July 20, 2008
Pathian dawtnak hi a ngan hringhran ko. Nihin zong ah hmun dangdang ah kan um ko nain, thawngtha i hrawmtinak kan ngei kho than. Pathian thangthat hi philh hrim hlah usih.
Nai kha zarhhnih chung, caan ka tlai kho lo i, cu ahcun tuanvo a kan lakpiak tu U Van cungah ka lawm tuk ti kha a hmasa bik ah langhter ka duh. Cun, CBFA civui a zawh kho lomi zong, ka pa Duh nih a zawhmi bantuk a kan si ter i kan i lawm tuk. Civui i thawngtha chimtu pali ah pakhat kan khuami a si hi, Pathian nih a kan cawisannak a si.
Nihin cu keimah le keimah caan ka thiah than. Caantlaitu si a miak nak :) :)
Baibal Relnak: Marka 15:31-32
Phungbia cawnpiaktu saya hna nih khan Jesuh cu an nihsawh i, “Midang khamh tung in amah vial aa khamh kho tung lo hi ta! Israelmi siangpahrang Messiah cu, atu hrimhrim ah hin vailam tahnak cung hin a rung tum tu hmu u sih law, kan zumh ko hnga! an ti.
Jesuh Khrih nih vawleicung a rak tlonlen i Pathian rian a rak tuan lio ah, khuaruah har a simi thil (miracle) tampi a rak tuah. Mitcaw nih khua an rak hmuh. A zengmi nih an kal kho than. A dam lomi nih damnak an hmuh. Thinghmui zawtnak a ngeimi nih thiannak an hmuh. A thimi hmanh (Lazaruh) kha thlan chungin a thawh ter than. Khuaruah har a rak tuahmi a tam.
Sihmanhsehlaw, Jesuh Khrih nih a tuah khawh lomi a um. Cu ruangah cun Jesuh hi duh a nun khunnak, upat tlak a si nak le, biak tlakmi Pathian a si nak cu a si. Cucu nihin ah ruah ti dingin chim ka duhmi a si. Jesuh nih hin khuaruah har thil hi a tuah khawh, cun a tuah kho fawn lo. Jesuh Khrih nih a tuah khawh lomi (a tuah duh lomi) thil an um:
Pakhatnak, riantuan aa thawk lai ah, Satan nih a tukforh. Lung kha changreu ah can ter ko, biakinn par in zuang ko ngat, ka bia law, na hmuhmi ram vialte kan pek lai, tiah a ti tikah Jesuh nih amah minthannak he aa pehtlaih tikah, a tuah kho lo (Matt 4:1-11; Mk 1:12-13; Lk 4:1-13). Phundang in kan chim ahcun a tuah duh lo.
Pahnihnak, vailamcung i an tah lio ah, a pawng i an thlai ve mi pa nih, Pathian fa na si ahcun i khamh law, kanmah zong kan khamh ve, a ti lio ah Jesuh nih a khamh hna lo, aa khamh kho lo (Lk 23:39). Phundang in chim ahcun, aa khamh duh lo. Khuaruah har thil a tuah kho lo, a tuah duh lo.
Pathumnak, Jesuh Khrih a riantuannak zoh tikah, khuaruah har thil tuah loin a um khawh lo caan a um. Cucu mipi nih harnak an ton tikah a si. Mizaw tampi nih damnak an hmuh. A thimi an tho than. Amah ca belte ah khuaruah har thil a tuah kho lo. Nain, midang caah a si ahcun, khuaruah har thil, thil tha tuah loin a um kho fawn lo. Kan Bawipa Jesuh Khrih nih midang a bawmh hna tikah, Pathian sunparnak caah a tuah, amah minthannak caah a si bal lo.
Kan chim cang bantuk in, Jesuh Khrih nih amah minthatnak caah a si ahcun khuaruah har thil a tuah kho lo. Midang caah nun loin a um kho lo. Pathian nawl ngeih loin a um kho lo. Minung dawt loin a kan um kho lo. Thatnak tuah loin a um kho lo.
Pathian nih a tuah khawh lomi lak ah pakhat cu, a mi hna dawt lo in a kan um khawh lomi hi a si. Amah duh lo ning in kan nung ko. Sihmanhsehlaw, a kan hlaw kho lo. A ruangah cu, a dawtnak hi a thinhunnak nakin a ngan deuh caah a si.
Dawt tlak lo, zaangfah awk tlak lo, ngaihthiam aa hlawh lomi minung kha dawt loin a kan um kho lo, zaangfah loin a kan um kho lo i, ngaihthiam lo zong in a kan um kho lo. Cu thil cu fiang tuk in a hmuh tikah Salm catialtu nih cun “Minung menmen a si komi hi zei caah dah a zawn na ruah i, na hnak kar ah na tenh” tiah a ti (Salm 8).
Nihin ka relmi cacang hi kan Bawipa Jesuh Khrih vailamcung ah an thah cuahmah lio ah phungbia cawnpiaktu nih an timi a si. Minung mithmuh cun Jesuh Khrih nih amah le amah aa khamh kho taktak lo. Nain, aa khamh khawh lo siloin aa khamh duh lo tu a rak si. Cucu vawlei minung hna a kan dawt caah le khamh a kan duh caah a rak si. Phundang in kan chim ahcun, midang caah nun aa timh caah a rak si.
Cun, Biakam Hlun cauk he pehtlain thiamsang a simi Dr. Terence Fretheim nih cun, Pathian nih thil a tuah khawh le khawh lo hi, minung hna nih amah he kan i pehtlaihnak cungah tampi aa hngat ve, a ti. Nihin ah, kan Bawipa Jesuh Khrih nih kanmah hmangin khuaruah har thil a tuah khawh ve. A tuah kho lo fawn. Aruang cu: hramhram in minung hi a kan hnek kho lo, a kan hnek duh lo. Zalong tein nunnak nawl a kan pek. Pumhnak rat dingah a hramhram in a kan hruai lem lai lo. Nain, kanmah nih amah caah i pek duhnak thinlung kan ngeih ahcun, khuaruah har thil a tuah khawh fawn. Kanmah hmangin Pathian sunparnak langhter ding hi Bawipa nih a duhmi a si. Kan biakmi Jesuh Khrih cu thatnak tuah loin a um kho lomi Pathian a si tihi philh hna hlah usih.
Dawimi khuami hna, Pathian caah le kan minung hawi caah thatnak tuah loin a um kho lomi si hna usih, Jesuh Khrih bantuk in. Pathian caah kan nun ahcun, Bawipa nih kan herhmi a kan pek ko lai. Cun, minthatnak zong a kan chap chih te lai. Jesuh Khrih bantuk in, midang caah thil tha tuah loin a um kho lomi si ve hna usih!
Thla kan cam lai: Dawtu Pathian, dawt loin na kan um khawh lo caah kan i lawm. Kan Bawipa Jesuh Khrih bantuk in, midang caah a nung khomi kan si nakhnga thazaang thar kan pe ko. A dam lomi nih damnak an hmuh nakhnga le, thong ah a ummi nih luatnak an hmuh nakhnga, thla kan cam. Nanmah nih umpi ko hna. Kan Lairam ah harsa tukin a ummi kan khuami hna, kan chungkhat salawh rualchan an caah thla kan cam. Nangmah nih damnak pe hna law, an herhmi eidin an i hmuh khawh nakhnga umpi ko hna. Pumpak pakhat cio zong, kan miphun hawi cungah dawtnak le zawnruahnak kan ngeih chin khawh nakhnga, lam kan hruai ko. Ram kip hmun kip ah kan phan hna i, kan umnak cio ah rian tha tein a tuan khomi, nangmah ca zong ah zohchunh tlak in a nungmi kan si nakhnga kan bawm ko. Hmailei zong ah atu bantuk in na thawngtha bia aa hrawmti peng khomi kan si nakhnga na Thiang Thlarau in kan umpi ko tiah kan Bawipa Jesuh Khrih min in thla kan cam. Amen.
Pathian dawtnak hi a ngan hringhran ko. Nihin zong ah hmun dangdang ah kan um ko nain, thawngtha i hrawmtinak kan ngei kho than. Pathian thangthat hi philh hrim hlah usih.
Nai kha zarhhnih chung, caan ka tlai kho lo i, cu ahcun tuanvo a kan lakpiak tu U Van cungah ka lawm tuk ti kha a hmasa bik ah langhter ka duh. Cun, CBFA civui a zawh kho lomi zong, ka pa Duh nih a zawhmi bantuk a kan si ter i kan i lawm tuk. Civui i thawngtha chimtu pali ah pakhat kan khuami a si hi, Pathian nih a kan cawisannak a si.
Nihin cu keimah le keimah caan ka thiah than. Caantlaitu si a miak nak :) :)
Jesuh Nih A Tuah Kho Lo
Baibal Relnak: Marka 15:31-32
Phungbia cawnpiaktu saya hna nih khan Jesuh cu an nihsawh i, “Midang khamh tung in amah vial aa khamh kho tung lo hi ta! Israelmi siangpahrang Messiah cu, atu hrimhrim ah hin vailam tahnak cung hin a rung tum tu hmu u sih law, kan zumh ko hnga! an ti.
Jesuh Khrih nih vawleicung a rak tlonlen i Pathian rian a rak tuan lio ah, khuaruah har a simi thil (miracle) tampi a rak tuah. Mitcaw nih khua an rak hmuh. A zengmi nih an kal kho than. A dam lomi nih damnak an hmuh. Thinghmui zawtnak a ngeimi nih thiannak an hmuh. A thimi hmanh (Lazaruh) kha thlan chungin a thawh ter than. Khuaruah har a rak tuahmi a tam.
Sihmanhsehlaw, Jesuh Khrih nih a tuah khawh lomi a um. Cu ruangah cun Jesuh hi duh a nun khunnak, upat tlak a si nak le, biak tlakmi Pathian a si nak cu a si. Cucu nihin ah ruah ti dingin chim ka duhmi a si. Jesuh nih hin khuaruah har thil hi a tuah khawh, cun a tuah kho fawn lo. Jesuh Khrih nih a tuah khawh lomi (a tuah duh lomi) thil an um:
Pakhatnak, riantuan aa thawk lai ah, Satan nih a tukforh. Lung kha changreu ah can ter ko, biakinn par in zuang ko ngat, ka bia law, na hmuhmi ram vialte kan pek lai, tiah a ti tikah Jesuh nih amah minthannak he aa pehtlaih tikah, a tuah kho lo (Matt 4:1-11; Mk 1:12-13; Lk 4:1-13). Phundang in kan chim ahcun a tuah duh lo.
Pahnihnak, vailamcung i an tah lio ah, a pawng i an thlai ve mi pa nih, Pathian fa na si ahcun i khamh law, kanmah zong kan khamh ve, a ti lio ah Jesuh nih a khamh hna lo, aa khamh kho lo (Lk 23:39). Phundang in chim ahcun, aa khamh duh lo. Khuaruah har thil a tuah kho lo, a tuah duh lo.
Pathumnak, Jesuh Khrih a riantuannak zoh tikah, khuaruah har thil tuah loin a um khawh lo caan a um. Cucu mipi nih harnak an ton tikah a si. Mizaw tampi nih damnak an hmuh. A thimi an tho than. Amah ca belte ah khuaruah har thil a tuah kho lo. Nain, midang caah a si ahcun, khuaruah har thil, thil tha tuah loin a um kho fawn lo. Kan Bawipa Jesuh Khrih nih midang a bawmh hna tikah, Pathian sunparnak caah a tuah, amah minthannak caah a si bal lo.
Kan chim cang bantuk in, Jesuh Khrih nih amah minthatnak caah a si ahcun khuaruah har thil a tuah kho lo. Midang caah nun loin a um kho lo. Pathian nawl ngeih loin a um kho lo. Minung dawt loin a kan um kho lo. Thatnak tuah loin a um kho lo.
Pathian nih a tuah khawh lomi lak ah pakhat cu, a mi hna dawt lo in a kan um khawh lomi hi a si. Amah duh lo ning in kan nung ko. Sihmanhsehlaw, a kan hlaw kho lo. A ruangah cu, a dawtnak hi a thinhunnak nakin a ngan deuh caah a si.
Dawt tlak lo, zaangfah awk tlak lo, ngaihthiam aa hlawh lomi minung kha dawt loin a kan um kho lo, zaangfah loin a kan um kho lo i, ngaihthiam lo zong in a kan um kho lo. Cu thil cu fiang tuk in a hmuh tikah Salm catialtu nih cun “Minung menmen a si komi hi zei caah dah a zawn na ruah i, na hnak kar ah na tenh” tiah a ti (Salm 8).
Nihin ka relmi cacang hi kan Bawipa Jesuh Khrih vailamcung ah an thah cuahmah lio ah phungbia cawnpiaktu nih an timi a si. Minung mithmuh cun Jesuh Khrih nih amah le amah aa khamh kho taktak lo. Nain, aa khamh khawh lo siloin aa khamh duh lo tu a rak si. Cucu vawlei minung hna a kan dawt caah le khamh a kan duh caah a rak si. Phundang in kan chim ahcun, midang caah nun aa timh caah a rak si.
Cun, Biakam Hlun cauk he pehtlain thiamsang a simi Dr. Terence Fretheim nih cun, Pathian nih thil a tuah khawh le khawh lo hi, minung hna nih amah he kan i pehtlaihnak cungah tampi aa hngat ve, a ti. Nihin ah, kan Bawipa Jesuh Khrih nih kanmah hmangin khuaruah har thil a tuah khawh ve. A tuah kho lo fawn. Aruang cu: hramhram in minung hi a kan hnek kho lo, a kan hnek duh lo. Zalong tein nunnak nawl a kan pek. Pumhnak rat dingah a hramhram in a kan hruai lem lai lo. Nain, kanmah nih amah caah i pek duhnak thinlung kan ngeih ahcun, khuaruah har thil a tuah khawh fawn. Kanmah hmangin Pathian sunparnak langhter ding hi Bawipa nih a duhmi a si. Kan biakmi Jesuh Khrih cu thatnak tuah loin a um kho lomi Pathian a si tihi philh hna hlah usih.
Dawimi khuami hna, Pathian caah le kan minung hawi caah thatnak tuah loin a um kho lomi si hna usih, Jesuh Khrih bantuk in. Pathian caah kan nun ahcun, Bawipa nih kan herhmi a kan pek ko lai. Cun, minthatnak zong a kan chap chih te lai. Jesuh Khrih bantuk in, midang caah thil tha tuah loin a um kho lomi si ve hna usih!
Thla kan cam lai: Dawtu Pathian, dawt loin na kan um khawh lo caah kan i lawm. Kan Bawipa Jesuh Khrih bantuk in, midang caah a nung khomi kan si nakhnga thazaang thar kan pe ko. A dam lomi nih damnak an hmuh nakhnga le, thong ah a ummi nih luatnak an hmuh nakhnga, thla kan cam. Nanmah nih umpi ko hna. Kan Lairam ah harsa tukin a ummi kan khuami hna, kan chungkhat salawh rualchan an caah thla kan cam. Nangmah nih damnak pe hna law, an herhmi eidin an i hmuh khawh nakhnga umpi ko hna. Pumpak pakhat cio zong, kan miphun hawi cungah dawtnak le zawnruahnak kan ngeih chin khawh nakhnga, lam kan hruai ko. Ram kip hmun kip ah kan phan hna i, kan umnak cio ah rian tha tein a tuan khomi, nangmah ca zong ah zohchunh tlak in a nungmi kan si nakhnga kan bawm ko. Hmailei zong ah atu bantuk in na thawngtha bia aa hrawmti peng khomi kan si nakhnga na Thiang Thlarau in kan umpi ko tiah kan Bawipa Jesuh Khrih min in thla kan cam. Amen.
No comments:
Post a Comment