caah Pathian a min thangthat si ko seh! Salm catialtu nih cun, “Maw kan nunnak, Bawipa cu thangthat tuah! Ka sining vialte, a min thiang cu thangthat tuah!” a ti (Salm 103:1).
Thlacam ti hna usih: Dawtu Pathian, na kan dawt caah kan i lawm. Kan nunnak ah thiltha tampi na kan pek, nunnak na kan hlanh, na cungah kan i lawm hringhran. Nihin tiang tuan kawl kho dirhmun ah na kan chiahmi cung zong ah lawmhnak kan chim. Misual kan si, kan sualnak kan ngaithiam law, nangmah an tihzahmi, na caah tette tha in a nung khomi kan siter ko. Kan ram a har tuk ruangah, ei le din awk har tukin a ummi, kan miphun hawi hna caah thla kan cam. Kanmah cio zong nangmah kut le ke ah kan ser ko. Kan lakah riantuan awk aa hmuh rih lo zong kan um. A rauh hlan ah rian kan tlaih cio dih khawh nakhnga kan bawm ko. Malaysia ah a ummi hna, nangmah nih luatnak le hlawhtlinnak pe ko sawh hna. A zawmi hna ca zong ah thla kan cam. Nangmah nih damnak tuan ah hmuhter than ko hna. A bikin, kan khua caah thla kan cam. Thanchonak lei ah kan panh khawh nakhnga, nangmah mithmai zohin kar a hlangmi kan siter ko. Na kan dawt i, kan i lawm. Kan nunnak, kan thilrit, kan i lawmhnak, kan zeizong te nangmah ke hram ah kan thumh. Nangmah nih lam kan hruai ko, tiah kan Bawipa Jesuh Khrih min in thla kan cam, kan Pathian. Amen
Baibel Relnak: Johan 11:25
“Keimah cu thawhthannak le nunnak ka si.”
Nai hrawng cu Lairam ah a tlungmi Mautam kong, Rev. John Mang (kum 47) nih a kan thih taknak, le US ramhun (President) thimnak nih khua fak piin a ka ruahter. Ruah lo awk tha lo zong cu an si.
Atu lio cu US President i cuh lio pi a si. Hmai thla cun aho dah President a chuak lai ti a fiang lai. Obama le McCain cu biatak tein mipi vote hmuh ding an i zuam saling pi a si. Nan tanh deuhmi a um cio lai dah. Kei cu Obama khi ka tanh ziar, vote a pe kho lai bang in Obama le McCain nih President kan si ahcun, cucu kan in tuah piak hna lai an ti. Thlennak kan tuah lai. Rian ngei lomi caah rian tampi kan ser lai, cucu kha kha kan tuah lai tiah an ti. Obama nih Irag raltuknak hi ka dih ter lai. US ralkap vialte ka kir ter hna lai a ti. Aho setset dik President cu a si te hnga, kan thei rih lo. Nain, an pahnih in mipi cu, keimah President ka chuah ahcun, cucu khakha ka tuah lai, tiah bia an kamh hna.
Nain, an chimmi hi an tuah kho dih lai tiah ka zum lo. A zei maw zat cu an tuah khawh men ko lai. Nain, an chim ning cun an tuah kho hrimhrim lai lo. Zei cah tiah, anmah zong minung an si ve, a tling lomi an si. Minung nih cun bia cu kan i kamh ko nain, a tlamtling tawn lo.
Minung nih cun an biakamhmi an tuah khawh lo caan a tampi. An tuah duh ko, nain an tuah khawh lo caan a um. Sihmanhsehlaw, kan Bawipa Jesuh Khrih tu cu a chim bantuk in a tuahtu a si. A chim bantuk in a tuah khawh; tuah khawhnak thawnnak zong a ngei. “Keimah cu thawhthannak le nunnak ka si” tiah a rak chim. Cucu a tuah tak. Jesuh Khrih ka uar khunnak timi capar Muko mekazin ah ka rak tial bal. Jesuh Khrih cu a kan khamhtu pei a si cu, cucu chim a hau tung lo, ti khawh a si. Nain, a kan khamhtu paoh uar an um dih lo kho men. Jesuh Khrih cu uar a um; zei cah tiah, a chimning in a nung i a tuahtu a si. A biakam a let ballo.
Nai cu Rev. John Mang nih a kan thih tak caah, ngaih a chia, lungnuam lo ngai in um cio a si. Lai Forum le Rungcin hrim ahcun email tamtuk te an tial. Cu lak ahcun U Vung (Hannah pa) nih a tialmi nih khua a ka ruahter ngaingai. U Vung nih a tialmi cu:
Pa Hlun nih, Danny pa hi, "Rungcin in chuah ve a hau ko, kan siang na lo in . . ." timi bia a chimmi te nih ka thinlung a ka khawih ngai. Pu Mang Tling le Saya Bawi Er zong kan chuah cang hna timi a von tialmi te ka ruah ah, ka zeimaw a ti tuk. Ka kawipa Saya Bawi zong a ka ruahter ngaingai. . . . Ka ngaih achia bantuk, ka sum a ti bantuk a si. . . . Pa Hlun hna nih tuan ah a ka chuah sual lai maw? Asiloah amah (Pa Hlun) hna tuan ah kan chuah sual lai maw ti tiang ruah ahcun sum a ti ngaingai. Tih a nung . . . thin a phang. Asinain, White House biachimtu pa Tony Snow cu cancer in a zawt lio le athih deng lio ah ah bia an hal i a chimmi cu, "Thihnak kong hi ka ruat bal lo. Nunnak kong lawng ka ruat. . ." ati bantuk in, Rungcin in chuahnak kong ruah lo in, Rungcin i um le catial pengnak kong lawng ruah ah hin, thin a nuam deuh ding a si. Rungcin in chuahnak kong rumro ruah ahcun ngaih a chia taktak.
Ruah ding pakhat cu, "Minung hi, zeiruang ah dah kan ngaih a chiat?" Hihi nan ruat cio bal dek maw? A phi tampi a um kho men. A taktak ahcun, "Minung kan ngaih a chiat tawnmi hi, kan thih caah a si lo. Kan nun caah kan ngaih a chiatmi a si. Cucaah a nungmi lawng ngaih a chia kho. A thimi cu ngaih a chia kho ti lo. Cucaah kan ngaih a chiatmi hi kan nun caah a si. Hi kan ngaih a chiatmi hi, caan tawite ca lawng asi.
Zeicatiah vawleicung kan umnak cu kan khualtlawnnak lawnglawng a si. Nikhat khat ah kan umnak inn taktak (Home) cu kan phan cio te lai . . . Cu tik ah ngaihchiatnak vialte an lo dih te lai. Kan inn kan phak hlan chung le kan khualtlawnnak . . . hi vawlei cung i kan vaihvah chung ahcun, atu bantuk in harnak, ngaihchiatnak le lunglennak hi kan tuar peng ko rih lai . . . Cu kan khualtlawnnak i kan vaihvah chung paoh ahcun Rungcin chungtel kan si ko rih lai. . . . Kan inn taktak kan phak tik belte ahcun Rungcin zong a herh ti lai lo. Laiforum zong a herh ti lai lo . . . chungtel si zong a herh ti lai lo. . . . Cucaah Rungcin le Laiforum zong in chuah kan si cio ve te lai. . . . Cu Rungcin in chuahnak caan cu a rau lai lo. Caan tawite ah asi kho ko. Cu caan cu . . . "A matter of When?" ti khi a si ko. Cu caan cu nang na ruat bal ve dek maw?
Kanmah cio zong, U Vung tial bantuk in zei tik ah dik Thaugroup in chuah kan si cio te lai, ti ruah awk a um. Thaizing kong aa chim khomi kan um lo. Kanmah cio zong nikhat ah thlanmual kan phan cio lai. A si nain, kan donghnak belte cu a si lai lo. Zei cah tiah, a biakam bantuk in pei Jesuh Khrih cu a thawhthan cang cu!
Kan vawlei hmun zakip in kan theihmi thawngpang nih le thawngtha um tuk ti hlah. Kan theihmi thawng hi thawng tha lo deuh an si chin lengmang. Kan Lairam ah mautam ti a si, kan Lairam lawng ah maw ti ah, si hlah. Vawleicung hmun tampi ah thaizing ah zei tin kan nun lai tiah lungre theimi rel cawk lo an si. Vawlei vanram ti tluk in chim tawnmi US ram hmanh nai hrawng cu mipi an lau, a cozah a lau, zei tin dah kan i tuah lai, ti a si. Thaizing kong ah thinphang in um cio a si.
Vawleicung ah biaknak tampi, cawnpiaktu tampi, hruaitu tampi an chuak. An cawnpiakmi hi an tha tuk cio. Soi awk an um lo. An thiam tuk cio. Sihmanhselaw Khrihfami nih kan vanthat biknak le kan biaknak a tha khun kan ti nak cu kan biakmi cu a nungmi a si caah a si. Lungre thei in kan um tikah, thaizing kong ah lung buai in kan um tikah ruahchannak a kan petu cu Jesuh Khrih a si. Amah a zumtu cu zungzal nunnak hmu dingin a kan kamh. Hi vawlei ah harsa ko hmanh usih, ruahchannak kan ngei rih. Mi tampi cu, cu ruahchannak an ngeih lo ahcun, anmah le anmah tiang aa thatmi zong an um.
Vawleicung hruaitu ngangan nih cucu kha kha kan in tuahpiak hna lai tiah ruahchannak a phungphun an kan pek. Minung nih kan i pek khawhmi cu a nungmi a si kho dih tawn lo. Nain, kan Bawipa nih a kan pekmi cu a nungmi ruahchannak a si. Khrihfami nih cun a nungmi Pathian, a tho thanmi Jesuh kan zumh i, cu caah kan i ruahchanmi hi a nungmi ruahchanhnak a si. “Thawhthannak le Nunnak” a simi Khrih a zumtu kan si. Cucu philh hna hlah usih.
Kan biakmi Khuazing Pathian nih in umpi cio ko hna seh! Amen.
No comments:
Post a Comment