August 3, 2008
Pathian dawtnak a ngan hringhran. Nihin zong ah Amah Bia thiang i hrawm dingin caan kan hmuh than caah Pathain min kan thangthat. Thinlung timhtuahnak ah thawngtha bia rel dingin kan sawm hna.
Nihin thawngtha a kan chimtu cu U Sun (Sung Par Chin) a si. Caan a kan hmanpiak khawh caah a cungah tampi kan i lawm. Atu cu amah nih caan a hmannak a si cang lai.
Bible ca kan rel lai.
Luke17:11-19:
Jesu cu Jerusalem khua lei i a kal pah ah khin Samaria le Galili karlak in a kal. Khua pakhat chung ah hin a va lut i cuka ah cun thinghmui mi pahra an rak um i cu hna nih cun an rak ton. Lamhlat pi khin an dir i, Jesuh Bawipa kan zaangfah tuah tiah an au. Jesuh nih cun a hmuh hna i, "Va kal u law tlangbawi nih khan rak in zoh hna seh," tiah a ti hna. An kalpah cun lampi ah cun an thiang. An lak i pakhat cu ka dam cang tiah a theih tikah khan a ra kir i Pathian kha fakpi in a thangthat. Jesuh kehram ah khan vawlei ah a bawk i Jesuh cu a lawmh. Cu pa cu Samaria mi a si. Jesuh nih aa thawh i, "An pahra ning in an dam lo maw? Pakua tah khawzei ah dah an si kun? Annih zong rak kir in Pathian kha an thangthat kho lo maw? Hi ramdang mipa lawng hi maw a ra kho?" tiah a ti. Cun Jesuh nih amah cu a thawh i, "Tho law va kal tuah; na zumhnak nih an dam ter cang" tiah a ti.
Hi kan Bible cacang nih a langhter duhmi cu Jesuh Khrih dawtnak, a zaangfahnak le minung kan lungput le Pathian kan zumhning hi a si.
Thinghmui zawtnak in a zawmi minung pahra le Jesuh an i ton ning hmanthlak kan zoh tikah hi thinghmui pahra hna hi Jerusalem khuapi chungah um an senh hna lo i a leng khuate pakhat ah an chiahmi hna an si. Hi mizaw hna nih hin Jesuh cu damtertu a si ti kha an zumh taktak. Jesuh Bawipa kan zaangfah tuah tiah an auh tikah Jesuh nih an thinlungput kha langhter (test) a duh hna caah direct in nan dam cang a ti hna lo. "Va kal u law tlangbawi nih rak in zoh hna seh" a ti hna. An kal pah in an pahra cun an thiang. Judah miphun a si lomi Samaria pa cu zeihlan bik ah Jesuh sin ah a kal i a biak i a thangthat. Jesuh nih "Adang pakua tah an dam ve lo maw?" a ti.
Tuzing kan tlangtar ah kai thimmi cu,
1. Jesuh Khrih Lungput Le A Dawtnak Vel
Thinlung dihlak in a zummi le aa bochan i thla a cammi hna caah cun Jesuh Khrih thawnnak le A dawtnak vel hi a dong kho lomi a si. A zum lomi hna hmanh khi zeitik ah dah an ka zumh lai i an ka bochan lai ti in a hngaktu a si. A thil ti khawh thawnnak le a dawtnak vel kha lawmh le thangthat a duh. Kan duhherh mi thil paoh hong ka hal hna seh ti a kan duhtu a si. A sin ah lunglawmhnak bia tam deuh a chimmi le thla a cam mi paoh kha thluachuah tam deuh pek a duh hna.
2. Minung Kan Lungput le Kan Zumh Ning
Harnak kan ton caan, pumsa damlonak, khuasak tuntuk harsatnak kong, fanufapa kong i lungretheihnak le tinhmi pakhatkhat kan ngeih caan ah cun zumhnak nganpi he thla cu kan cam cio hna. Pathian nih kan thlacamnak a kan leh i kan hlawh a tlin tikah lunglawmhnak bia chim hmasa lo in thil dang kan hal rih. Kan Pathian hi haal ding Pathian lawng le harnak caan Pathian lawng in kan ruah. Lunglawmhnak biachim a duhlo mi ah kan chiah i lunglawmh caan ah cun kan hnulei ah kan chiah. Pathian sin i lunglawmhnak biachimlo cu chim lo in, minung le minung kan i pehtlaihnak zong ah lunglawmhnak biachim hmanlo nih thil tampi a donh tawn.
Bia Donghnak
Tuchun Khrihfa kan sinak ah siseh, kan minung hawi sin kan nun ning ah siseh a cheukhat cu lunglawmnak biachim a thei lo mi hrim zong kan um. A cheukhat cu lunglawmhnak biachim ai nautatmi le ai tim bak lo mi zong um a si.
Cucaah cun pei maw Jesuh nih minung kan thin lungput le kan zumhnak cu a kan hmuh cia le thinghmui in a zawmi pahra hna lungput le zumhning lila cun a kan cawnpiaknak cu a si cu.
Ka dawtmi ka khuami hna, nitin kan nunnak ah Pathian nih thluachuah relcawk lo a kan pekmi lawmhnak biachim le kan minung hawi sin zong ah lunglawmhnak biachim hi leiba bantuk ah i chiah hna usih.
Thinghmui in a dammi pakua bantuk si lo in Samaria pa bantuk nun kha cawng hna usih.
Kai lawmtuk
Sunte
Thla kan cam lai: Dawtu Pathian, nihin zong ah caan sunglawi na kan serpiak than caah kan i lawm. Na fanu hmangin kan theihmi na thawngtha bia hi pumpak pakhat cio kan caah thlua kan chuahpiak ko. Kan Lairam ah harsatnak a tongmi kan miphun hawi hna, a bikin kan khuami caah thla kan cam. Cun, a dam lomi hna an ca zong ah thla kan cam. Nangmah nih damnak pe ko hna. Malaysia i a ummi khuami hna nangmah nih lamhruai hna law, thong chung a ummi nih a rauh hlan ah luatnak an hmuh khawh nakhnga, a luatmi zong tlaihkhihnak an ton sual nakhnga lo nangmah nih huppheng ko hna. Ramkip i a phanmi khuami vialte an riantuannak cio ah hlawhtlinnak pe ko hna. Riantuan ding aa hmuh rih lomi hna zong a rauh hlan ah an i hmuh khawh nakhnga bawm ko hna. Pumpak pakhat cio nih khoika kan phanh hmanh ah, nangmah tihzahnak he a nungmi kan si cio nakhnga zong lam kan hruai ko. Na kan dawt caah kan i lawm. Kan Bawipa Jesuh Khrih min in thla kan cam. Amen.
Pathian dawtnak a ngan hringhran. Nihin zong ah Amah Bia thiang i hrawm dingin caan kan hmuh than caah Pathain min kan thangthat. Thinlung timhtuahnak ah thawngtha bia rel dingin kan sawm hna.
Nihin thawngtha a kan chimtu cu U Sun (Sung Par Chin) a si. Caan a kan hmanpiak khawh caah a cungah tampi kan i lawm. Atu cu amah nih caan a hmannak a si cang lai.
Bible ca kan rel lai.
Luke17:11-19:
Jesu cu Jerusalem khua lei i a kal pah ah khin Samaria le Galili karlak in a kal. Khua pakhat chung ah hin a va lut i cuka ah cun thinghmui mi pahra an rak um i cu hna nih cun an rak ton. Lamhlat pi khin an dir i, Jesuh Bawipa kan zaangfah tuah tiah an au. Jesuh nih cun a hmuh hna i, "Va kal u law tlangbawi nih khan rak in zoh hna seh," tiah a ti hna. An kalpah cun lampi ah cun an thiang. An lak i pakhat cu ka dam cang tiah a theih tikah khan a ra kir i Pathian kha fakpi in a thangthat. Jesuh kehram ah khan vawlei ah a bawk i Jesuh cu a lawmh. Cu pa cu Samaria mi a si. Jesuh nih aa thawh i, "An pahra ning in an dam lo maw? Pakua tah khawzei ah dah an si kun? Annih zong rak kir in Pathian kha an thangthat kho lo maw? Hi ramdang mipa lawng hi maw a ra kho?" tiah a ti. Cun Jesuh nih amah cu a thawh i, "Tho law va kal tuah; na zumhnak nih an dam ter cang" tiah a ti.
Hi kan Bible cacang nih a langhter duhmi cu Jesuh Khrih dawtnak, a zaangfahnak le minung kan lungput le Pathian kan zumhning hi a si.
Thinghmui zawtnak in a zawmi minung pahra le Jesuh an i ton ning hmanthlak kan zoh tikah hi thinghmui pahra hna hi Jerusalem khuapi chungah um an senh hna lo i a leng khuate pakhat ah an chiahmi hna an si. Hi mizaw hna nih hin Jesuh cu damtertu a si ti kha an zumh taktak. Jesuh Bawipa kan zaangfah tuah tiah an auh tikah Jesuh nih an thinlungput kha langhter (test) a duh hna caah direct in nan dam cang a ti hna lo. "Va kal u law tlangbawi nih rak in zoh hna seh" a ti hna. An kal pah in an pahra cun an thiang. Judah miphun a si lomi Samaria pa cu zeihlan bik ah Jesuh sin ah a kal i a biak i a thangthat. Jesuh nih "Adang pakua tah an dam ve lo maw?" a ti.
Tuzing kan tlangtar ah kai thimmi cu,
Lunglawmnak Biachim Kan Bau Sual Maw?
1. Jesuh Khrih Lungput Le A Dawtnak Vel
Thinlung dihlak in a zummi le aa bochan i thla a cammi hna caah cun Jesuh Khrih thawnnak le A dawtnak vel hi a dong kho lomi a si. A zum lomi hna hmanh khi zeitik ah dah an ka zumh lai i an ka bochan lai ti in a hngaktu a si. A thil ti khawh thawnnak le a dawtnak vel kha lawmh le thangthat a duh. Kan duhherh mi thil paoh hong ka hal hna seh ti a kan duhtu a si. A sin ah lunglawmhnak bia tam deuh a chimmi le thla a cam mi paoh kha thluachuah tam deuh pek a duh hna.
2. Minung Kan Lungput le Kan Zumh Ning
Harnak kan ton caan, pumsa damlonak, khuasak tuntuk harsatnak kong, fanufapa kong i lungretheihnak le tinhmi pakhatkhat kan ngeih caan ah cun zumhnak nganpi he thla cu kan cam cio hna. Pathian nih kan thlacamnak a kan leh i kan hlawh a tlin tikah lunglawmhnak bia chim hmasa lo in thil dang kan hal rih. Kan Pathian hi haal ding Pathian lawng le harnak caan Pathian lawng in kan ruah. Lunglawmhnak biachim a duhlo mi ah kan chiah i lunglawmh caan ah cun kan hnulei ah kan chiah. Pathian sin i lunglawmhnak biachimlo cu chim lo in, minung le minung kan i pehtlaihnak zong ah lunglawmhnak biachim hmanlo nih thil tampi a donh tawn.
Bia Donghnak
Tuchun Khrihfa kan sinak ah siseh, kan minung hawi sin kan nun ning ah siseh a cheukhat cu lunglawmnak biachim a thei lo mi hrim zong kan um. A cheukhat cu lunglawmhnak biachim ai nautatmi le ai tim bak lo mi zong um a si.
Cucaah cun pei maw Jesuh nih minung kan thin lungput le kan zumhnak cu a kan hmuh cia le thinghmui in a zawmi pahra hna lungput le zumhning lila cun a kan cawnpiaknak cu a si cu.
Ka dawtmi ka khuami hna, nitin kan nunnak ah Pathian nih thluachuah relcawk lo a kan pekmi lawmhnak biachim le kan minung hawi sin zong ah lunglawmhnak biachim hi leiba bantuk ah i chiah hna usih.
Thinghmui in a dammi pakua bantuk si lo in Samaria pa bantuk nun kha cawng hna usih.
Kai lawmtuk
Sunte
Thla kan cam lai: Dawtu Pathian, nihin zong ah caan sunglawi na kan serpiak than caah kan i lawm. Na fanu hmangin kan theihmi na thawngtha bia hi pumpak pakhat cio kan caah thlua kan chuahpiak ko. Kan Lairam ah harsatnak a tongmi kan miphun hawi hna, a bikin kan khuami caah thla kan cam. Cun, a dam lomi hna an ca zong ah thla kan cam. Nangmah nih damnak pe ko hna. Malaysia i a ummi khuami hna nangmah nih lamhruai hna law, thong chung a ummi nih a rauh hlan ah luatnak an hmuh khawh nakhnga, a luatmi zong tlaihkhihnak an ton sual nakhnga lo nangmah nih huppheng ko hna. Ramkip i a phanmi khuami vialte an riantuannak cio ah hlawhtlinnak pe ko hna. Riantuan ding aa hmuh rih lomi hna zong a rauh hlan ah an i hmuh khawh nakhnga bawm ko hna. Pumpak pakhat cio nih khoika kan phanh hmanh ah, nangmah tihzahnak he a nungmi kan si cio nakhnga zong lam kan hruai ko. Na kan dawt caah kan i lawm. Kan Bawipa Jesuh Khrih min in thla kan cam. Amen.
No comments:
Post a Comment